ਪਾਉਗੇ ਕਿ ਇਹ ਆਦਮੀ ਤੁਹਾਥੋਂ ਗਏ-ਬੀਤੇ, ਬਦਤਰ ਲੋਕ ਹਨ । ਇਹ ਤੁਹਾਥੋਂ ਨੀਵੇਂ ਸਾਬਤ ਹੋਣਗੇ। ਜ਼ਿੰਦਗੀ ਵਿੱਚ ਇਹ ਟਿਕ ਨਹੀਂ ਸਕਦੇ। ਉਥੇ ਕਸੌਟੀ ਹੈ, ਉਥੇ ਪ੍ਰੀਖਿਆ ਹੈ। ਇਹ ਇਕ ਕੋਨੇ ਵਿੱਚ ਬੈਠੇ ਹੋਏ ਹਨ। ਇਹਨਾਂ ਦੀ ਸਾਰੀ ਸ਼ਾਂਤੀ ਅਰੋਪਤ ਅਤੇ ਨੱਸਣ ਦੀ ਸ਼ਾਂਤੀ ਹੈ, ਇਸ ਲਈ ਇਹਨਾਂ ਦੇ ਅੰਦਰ ਭੈ ਹੈ ਅਤੇ ਡਰ ਬਣਿਆ ਬਣਿਆ ਰਹਿੰਦਾ ਹੈ। ਇਹਨਾਂ ਦੇ ਅੰਦਰ ਘਬਰਾਹਟ ਬਣੀ ਰਹਿੰਦੀ ਹੈ। ਇਹਨਾਂ ਦੇ ਅੰਦਰ ਹਮੇਸ਼ਾ ਡਰ ਬਣਿਆ ਰਹਿੰਦਾ ਹੈ ਕਿ ਜੇ ਮੈਂ ਗਿਆ ਤਾਂ ਸਭ ਗੜਬੜ ਹੋ ਜਾਏਗਾ।

ਮੈਂ ਸੁਣਿਆ ਹੈ, ਇਕ ਸੰਨਿਆਸੀ ਪਹਾੜ 'ਤੇ ਸੀ, ਹਿਮਾਲੀਆ 'ਤੇ ਸੀ, ਵੀਹ ਵਰ੍ਹਿਆਂ ਤਕ ਉਥੇ, ਅਤੇ ਤਦ ਉਸ ਨੂੰ ਲੱਗਾ, ਹੁਣ ਤਾਂ ਮੈਂ ਪਰਮ ਸ਼ਾਂਤ ਹੋ ਗਿਆ ਹਾਂ। ਕੁਝ ਭਗਤ ਵੀ ਉਸ ਕੋਲ ਉਥੇ ਆਉਣੇ ਸ਼ੁਰੂ ਹੋ ਗਏ । ਫਿਰ ਹੇਠਾਂ ਇਕ ਮੇਲਾ ਸੀ ਵੱਡਾ ਅਤੇ ਉਸ ਦੇ ਭਗਤਾਂ ਨੇ ਕਿਹਾ, ਹੇਠਾਂ ਚੱਲੋ ਅਤੇ ਮੇਲੇ ਦੇ ਲੋਕਾਂ ਨੂੰ ਦਰਸ਼ਨ ਦਿਉ। ਸੰਨਿਆਸੀ ਨੇ ਸੋਚਿਆ, ਹੁਣ ਤਾਂ ਮੈਂ ਸ਼ਾਂਤ ਹੋ ਗਿਆ ਹਾਂ, ਹੁਣ ਇਥੇ ਰਹਿਣ ਦਾ ਮਕਸਦ ਵੀ ਕੀ? ਚੱਲਾਂ ਅਤੇ ਉਹ ਪਹਾੜ ਤੋਂ ਉਤਰ ਕੇ ਹੇਠਾਂ ਆ ਗਿਆ। ਅਤੇ ਜਦ ਉਹ ਉਸ ਮੇਲੇ ਵਿੱਚ ਗਿਆ ਤਾਂ ਉਥੇ ਤਾਂ ਲੋਕ ਉਸ ਨੂੰ ਜਾਣਦੇ ਵੀ ਨਹੀਂ ਸਨ । ਭੀੜ ਬਹੁਤ ਸੀ, ਇਕ ਆਦਮੀ ਦੀ ਜੁੱਤੀ ਉਸ ਦੇ ਪੈਰ ’ਤੇ ਪੈ ਗਈ। ਜਿਵੇਂ ਹੀ ਉਸ ਦੇ ਪੈਰ 'ਤੇ ਪੈਰ ਦਬਿਆ, ਉਸ ਦਾ ਸਾਰਾ ਕ੍ਰੋਧ, ਜਿਸ ਨੂੰ ਉਹ ਸੋਚਦਾ ਸੀ, ਅਲੋਪ ਹੋ ਗਿਆ ਹੈ ਵੀਹ ਵਰ੍ਹੇ ਪਹਿਲਾਂ, ਉਹ ਵਾਪਸ ਖੜਾ ਹੋ ਗਿਆ । ਉਹ ਉਹੀ-ਦਾ-ਉਹੀ ਆਦਮੀ ਸੀ ਜੋ ਵੀਹ ਸਾਲ ਪਹਿਲਾਂ ਪਹਾੜ 'ਤੇ ਗਿਆ ਸੀ। ਉਹ ਦੰਗ ਰਹਿ ਗਿਆ ਕਿ ਕ੍ਰੋਧ ਵਾਪਸ ਖੜਾ ਹੋ ਗਿਆ। ਅਸ਼ਾਂਤ ਫਿਰ ਹੋ ਗਿਆ ਹੈ ਮਨ, ਅਤੇ ਉਸ ਨੇ ਕਿਹਾ, ਅਸਚਰਜ ਹੈ, ਪਹਾੜ ਜੋ ਵੀਹ ਸਾਲਾਂ ਵਿੱਚ ਨਾ ਦੱਸ ਸਕੇ, ਉਹ ਆਦਮੀ ਦੇ ਸੰਪਰਕ ਨੇ ਇਕ ਛਿਨ ਵਿੱਚ ਦੱਸ ਦਿੱਤਾ।

