ਮੈਂ ਤੁਹਾਨੂੰ ਕਹਿਣਾ ਚਾਹਾਂਗਾ, ਜੋ ਤੁਸੀਂ ਹੋ, ਉਸ ਨੂੰ ਪੂਰੀ-ਪੂਰੀ ਤਰ੍ਹਾਂ ਜਾਣੋ ਅਤੇ ਤੁਹਾਡੇ ਜੀਵਨ ਵਿੱਚ ਕ੍ਰਾਂਤੀ ਹੋ ਜਾਏਗੀ। ਤੁਹਾਨੂੰ ਕੋਈ ਹੋਰ ਹੋਣ ਦੀ ਕੋਈ ਵੀ ਜ਼ਰੂਰਤ ਨਹੀਂ ਹੈ। ਜੋ ਤੁਸੀਂ ਅਸਲ ਵਿੱਚ ਹੋ, ਉਸ ਨੂੰ ਹੀ ਜਾਣ ਲਵੋ ਅਤੇ ਕ੍ਰਾਂਤੀ ਹੋ ਜਾਏਗੀ, ਅਤੇ ਜੋ ਤੁਸੀਂ ਉਪਾਅ ਕਰਕੇ ਨਹੀਂ ਪਾ ਸਕੋਗੇ ਉਹ ਆਪਣੇ ਹੀ ਅੰਦਰ ਜਾਗ ਕੇ ਤੁਹਾਨੂੰ ਹਾਸਲ ਹੋ ਜਾਏਗਾ। ਇਸ ਲਈ ਮੈਂ ਕਿਹਾ, ਅਨੁਕਰਣ ਨਹੀਂ, ਆਤਮਖੋਜ।

ਅਤੇ ਤੀਜੀ ਗੱਲ ਮੈਂ ਤੁਹਾਨੂੰ ਕਹਿਣਾ ਚਾਹੁੰਦਾ ਹਾਂ, ਕਿਉਂਕਿ ਸਾਡੀ ਸਾਰੀ ਚੇਤਨਾ ਕੁਝ ਅਜੇਹੀਆਂ ਭਟਕੀਆਂ ਹੋਈਆਂ ਅਤੇ ਗ਼ਲਤ ਗੱਲਾਂ ਨਾਲ ਭਰ ਗਈ ਹੈ, ਜਿਸ ਨੂੰ ਖ਼ਾਲੀ ਕਰਨਾ ਬਹੁਤ ਜ਼ਰੂਰੀ ਹੈ । ਉਹ ਮੈਂ ਤੁਹਾਨੂੰ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਮਨੁੱਖ ਜਿੰਨਾ ਜ਼ਿਆਦਾ ਆਪਣੇ-ਆਪ ਨੂੰ ਸੰਵੇਦਨਸ਼ੀਲ ਬਣਾਏ, ਜਿੰਨੀ ਜ਼ਿਆਦਾ ਆਪਣੇ ਅੰਦਰ ਸੰਵੇਦਨਾ ਨੂੰ ਪੈਦਾ ਕਰੇ, ਉੱਨਾ ਜ਼ਿਆਦਾ ਸੱਚ ਦੇ ਕਰੀਬ ਪਹੁੰਚੇਗਾ। ਇਸ ਲਈ ਸੱਚ ਦੀ ਖੋਜ ਨਹੀਂ, ਸੱਚ ਦੀ ਉਤਪਤੀ। ਉਸ ਨੂੰ ਸਮਝ ਲੈਣਾ।

ਜੇ ਇਕ ਅੰਨ੍ਹਾ ਆਦਮੀ ਮੈਨੂੰ ਆ ਕੇ ਕਹੇ ਕਿ ਮੈਂ ਪ੍ਰਕਾਸ਼ ਦੇ ਸੰਬੰਧ ਵਿੱਚ ਜਾਣਨਾ ਹੈ ਤਾਂ ਕੀ ਮੈਂ ਉਸ ਨੂੰ ਸਲਾਹ ਦਿਆਂਗਾ ਕਿ ਤੂੰ ਜਾ ਅਤੇ ਪ੍ਰਕਾਸ਼ ਦੇ ਸੰਬੰਧ ਵਿੱਚ ਲੋਕਾਂ ਤੋਂ ਸਮਝ, ਉਹ ਤੈਨੂੰ ਜੋ ਦੱਸਣ, ਉਸ ਨੂੰ ਯਾਦ ਕਰ ਲੈ ਤਾਂ ਪ੍ਰਕਾਸ਼ ਦਾ ਪਤਾ ਹੋ ਜਾਏਗਾ? ਮੈਂ ਉਸ ਨੂੰ ਕਹਾਂਗਾ, ਪ੍ਰਕਾਸ਼ ਦੇ ਸੰਬੰਧ ਵਿੱਚ ਨਾ ਜਾਣਨ ਦੀ ਫ਼ਿਕਰ ਕਰ, ਅੱਖਾਂ ਠੀਕ ਹੋ ਜਾਣ, ਅੱਖਾਂ ਦਾ ਇਲਾਜ ਹੋ ਜਾਵੇ, ਇਸ ਦੀ ਚਿੰਤਾ ਕਰ । ਜੇ ਅੱਖਾਂ ਦਾ ਇਲਾਜ ਹੋ ਜਾਵੇ ਤਾਂ ਪ੍ਰਕਾਸ਼ ਦੇ ਸੰਬੰਧ ਵਿੱਚ ਕੁਝ ਵੀ ਜਾਣ ਲੈਣ ਨਾਲ ਕੋਈ ਅਨੁਭਵ ਨਹੀਂ ਹੁੰਦਾ। ਅੱਖ ਸੰਵੇਦਨਾ ਹੈ, ਪ੍ਰਕਾਸ਼ ਸੱਚ ਹੈ। ਸੱਚ ਦੇ ਖੋਜੀ ਨੂੰ ਵੀ ਮੈਂ ਕਹਿੰਦਾ ਹਾਂ, ਈਸ਼ਵਰ ਦੇ ਖੋਜੀ ਨੂੰ ਵੀ ਕਹਿੰਦਾ ਹਾਂ, ਕਿ ਈਸ਼ਵਰ ਦੀ ਫ਼ਿਕਰ ਛੱਡ ਦਿਉ, ਸੰਵੇਦਨਾ ਦੀ ਫ਼ਿਕਰ ਕਰੋ। ਸਾਡੀ ਜਿੰਨੀ ਗਹਿਰੀ ਸੰਵੇਦਨਾ ਹੋਵੇਗੀ, ਉੱਨੀ ਹੀ ਦੂਰ ਤਕ ਸੱਚ ਦੇ ਸਾਨੂੰ ਦਰਸ਼ਨ ਹੁੰਦੇ ਹਨ।

