ਮਹਾਨ ਦੇਸ਼ ਹੈ। ਪਾਗ਼ਲਪਣ ਦੀਆਂ ਗੱਲਾਂ ਹਨ। ਜਦ ਤਕ ਕੌਮਾਂ ਇਸ ਤਰ੍ਹਾਂ ਦੀਆਂ ਗੱਲਾਂ ਪੱਥਰ ਪਏ ਰਹੇ। ਕੀ ਕਹਿੰਦੇ ! ਉਹਨਾਂ ਸਭ ਨੇ ਕਿਹਾ, ਤੁਸੀਂ ਆਪਣੀ ਆਤਮ- ਕਥਾ ਲਿਖੋ । ਆਟੋਬਾਇਓਗ੍ਰਾਫ਼ੀ ਲਿਖੋ। ਤੁਹਾਡੇ ਜਿਹਾ ਪੱਥਰ ਸਾਡੇ ਪੱਥਰਾਂ ਵਿੱਚ ਕਦੇ ਪੈਦਾ ਹੀ ਨਹੀਂ ਹੋਇਆ । ਤੁਸੀਂ ਤਾਂ ਜ਼ਰੂਰ ਈਸ਼ਵਰ-ਪੁੱਤਰ ਹੋ। ਤੁਸੀਂ ਤਾਂ ਮਹਾਤਮਾ ਹੈ। ਤੁਸੀਂ ਤਾਂ ਧੰਨ ਹੋ, ਜ਼ਰੂਰ ਕੋਈ ਰੱਬੀ-ਤਾਕਤ ਕੰਮ ਕਰ ਰਹੀ ਹੈ। ਤਦੇ ਤਾਂ ਤੁਸੀਂ ਅਕਾਸ਼ ਵਿੱਚ ਉੱਡੇ, ਵੈਰੀ ਦਾ ਵਿਨਯ ਕੀਤਾ, ਰਾਜ-ਮਹਿਲਾਂ ਵਿੱਚ ਮਹਿਮਾਨ ਬਣੇ।

ਫਿਰ ਆਟੋਬਾਇਓਗ੍ਰਾਫੀ ਲਿਖਣੀ ਪੈਂਦੀ ਹੈ ਆਦਮੀ ਨੂੰ, ਅਤੇ ਪੱਥਰ ਤੋਂ ਜ਼ਿਆਦਾ ਉਸ ਦੀ ਕਹਾਣੀ ਨਹੀਂ ਹੈ। ਇਕ ਪੱਥਰ ਤੋਂ ਜ਼ਿਆਦਾ, ਇਹ ਜੋ ਪੱਥਰ ਨੇ ਯਾਤਰਾ ਕੀਤੀ। ਇਸ ਤੋਂ ਜ਼ਿਆਦਾ ਸਾਡੀ ਯਾਤਰਾ ਹੈ? ਇਸ 'ਤੇ ਜ਼ਰਾ ਵਿਚਾਰੋ, ਇਸ ਨੂੰ ਜ਼ਰਾ ਸੋਚੋ । ਇਸ ਪੱਥਰ ਤੋਂ ਜ਼ਿਆਦਾ ਕਥਾ ਨਹੀਂ ਦਿੱਸੇਗੀ ਅਤੇ ਸਭ ਕਥਾਵਾਂ ਬਚਕਾਨੀਆ ਤੇ ਚਾਇਲਿਡਸ਼ ਜਾਣ ਪੈਣਗੀਆਂ, ਸਭ ਮਨੁੱਖ ਦਾ ਹੰਕਾਰ ਜਾਣ ਪੈਣਗੀਆਂ।

