ਤਾਂ ਬੜਾ ਭੀੜ-ਭੜੱਕਾ ਸੀ, ਬੜਾ ਸ਼ੋਰਗੁਲ ਸੀ। ਅਤੇ ਉਥੇ ਹੀ ਉਹ ਛੋਟੀ-ਜਿਹੀ ਤਖ਼ਤੀ ਲੱਗੀ ਹੋਈ ਸੀ ਤੇ ਇਕ ਗੰਦੇ ਰਸਤੇ ਦੇ ਅੰਦਰ ਜਾ ਕੇ ਇਕ ਆਸ਼ਰਮ ਸੀ।

ਆਸ਼ਰਮ ਵੱਡਾ ਸੀ, ਪੰਜ ਸੌ ਭਿਕਸ਼ੂ ਉਥੇ ਸਨ । ਲੇਕਿਨ ਕੋਈ ਸੌ ਡੇਢ ਸੌ ਕੁੱਤੇ ਉਥੇ ਘੁੰਮ ਰਹੇ ਸਨ ਤੇ ਲੜ ਰਹੇ ਸਨ ਅਤੇ ਉਹ ਬੜਾ ਪਰੇਸ਼ਾਨ ਹੋਇਆ ਕਿ ਇਹ ਕਿਹੋ- ਜਿਹਾ ਆਸ਼ਰਮ ਹੈ ! ਅਤੇ ਸ਼ਾਮ ਦਾ ਵੇਲਾ ਸੀ ਤੇ ਸੈਂਕੜੇ-ਹਜ਼ਾਰਾਂ ਕਾਂ ਇਕੱਠੇ ਹੋ ਰਹੇ ਸਨ, ਝਾੜਾਂ ਉੱਤੇ। ਇੰਨਾ ਸ਼ੋਰ-ਗੁਲ ਉਥੇ ਮੱਚਿਆ ਸੀ, ਉਸ ਨੇ ਸੋਚਿਆ, ਇਹ ਆਸ਼ਰਮ ਹੈ ਜਾਂ ਬਜ਼ਾਰ ਹੈ। ਇਥੇ ਰਹਿਣ ਨਾਲ ਕੀ ਫ਼ਾਇਦਾ ਹੋਵੇਗਾ? ਲੇਕਿਨ ਆ ਗਿਆ ਸੀ ਤੇ ਰਾਤ-ਭਰ ਰੁਕਣਾ ਹੀ ਪਏਗਾ, ਸਵੇਰ ਤੋਂ ਪਹਿਲਾਂ ਵਾਪਸ ਮੁੜਨ ਦੇ ਲਈ ਕੋਈ ਗੱਡੀ ਵੀ ਨਹੀਂ ਸੀ। ਤਾਂ ਉਸ ਨੇ ਜਾ ਕੇ ਪ੍ਰਧਾਨ ਨੂੰ ਮਿਲਣਾ ਚਾਹਿਆ। ਪ੍ਰਧਾਨ ਨੂੰ ਕਿਹਾ, ਮੈਂ ਤਾਂ ਹੈਰਾਨ ਹੋ ਗਿਆ। ਮੈਂ ਤਾਂ ਸੋਚਦਾ ਸੀ, ਆਸ਼ਰਮ ਕਿਸੇ ਪਹਾੜ ਦੇ ਹੇਠਾਂ ਜਾਂ ਕਿਸੇ ਝੀਲ ਦੇ ਕੋਲ ਕਿਸੇ ਸੁੰਦਰ ਜਗ੍ਹਾ ਹੋਵੇਗਾ। ਉਹ ਤਾਂ ਗੰਦਾ ਬਜ਼ਾਰ ਹੈ। ਤੇ ਇਥੇ ਇਨੇ ਕੁੱਤੇ ਕਿਸ ਲਈ ਹਨ ਅਤੇ ਇਹ ਕਾਂ ਕਿਸ ਲਈ ਇਕੱਠੇ ਕਰ ਲਏ ਹਨ?