ਮੈਂ ਤੁਹਾਨੂੰ ਕਹਾਂਗਾ, ਨੱਸਣ ਨਾਲ ਕੋਈ ਆਦਮੀ ਧਾਰਮਕ ਨਹੀਂ ਹੁੰਦਾ, ਬਦਲਾਹਟ ਨਾਲ ਆਦਮੀ ਧਾਰਮਕ ਹੁੰਦਾ ਹੈ। ਇਸ ਲਈ ਨੱਸਣ ਦਾ ਰੁਝਾਨ ਛੱਡ ਦਿਉ, ਥਾਵਾਂ ਤੋਂ ਨੱਸੋ ਨਾ, ਖ਼ੁਦ ਨੂੰ ਬਦਲੋ, ਅਤੇ ਦੇਖੋ ਕਿ ਤੁਹਾਡੀ ਬਦਲਾਹਟ ਦੇ ਨਾਲ ਥਾਂ ਬਦਲ ਜਾਂਦੇ ਹਨ। ਲੋਕਾਂ ਤੋਂ ਨੱਸੋ ਨਾ, ਅਤੇ ਤੁਸੀਂ ਪਾਉਗੇ ਕਿ ਤੁਹਾਡੀ ਬਦਲਾਹਟ ਦੇ ਨਾਲ ਲੋਕ ਬਦਲ ਜਾਂਦੇ ਹਨ। ਜਿਹੜਾ ਪਤਨੀ ਨੂੰ ਛੱਡ ਕੇ ਨੱਸ ਰਿਹਾ ਹੈ, ਉਹ ਗ਼ਲਤੀ ਵਿੱਚ ਹੈ। ਖ਼ੁਦ ਨੂੰ ਬਦਲੇ ਅਤੇ ਪਾਏਗਾ ਕਿ ਪਤਨੀ ਛੁਪਨ ਹੋ ਗਈ । ਆਪਣੇ-ਆਪ ਨੂੰ ਤਬਦੀਲ ਕਰੇ ਅਤੇ ਪਾਏਗਾ, ਜਿਸ ਪਤਨੀ ਤੋਂ ਨੱਸਣ ਦਾ ਖ਼ਿਆਲ ਸੀ, ਉਹ ਅਲੋਪ ਹੋ ਗਈ ਹੈ। ਉਹ ਹੁਣ ਕਿਤੇ ਵੀ ਨਹੀਂ ਹੈ।

ਜੀਵਨ ਆਪਾ ਬਦਲਣ ਨਾਲ ਹਾਸਲ ਹੁੰਦਾ ਹੈ, ਥਾਂਵਾਂ ਦੇ ਬਦਲਣ ਨਾਲ ਨਹੀਂ। ਲੇਕਿਨ ਸਾਡੀ ਜੜ੍ਹਤਾ ਸਾਨੂੰ ਕਹਿੰਦੀ ਹੈ, ਥਾਂ ਬਦਲ ਲਵੋ । ਤਾਂ ਮੈਂ ਤੁਹਾਨੂੰ ਕਹਾਂਗਾ ਕਿ ਜਿਥੇ-ਜਿਥੇ ਜੀਵਨ ਵਿੱਚ ਜੜ੍ਹਤਾ ਪੈਦਾ ਹੋ ਰਹੀ ਹੈ, ਉਥੇ ਕੁਝ ਅੰਦਰੂਨੀ ਪ੍ਰਯੋਗ ਹਨ ਜੋ ਜੜ੍ਹਤਾ ਨੂੰ ਪੈਦਾ ਨਹੀਂ ਹੋਣ ਦੇਣਗੇ ਅਤੇ ਤੁਸੀਂ ਲਗਾਤਾਰ ਇਕ ਤਾਜ਼ਗੀ ਤੇ ਇਕ ਇਨੋਸੇਂਸ ਨੂੰ, ਇਕ ਨਿਰਦੋਸ਼-ਚਿੱਤਤਾ ਨੂੰ ਬਚਾ ਕੇ ਰੱਖ ਸਕਦੇ ਹੋ। ਅਤੇ ਜੋ ਉਸ ਤਰ੍ਹਾਂ