ਹੈ ਤਾਂ ਤੁਸੀਂ ਆਪਣੇ ਅੰਦਰ ਨਿਉਂਦਾ ਦੇਣ ਵਿੱਚ ਸਮਰੱਥ ਹੋ ਜਾਂਦੇ ਹੋ। ਤੁਹਾਡਾ ਦੁਆਰ ਖੁੱਲ੍ਹ ਗਿਆ। ਹੁਣ ਸੂਰਜ ਦੀ ਰੌਸ਼ਨੀ ਅੰਦਰ ਆ ਸਕਦੀ ਹੈ। ਤੁਹਾਡੀਆਂ ਅੱਖਾਂ ਖੁੱਲ੍ਹ ਗਈਆਂ, ਹੁਣ ਤੁਸੀਂ ਪ੍ਰਕਾਸ਼ ਨੂੰ ਦੇਖ ਸਕਦੇ ਹੋ। ਹੁਣ ਤੁਹਾਡੇ ਹਿਰਦੇ ਦੇ ਕਪਾਟ ਖੁੱਲ੍ਹ ਗਏ ਅਤੇ ਪਰਮਾਤਮਾ ਪ੍ਰਵੇਸ਼ ਕਰ ਸਕਦਾ ਹੈ।

ਜੋ ਖ਼ਾਲੀ ਹੈ, ਉਹ ਪਰਮਾਤਮਾ ਨਾਲ ਭਰ ਜਾਂਦਾ ਹੈ । ਖ਼ਾਲੀ ਹੋਵੇ ਅਤੇ ਪਰਮਾਤਮਾ ਨੂੰ ਪਹੁੰਚ ਜਾਉਗੇ ਅਤੇ ਜਦ ਤੁਸੀਂ ਪਰਮਾਤਮਾ ਨੂੰ ਪਹੁੰਚੋਗੇ ਤਾਂ ਸਭ ਬਦਲ ਜਾਏਗਾ।

ਮੈਂ ਤੁਹਾਨੂੰ ਕਿਹਾ, ਸ਼ਰਧਾ ਨਹੀਂ, ਜਿਗਿਆਸਾ। ਅਤੇ ਜਦ ਤੁਸੀਂ ਪਰਮਾਤਮਾ ਨੂੰ ਪਹੁੰਚੋਗੇ ਤਾਂ ਜਿਗਿਆਸਾ ਸ਼ਰਧਾ ਵਿੱਚ ਤਬਦੀਲ ਹੋ ਜਾਏਗੀ। ਤਦ ਤੁਸੀਂ ਜਾਣੋਗੇ, ਅਤੇ ਜਾਣਨਾ ਤੁਹਾਨੂੰ ਵਿਸ਼ਵਾਸ ਨਾਲ ਭਰ ਦੇਵੇਗਾ। ਇਹ ਵਿਸ਼ਵਾਸ ਬਹੁਤ ਦੂਜਾ ਹੈ । ਇਹ ਦੂਜਿਆਂ ਦਾ ਦਿੱਤਾ ਹੋਇਆ ਵਿਸ਼ਵਾਸ ਨਹੀਂ ਹੈ, ਇਹ ਆਪਣੇ ਗਿਆਨ ਤੋਂ ਪੈਦਾ ਹੋਇਆ ਹੈ। ਅਤੇ ਮੈਂ ਕਿਹਾ, ਈਸ਼ਵਰ ਦੀ ਖੋਜ ਨਹੀਂ, ਸੰਵੇਦਨਾ । ਜਦ ਤੁਹਾਡੀ ਸੰਵੇਦਨਾ ਸੰਪੂਰਨ ਹੋਵੇਗੀ ਤਾਂ ਤੁਸੀਂ ਈਸ਼ਵਰ ਨੂੰ ਪਾ ਜਾਉਗੇ। ਅਤੇ ਮੈਂ ਕਿਹਾ, ਅਨੁਕਰਣ ਨਹੀਂ, ਆਤਮਖੋਜ, ਅਤੇ ਜਦ ਤੁਸੀਂ ਆਪਣੇ-ਆਪ ਨੂੰ ਜਾਣੋਗੇ ਤਾਂ ਤੁਸੀਂ ਪਾਉਗੇ, ਤੁਸੀਂ ਸਭ ਦੇ ਅਨੁਕਰਣ ਨੂੰ ਪਹੁੰਚ ਗਏ। ਕ੍ਰਾਈਸਟ, ਬੁੱਧ ਅਤੇ ਮਹਾਂਵੀਰ ਸਭ ਦੇ ਆਦਰਸ਼ ਨੂੰ ਤੁਸੀਂ ਪਹੁੰਚ ਗਏ।