ਮੈਂ ਤੁਹਾਨੂੰ ਦੇਖ ਰਿਹਾ ਹਾਂ, ਮੇਰੀ ਦੇਖਣ ਦੀ ਸ਼ਕਤੀ ਤੁਹਾਡੇ ਸਰੀਰ ਦੇ ਪਾਰ ਨਹੀਂ ਜਾਂਦੀ, ਇਸ ਲਈ ਮੈਂ ਤੁਹਾਡੇ ਸਰੀਰ ਨੂੰ ਦੇਖ ਕੇ ਵਾਪਸ ਮੁੜ ਆਉਂਦਾ ਹਾਂ। ਆਪਣੇ- ਆਪ ਨੂੰ ਦੇਖਦਾ ਹਾਂ, ਤਾਂ ਆਪਣੇ-ਆਪ ਨੂੰ ਵੀ ਦੇਖਣ ਵਿੱਚ, ਸ਼ਕਤੀ ਮੇਰੀ, ਮਨ ਦੇ ਪਾਰ ਨਹੀਂ ਜਾਂਦੀ, ਤਾਂ ਮਨ ਨੂੰ ਦੇਖ ਕੇ ਵਾਪਸ ਮੁੜ ਜਾਵਾਂਗਾ। ਮੇਰੇ ਦੇਖਣ ਦੀ ਸ਼ਕਤੀ ਜਿੰਨੀ ਗਹਿਰੀ ਹੋਵੇਗੀ ਉੱਨਾ ਗਹਿਰਾ ਸੱਚ ਮੈਨੂੰ ਅਨੁਭਵ ਹੋਵੇਗਾ । ਜੋ ਲੋਕ ਪਰਮਾਤਮਾ ਨੂੰ ਅਨੁਭਵ ਕਰਦੇ ਹਨ, ਉਹਨਾਂ ਦੇ ਦੇਖਣ ਦੀ ਸ਼ਕਤੀ ਇੰਨੀ ਤੀਬਰ ਹੈ ਕਿ ਕੁਦਰਤ ਤੋਂ ਅਲੱਗ ਕਿਤੇ ਪਰਮਾਤਮਾ ਨਹੀਂ ਬੈਠਾ ਹੋਇਆ ਹੈ। ਜੋ ਚਾਰ-ਚੁਫੇਰੇ ਦਿਖਾਈ ਪੈ ਰਿਹਾ ਹੈ, ਇਸ ਵਿਚ ਹੀ ਉਹ ਲੁਕਿਆ ਹੈ । ਜੇ ਸਾਡੀ ਅੱਖ ਗਹਿਰੀ ਹੋਵੇ ਤਾਂ ਅਸੀਂ ਇਸ ਪਰਦੇ ਨੂੰ ਪਾਰ ਕਰ ਜਾਵਾਂਗੇ ਅਤੇ ਕੇਂਦਰ ਨੂੰ ਅਨੁਭਵ ਕਰ ਲਵਾਂਗੇ। ਇਸ ਲਈ ਸਵਾਲ ਈਸ਼ਵਰ ਦੀ ਖੋਜ ਦਾ ਨਹੀਂ, ਸਵਾਲ ਆਪਣੀ ਸੰਵੇਦਨਾ ਨੂੰ ਗਹਿਰਾ ਕਰਨ ਦਾ ਹੈ। ਅਸੀਂ ਜਿੰਨਾ ਗਹਿਰਾ-ਗਹਿਰਾ ਅਨੁਭਵ ਕਰ ਸਕੀਏ, ਉੱਨੇ ਗਹਿਰੇ ਸੱਚ ਸਾਨੂੰ