ਇਹ ਹੰਕਾਰ ਸਭ ਤੋਂ ਜ਼ਿਆਦਾ ਡਿਸਟ੍ਰਕਟਿਵ ਫੋਰਸ ਹੈ, ਸਭ ਤੋਂ ਵੱਡੀ ਵਿਨਾਸ਼ਆਤਮਕ ਸ਼ਕਤੀ ਹੈ। ਜੇ ਇਹ ਸੋਚ-ਵਿਚਾਰ ਤੁਹਾਨੂੰ ਦਿਖਾਈ ਪਵੇ, ਮੈਂ ਤਾਂ ਕੁਝ ਵੀ ਨਹੀਂ ਹਾਂ, ਜੇ ਇਹ ਅਨੁਭਵ ਵਿੱਚ ਆਵੇ, ਮੈਂ ਤਾਂ ਨਾ-ਕੁਝ ਹਾਂ। ਕੁਦਰਤ ਦੀ ਹੱਥਾਂ ਦੀ ਇਕ ਖੇਡ, ਜਾਂ ਪਰਮਾਤਮਾ ਦੇ ਦੁਆਰਾ ਸੁੱਟਿਆ ਗਿਆ ਇਕ ਪੱਥਰ ਅਤੇ ਸਾਰੀ ਯਾਤਰਾ ਤੇ ਸਾਰੀ ਕਥਾ ਅਤੇ ਫਿਰ ਪੱਥਰ ਦਾ ਵਾਪਸ ਗਿਰ ਜਾਣਾ, ਇਸ ਤੋਂ ਜ਼ਿਆਦਾ ਕੁਝ ਵੀ ਨਹੀਂ ਹਾਂ। ਅਜੇਹਾ ਜੇਕਰ ਦਿਖਾਈ ਪਵੇ ਤਾਂ ਤੁਹਾਡੇ ਜੀਵਨ ਤੋਂ ਹੰਕਾਰ ਗਾਇਬ ਹੋ ਜਾਵੇਗਾ। ਅਤੇ ਜਿਵੇਂ ਹੀ ਹੰਕਾਰ ਹੀ ਹੰਕਾਰ ਗ਼ਾਇਬ ਹੋਇਆ ਉਵੇਂ ਹੀ ਉਸ ਦਾ ਜਨਮ ਹੁੰਦਾ ਹੈ ਜੋ ਪ੍ਰੇਮ ਹੈ ਜੋ ਅਨੰਦ ਹੈ । ਉਸ ਦਾ ਜਨਮ ਹੁੰਦਾ ਹੈ, ਜੋ ਆਤਮਾ ਹੈ। ਉਸ ਦੀ ਪ੍ਰਤੀਤੀ ਹੁੰਦੀ ਹੈ, ਜੋ ਅੰਦਰ ਲੁਕਿਆ ਹੋਇਆ ਸੱਚ ਹੈ, ਜੋ ਅਸਲੀ ਸਾਡੀ ਸੱਤਾ ਹੈ। ਅਤੇ ਉਸ ਦੀ ਪ੍ਰਾਪਤੀ ਹੁੰਦਿਆਂ ਹੀ ਸਾਡੇ ਜੀਵਨ ਦੀ ਦ੍ਰਿਸ਼ਟੀ ਕੁਝ ਹੋਰ ਹੋ ਜਾਂਦੀ ਹੈ। ਫਿਰ ਹੁੰਦੀ ਹੈ ਸਿਰਜਣਾ। ਫਿਰ ਤੁਸੀਂ ਉਠਦੇ ਹੋ ਤਾਂ ਸਿਰਜਣਾ ਹੁੰਦੀ ਹੈ, ਫਿਰ ਤੁਸੀਂ ਸਾਹ ਲੈਂਦੇ ਹੋ ਤਾਂ ਸਿਰਜਣਾ ਹੁੰਦੀ ਹੈ, ਫਿਰ ਤੁਸੀਂ ਪ੍ਰੇਮ ਕਰਦੇ ਹੋ ਤਾਂ ਸਿਰਜਣਾ ਹੁੰਦੀ ਹੈ। ਤੁਹਾਡਾ ਗੁਜ਼ਰ ਜਾਣਾ, ਤੁਹਾਡਾ ਹੋਣਾ-ਮਾਤਰ ਇਕ ਸਿਰਜਣਾਤਮਕ ਸੇਵਾ ਹੋ ਜਾਂਦੀ ਹੈ।

ਇਹ ਤਿੰਨ ਛੋਟੀਆਂ-ਜਿਹੀਆਂ ਗੱਲਾਂ ਮੈਂ ਕਹੀਆਂ। ਹੈਰਾਨੀ ਹੋਵੇਗੀ ਕਿ ਇਹਨਾਂ ਨੂੰ ਮੈਂ ਵਿਸ਼ਵ ਸ਼ਾਂਤੀ ਨਾਲ ਕਿਵੇਂ ਜੋੜਦਾ ਹਾਂ। ਇਸ ਲਈ ਜੋੜਦਾ ਹਾਂ ਕਿ ਇਕ-ਇਕ ਵਿਅਕਤੀ ਤੋਂ ਮਿਲ ਕੇ ਇਹ ਸਾਰਾ ਮਨੁੱਖ ਦਾ ਵਿਸ਼ਵ ਬਣਿਆ ਹੈ। ਇਕ-ਇਕ ਛੋਟੇ- ਛੋਟੇ ਵਿਅਕਤੀ ਦਾ ਜੋੜ ਹੈ। ਵਿਸ਼ਵ ਕਿਤੇ ਹੈ ਨਹੀਂ। ਅਸੀਂ ਸਾਰੇ ਲੋਕ ਮਿਲ ਕੇ ਇਸ ਵਿਸ਼ਵ ਨੂੰ ਬਣਾਉਂਦੇ ਹਾਂ, ਬਣਾਇਆ ਹੋਇਆ ਹੈ। ਅਸੀਂ ਸਾਰੇ ਲੋਕਾਂ ਨੇ ਇਸ ਨੂੰ ਤਿਆਰ ਕੀਤਾ ਹੈ। ਅਸੀਂ ਸਾਰੇ ਲੋਕਾਂ ਦੇ ਪ੍ਰਾਣ ਜੇ ਬਦਲੀਏ, ਸਾਡੇ ਚਿੱਤ ਜੇ ਬਦਲੀਏ, ਸਾਡੇ ਸੋਚਣ ਅਤੇ ਜੀਣ ਦਾ ਢੰਗ ਜੇ ਬਦਲੀਏ ਤਾਂ ਸੰਭਵ ਹੈ ਕਿ ਅਸੀਂ ਇਕ ਹੋਰ ਤਰ੍ਹਾਂ ਦੀ ਮਨੁੱਖਤਾ ਨੂੰ ਜਨਮ ਦੇਣ ਵਿੱਚ ਸਮਰੱਥ ਹੋ ਸਕੀਏ। ਅਤੇ ਯਾਦ ਰੱਖਣਾ, ਇਹ