ਮੈਂ ਤੁਹਾਨੂੰ ਕਿਹਾ, ਸ਼ਰਧਾ ਨਹੀਂ ਜਿਗਿਆਸਾ, ਇਸ ਲਈ ਕਿ ਤੁਸੀਂ ਅਸਲੀ ਸ਼ਰਧਾ ਨੂੰ ਪਹੁੰਚ ਸਕੇ। ਮੈਂ ਤੁਹਾਨੂੰ ਕਿਹਾ, ਅਨੁਕਰਣ ਨਹੀਂ, ਆਦਰਸ਼ ਨਹੀਂ, ਆਤਮਖੋਜ, ਤਾਂ ਜੋ ਤੁਸੀਂ ਅਸਲੀ ਆਦਰਸ਼ ਨੂੰ ਪਹੁੰਚ ਸਕੋ। ਅਤੇ ਮੈਂ ਤੁਹਾਨੂੰ ਕਿਹਾ, ਈਸ਼ਵਰ ਨਹੀਂ, ਸੰਵੇਦਨਾ ਦੀ ਤਲਾਸ਼, ਤਾਂ ਜੋ ਤੁਸੀਂ ਅਸਲ ਵਿੱਚ ਈਸ਼ਵਰ ਨੂੰ ਤਲਾਸ਼ ਕਰ ਸਕੋ । ਇਹ ਗੱਲਾਂ ਉਲਟੀਆਂ ਜਾਣ ਪੈ ਸਕਦੀਆਂ ਹਨ, ਕਿਉਂਕਿ ਮੈਂ ਸ਼ਰਧਾ ਛੱਡਣ ਨੂੰ ਕਹਿ ਰਿਹਾ ਹਾਂ, ਤਾਂ ਜੋ ਸ਼ਰਧਾ ਦਾ, ਅਸਲੀ ਸ਼ਰਧਾ ਦਾ ਜਨਮ ਹੋ ਸਕੇ। ਅਤੇ ਮੈਂ ਈਸ਼ਵਰ ਨੂੰ ਭੁੱਲਣ ਨੂੰ ਕਹਿ ਰਿਹਾ ਹਾਂ, ਅਤੇ ਸੰਵੇਦਨਾ ਪੈਦਾ ਕਰਨ ਨੂੰ, ਤਾਂ ਜੋ ਈਸ਼ਵਰ ਪਾਇਆ ਜਾ ਸਕੇ । ਅਤੇ ਮੈਂ ਸਭ ਆਦਰਸ਼ ਛੱਡਣ ਨੂੰ ਕਹਿ ਰਿਹਾ ਹਾਂ ਤਾਂ ਜੋ ਅਸਲੀ ਆਦਰਸ਼ ਦਾ ਤੁਹਾਡੇ ਅੰਦਰ ਜਨਮ ਹੋ ਸਕੇ।

ਜੇ ਤੁਸੀਂ ਮੇਰੀ ਗੱਲ ਨੂੰ ਸਮਝੋਗੇ, ਤਾਂ ਉਹਨਾਂ ਵਿੱਚ ਵਿਰੋਧ ਨਹੀਂ ਦਿਖਾਈ ਪਏਗਾ। ਕਿਉਂ? ਕਿਉਂਕਿ ਜੋ ਖ਼ਾਲੀ ਹੈ ਉਹ ਭਰ ਦਿੱਤਾ ਜਾਂਦਾ ਹੈ। ਇਸ ਵਿੱਚ ਵਿਰੋਧ ਕਿਥੇ ਹੈ? ਖ਼ਾਲੀ ਹੀ ਭਰਿਆ ਜਾ ਸਕਦਾ ਹੈ। ਜੋ ਸ਼ੂਨਯ ਹੈ, ਉਹੀ ਸਿਰਫ਼ ਪੂਰਨ ਨੂੰ ਪਹੁੰਚ ਸਕਦਾ ਹੈ। ਇਸ ਲਈ ਸਮਗ ਭਾਵ ਨਾਲ, ਅਸ਼ੇਸ਼ ਭਾਵ ਨਾਲ ਸੁਨਯ ਹੋ ਜਾਣਾ ਸਾਧਨਾ ਹੈ। ਅਸ਼ੇਸ਼ ਭਾਵ ਨਾਲ ਸ਼ੂਨਯ ਹੋ ਜਾਣਾ ਸਮਰਪਣ ਹੈ। ਅਸ਼ੇਸ਼ ਭਾਵ ਨਾਲ ਸ਼ੂਨਯ ਹੋ ਜਾਣਾ ਪਰਮਾਤਮਾ ਦੇ ਮਾਰਗ 'ਤੇ ਆਪਣੇ ਕਦਮਾਂ ਨੂੰ ਵਧਾ ਦੇਣਾ ਹੈ। ਜੋ ਸ਼ੂਨਯ ਹੋਣ ਦਾ ਹੌਂਸਲਾ ਕਰਦਾ ਹੈ, ਉਹ ਪੂਰਨ ਨੂੰ ਪਾਣ ਦਾ ਅਧਿਕਾਰੀ ਹੋ ਜਾਂਦਾ ਹੈ। ਅਤੇ ਹਰੇਕ ਵਿਅਕਤੀ ਦੇ ਅੰਦਰ ਇਹ ਸੰਭਾਵਨਾ ਹੈ, ਇਹ ਬੀਜ ਹੈ ਕਿ ਉਹ ਪਰਮਾਤਮਾ ਹੋ ਸਕੇ । ਜੇ ਅਸੀਂ ਨਹੀਂ ਪਹੁੰਚੇ ਤਾਂ ਸਾਡੇ ਸਿਵਾਇ ਹੋਰ ਕੋਈ ਜ਼ਿੰਮੇਵਾਰ ਨਹੀਂ ਹੋਵੇਗਾ।