ਦਿਉ ਅਤੇ ਘਬਰਾਉ ਨਾ। ਉਹ ਕਿਤੇ ਵੀ ਜਾਵੇ, ਘਬਰਾਉਣ ਦੀ ਗੱਲ ਕੀ ਹੈ, ਡਰ ਦੀ ਕੀ ਗੱਲ ਹੈ? ਅਤੇ ਜੋ ਡਰਿਆ ਹੈ, ਉਹ ਕੰਢੇ ਨਾਲ ਬੱਧਾ ਰਹਿ ਜਾਂਦਾ ਹੈ। ਬੇੜੀ ਨੂੰ ਛੱਡਣਾ ਹੀ ਹੋਵੇਗਾ ਅਤੇ ਸਾਡੀ ਸਭ ਦੀ ਬੇੜੀ ਕਿਸੇ ਨਾ ਕਿਸੇ ਤਰ੍ਹਾਂ ਦੇ ਵਿਸ਼ਵਾਸ ਨਾਲ ਬੱਧੀ ਹੈ। ਜੇ ਦੁਨੀਆ ਵਿੱਚ ਵਿਸ਼ਵਾਸ ਨਸ਼ਟ ਹੋ ਜਾਣ ਤਾਂ ਧਰਮ ਦਾ ਜਨਮ ਹੋ ਸਕਦਾ ਹੈ । ਜੇ ਦੁਨੀਆ ਵਿੱਚ ਸਭ ਵਿਸ਼ਵਾਸ ਖੋ ਜਾਣ ਤਾਂ ਧਰਮ ਦੀ ਅਗਨੀ ਪੈਦਾ ਹੋ ਸਕਦੀ ਹੈ। ਈਸ਼ਵਰ ਕਰੇ ਦੁਨੀਆ ਵਿੱਚ ਕੋਈ ਈਸਾਈ ਨਾ ਹੋਵੇ, ਹਿੰਦੂ ਨਾ ਹੋਵੇ, ਮੁਸਲਮਾਨ ਨਾ ਹੋਵੇ, ਜੈਨੀ ਨਾ ਹੋਵੇ । ਈਸ਼ਵਰ ਕਰੇ ਕਿ ਇਹ ਹੋ ਜਾਵੇ ਤਾਂ ਦੁਨੀਆ ਵਿੱਚ ਧਰਮ ਦੇ ਹੋਣ ਦੀ ਸੰਭਾਵਨਾ ਪੈਦਾ ਹੋ ਸਕਦੀ ਹੈ।

ਧਾਰਮਕ ਧਰਮ ਨੂੰ ਪੈਦਾ ਹੋਣ ਨਹੀਂ ਦੇ ਰਹੇ ਹਨ, ਅਤੇ ਧਾਰਮਕਾਂ ਨੇ ਧਰਮ ਦੇ ਜਨਮ ਨੂੰ ਰੋਕਿਆ ਹੋਇਆ ਹੈ। ਹੁਣ ਜਿਨ੍ਹਾਂ ਵਿੱਚ ਹੌਸਲਾ ਹੋਵੇ, ਉਹਨਾਂ ਨੂੰ ਚਾਹੀਦਾ ਹੈ ਕਿ ਧਾਰਮਕਾਂ ਦੇ ਇਸ ਪਖੰਡ ਨੂੰ ਨਸ਼ਟ ਕਰ ਦੇਣ ਅਤੇ ਧਰਮ ਦੇ ਜਨਮ ਵਿੱਚ ਸਹਿਯੋਗੀ ਬਣਨ। ਧਰਮ ਦਾ ਜਨਮ ਜਿਗਿਆਸਾ ਤੋਂ ਹੋਵੇਗਾ। ਧਰਮ ਦਾ ਜਨਮ ਵਿਵੇਕ ਤੇ ਵਿਚਾਰ ਤੋਂ ਹੋਵੇਗਾ। ਧਰਮ ਵੀ ਦਰਅਸਲ ਇਕ ਵਿਗਿਆਨ ਹੈ, ਸਾਇੰਸ ਹੈ, ਪਰਮ-ਵਿਗਿਆਨ ਹੈ । ਉਹ ਕੋਈ ਵਿਸ਼ਵਾਸ ਨਹੀਂ ਹੈ ਕਿ ਤੁਸੀਂ ਮੰਨ ਲਵੋ । ਉਹ ਵੀ ਜਾਣਿਆ ਜਾ ਸਕਦਾ ਹੈ। ਉਹ ਵੀ ਅਨੁਭਵ ਕੀਤਾ ਜਾ ਸਕਦਾ ਹੈ।