ਉਸ ਸਾਧੂ ਨੇ ਕਿਹਾ, ਇਹ ਕੁੱਤੇ ਜੋ ਹਨ, ਇਹ ਸਾਡੇ ਪਾਲੇ ਹੋਏ ਹਨ ਅਤੇ ਕਾਂ ਜੋ ਹਨ ਸਾਡੇ ਸੱਦੇ ਹੋਏ ਹਨ। ਇਹਨਾਂ ਨੂੰ ਅਸੀਂ ਰੋਜ਼ ਚੌਲ ਦਿੰਦੇ ਹਾਂ, ਇਸ ਲਈ ਆਉਂਦੇ ਹਨ, ਅਤੇ ਕੁੱਤੇ ਤਾਂ ਅਸੀਂ ਪਾਲੇ ਹੋਏ ਹਨ। ਇਹ ਸ਼ੋਰ-ਗੁਲ ਵਿਵਸਥਿਤ ਹੈ। ਇਹ ਬਜ਼ਾਰ ਅਸੀਂ ਚੁਣਿਆ ਹੈ। ਕਿਉਂਕਿ ਸਾਡੀ ਮਾਨਵਤਾ ਇਹ ਹੈ ਕਿ ਜੋ ਇਸ ਭੀੜ- ਭੜੱਕੇ ਵਿੱਚ, ਇਸ ਉਪੱਦਰ ਵਿੱਚ ਸ਼ਾਂਤ ਹੋ ਸਕਦਾ ਹੈ. ਉਸ ਦੀ ਸ਼ਾਂਤੀ ਹੀ ਸੱਚੀ ਹੈ। ਅਤੇ ਜਿਹੜਾ ਪਹਾੜ ਦੇ ਕੋਲ ਜਾ ਕੇ ਬੈਠ ਕੇ ਸ਼ਾਂਤ ਹੋ ਜਾਂਦਾ ਹੈ ਉਸ ਸ਼ਾਂਤੀ ਵਿਚ, ਉਸ ਦੇ ਕੋਲ ਕੋਈ ਸ਼ਾਂਤੀ ਨਹੀਂ ਹੈ । ਉਹ ਸਾਰੀ ਸ਼ਾਂਤੀ ਪਹਾੜ ਦੀ ਹੈ, ਅਤੇ ਪਹਾੜ ਤੋਂ ਹੇਠਾਂ ਉਤਰਦਿਆਂ ਅਸ਼ਾਂਤੀ ਸ਼ੁਰੂ ਹੋ ਜਾਏਗੀ। ਇਸ ਲਈ ਸੰਨਿਆਸੀ ਪਹਾੜ ਤੋਂ ਬਸਤੀ ਵਿੱਚ ਆਉਣ ਤੋਂ ਡਰਦਾ ਹੈ। ਇਸ ਲਈ ਸੰਨਿਆਸੀ ਲੋਕਾਂ ਤੋਂ ਡਰਨ ਲੱਗਦਾ ਹੈ ਕਿ ਉਹਨਾਂ ਦੇ ਕੋਲ ਗਿਆ ਕਿ ਮੇਰੀ ਸਭ ਸ਼ਾਂਤੀ ਨਸ਼ਟ ਹੋ ਜਾਏਗੀ।

ਜੇ ਤੁਸੀਂ ਕਿਸੇ ਸੰਨਿਆਸੀ ਨੂੰ ਕਹੋ, ਦੁਕਾਨ 'ਤੇ ਬੈਠ, ਉਹ ਘਬਰਾਏਗਾ, ਉਹ ਕਹੇਗਾ, ਮੇਰੀ ਸਭ ਸ਼ਾਂਤੀ ਨਸ਼ਟ ਹੋ ਜਾਏਗੀ, ਜੇ ਤੁਸੀਂ ਕਿਸੇ ਸੰਨਿਆਸੀ ਨੂੰ ਕਹੋ. ਨੌਕਰੀ ਕਰ, ਉਹ ਕਹੇਗਾ, ਮੈਂ ਘਬਰਾਵਾਂਗਾ, ਮੇਰਾ ਪਰਮਾਤਮਾ ਛੁੱਟ ਜਾਏਗਾ। ਜੋ ਪਰਮਾਤਮਾ ਨੌਕਰੀ ਕਰਨ ਨਾਲ ਛੁੱਟ ਜਾਂਦਾ ਹੋਵੇ ਅਤੇ ਜੋ ਪਰਮਾਤਮਾ ਦੁਕਾਨ 'ਤੇ ਬੈਠ ਜਾਣ ਨਾਲ ਪਾਸੇ ਹਟ ਜਾਂਦਾ ਹੈ, ਅਜੇਹੇ ਪਰਮਾਤਮਾ ਦੀ ਕੋਈ ਕੀਮਤ ਨਹੀਂ ਹੈ। ਅਜੇਹੇ ਪਰਮਾਤਮਾ ਦਾ ਕੋਈ ਮੁੱਲ ਨਹੀਂ ਹੈ। ਜੀਵਨ ਦੀ ਸਹਿਜਤਾ ਵਿੱਚ, ਅਤੇ ਸਧਾਰਨਤਾ ਵਿੱਚ ਜੋ ਹਾਸਲ ਹੋਵੇ, ਉਹੀ ਸੱਚ ਹੈ। ਜੀਵਨ ਦਾ ਸੱਚ ਹਾਲਤਾਂ ਵਿੱਚ ਜੋ ਹਾਸਲ ਹੋਵੇ, ਉਹੀ ਸੱਚ ਹੈ। ਜੀਵਨ ਦਾ ਸੱਚ ਹਾਲਤਾਂ ਵਿੱਚ ਜੋ ਹਾਸਲ ਹੋਵੇ, ਉਹਨਾਂ ਹਾਲਤਾਂ ਦਾ ਨਤੀਜਾ ਹੁੰਦਾ ਹੈ, ਤੁਹਾਡੇ ਚਿੱਤ ਦਾ ਬਦਲਾਅ ਨਹੀਂ ਹੁੰਦਾ। ਇਸ ਲਈ ਤੁਸੀਂ ਜਿੰਨੇ ਸੰਨਿਆਸੀਆਂ ਨੂੰ ਦੇਖਦੇ ਹੋ, ਉਹਨਾਂ ਨੂੰ ਵਾਪਸ ਲੈ ਆਉ ਅਤੇ ਆਮ ਜ਼ਿੰਦਗੀ ਵਿੱਚ ਪਾ ਦਿਉ ਅਤੇ ਫਿਰ ਪਛਾਣੋ ਕਿ ਉਹਨਾਂ ਦੇ ਅੰਦਰ ਕੀ ਹੈ ਤਾਂ ਤੁਸੀਂ