ਕੌਣ ਇਹ ਕਹਿੰਦਾ ਹੈ, ਜੋ ਕ੍ਰਾਈਸਟ ਨੂੰ ਅਨੁਭਵ ਹੋਇਆ ਹੈ, ਉਹ ਤੁਹਾਨੂੰ ਅਨੁਭਵ ਨਹੀਂ ਹੋਵੇਗਾ? ਜੋ ਇਹ ਕਹਿੰਦਾ ਹੈ, ਉਹ ਦੁਸ਼ਮਣ ਹੈ। ਕੌਣ ਇਹ ਕਹਿੰਦਾ ਹੈ, ਜੋ ਬੁੱਧ ਨੂੰ ਅਨੁਭਵ ਹੋਇਆ ਹੈ, ਉਹ ਇਕ ਸੜਕ 'ਤੇ ਝਾੜੂ ਲਾਉਣ ਵਾਲੇ ਨੂੰ ਅਨੁਭਵ ਨਹੀਂ ਹੋਵੇਗਾ । ਜੋ ਇਹ ਕਹਿੰਦਾ ਹੈ, ਉਹ ਮਨੁੱਖ ਦਾ ਦੁਸ਼ਮਣ ਹੈ। ਹਰ ਮਨੁੱਖ ਦੇ ਅੰਦਰ ਉਹੀ ਪਰਮ ਪਰਮਾਤਮਾ ਬੈਠਾ ਹੋਇਆ ਹੈ, ਤਾਂ ਉਹ ਅਨੁਭਵ, ਜੋ ਕ੍ਰਾਈਸਟ ਨੂੰ ਹੋਇਆ ਹੋਵੇ, ਬੁੱਧ ਨੂੰ ਹੋਇਆ ਹੋਵੇ, ਰਾਮ ਕ੍ਰਿਸ਼ਨ ਨੂੰ ਹੋਇਆ ਹੋਵੇ, ਉਹ ਹਰੇਕ ਨੂੰ ਹੋ ਸਕਦਾ ਹੈ, ਹਰੇਕ ਨੂੰ ਹੋਣਾ ਚਾਹੀਦਾ ਹੈ। ਰੁਕਾਵਟ ਹੈ, ਇਸ ਲਈ ਕਿ ਅਸੀਂ ਦੂਜਿਆਂ ਨੂੰ ਸਵੀਕਾਰ ਕੀਤਾ ਹੋਇਆ ਹੈ ਅਤੇ ਆਪਣੇ-ਆਪ ਨੂੰ ਜਗਾ ਨਹੀਂ ਰਹੇ ਹਾਂ । ਦੂਜਿਆਂ ਨੂੰ ਹਟਾ ਦਿਉ, ਅਤੇ ਖ਼ੁਦ ਨੂੰ ਜਗਾਉ।

ਤੁਹਾਡੇ ਅੰਦਰ ਜੋ ਬੈਠਾ ਹੋਇਆ ਹੈ, ਉਸ ਤੋਂ ਮੁੱਲਵਾਨ ਹੋਰ ਕੋਈ ਵੀ ਨਹੀਂ ਹੈ ਅਤੇ ਤੁਹਾਡੇ ਅੰਦਰ ਜੋ ਬੈਠਾ ਹੈ, ਉਸ ਤੋਂ ਪੂਜਨੀਕ ਹੋਰ ਕੋਈ ਨਹੀਂ ਹੈ, ਅਤੇ ਜੋ ਤੁਹਾਡੇ ਅੰਦਰ ਬੈਠਾ ਹੈ, ਉਸ ਤੋਂ ਸ੍ਰੇਸ਼ਠ ਹੋਰ ਕੋਈ ਵੀ ਨਹੀਂ ਹੈ। ਲੇਕਿਨ ਮੁਸ਼ਕਲ ਇਹ ਹੋ ਗਈ ਹੈ, ਸਾਨੂੰ ਸਿਖਾਇਆ ਜਾਂਦਾ ਹੈ, ਅਨੁਕਰਣ ਕਰੋ, ਫਾਲੋ ਕਰੋ ਕਿਸੇ ਨੂੰ । ਕੋਈ ਕਹਿੰਦਾ ਹੈ, ਬੁੱਧ ਦੇ ਪਿੱਛੇ ਚੱਲੋ ਅਤੇ ਮੈਂ ਤੁਹਾਨੂੰ ਕਹਿੰਦਾ ਹਾਂ, ਜੋ ਵੀ ਕਿਸੇ ਦੇ ਪਿੱਛੇ ਚੱਲੇਗਾ, ਉਹ ਆਪਣੇ ਅੰਦਰ ਬੈਠੇ ਪਰਮਾਤਮਾ ਦਾ ਅਪਮਾਨ ਕਰ ਰਿਹਾ ਹੈ।

ਕਿਸੇ ਦੇ ਪਿੱਛੇ ਜਾਣ ਦਾ ਕਾਰਨ ਕੀ ਹੈ? ਕਿਸੇ ਦੇ ਪਿੱਛੇ ਜਾਣ ਦਾ ਕਾਰਨ ਨਹੀਂ ਹੈ। ਆਪਣੇ ਪਿੱਛੇ ਚੱਲੋ ਅਤੇ ਆਪਣੇ ਪਰਮਾਤਮਾ ਨੂੰ ਪਛਾਣ ਲਵੋ, ਜੋ ਤੁਹਾਡੇ ਅੰਦਰ ਹੈ। ਅਤੇ ਜਦ ਵੀ ਤੁਸੀਂ ਕਿਸੇ ਦੇ ਚਰਨਾਂ 'ਚ ਝੁਕ ਰਹੇ ਹੋ, ਕਿਸੇ ਦਾ ਪਿੱਛਾ ਕਰ ਰਹੇ