ਜੀਵਨ ਜਗਾਵਾ

੧. ਅਮਰ ਜੀਵਨ ਜੇ ਚਾਹਨਾ ਏਂ,

ਤਾਂ ਮਰਨੇ ਦੀ ਤਿਆਰੀ ਕਰ ।

ਜੇ ਦੇਸ਼ ਆਬਾਦ ਕਰਨਾ ਈਂ,

ਲਹੂ ਦੀ ਨਹਿਰ ਜਾਰੀ ਕਰ।

ਜੇ ਉੱਚੀ ਕੌਮ ਕਰਨੀ ਹੈ,

ਤਾਂ ਬਾਹਵਾਂ ਦੀ ਉਸਾਰੀ ਕਰ।

ਜੇ ਦਿਲ ਜਿੱਤਣ ਦੀ ਸੱਧਰ ਹੈ,

ਤਾਂ ਦੌਲਤ ਨਾ ਪਿਆਰੀ ਕਰ ।

ਕਿ ਕੌਮਾਂ ਬਣਦੀਆਂ-

ਚੌੜੇ ਦਿਲਾਂ ਵਾਲੇ ਜਵਾਨਾਂ ਤੇ।

ਤੇ ਦੇਸ਼ ਉਸਰਨ ਸਦਾ –

ਜਿਗਰੇ ਦੀਆਂ ਮੁਹਕਮ ਚਿਟਾਨਾਂ ਤੇ ।

੨. ਤਅੱਸਬ ਦੀ ਹਟਾ ਪੱਟੀ,

ਤੇ ਨਫਰਤ ਨੂੰ ਨਾ ਆਦਰ ਦੇ ।

ਮੁਹੱਬਤ ਦਾ ਖੁਲਾ ਕਰ ਦਰ,

ਤੇ ਬਾਹਾਂ ਚੌੜੀਆਂ ਕਰ ਦੇ।

ਪਰੇ ਕਰ ਫਿਰਕੇਦਾਰੀ ਨੂੰ,

ਤੇ ਏਕੇ ਦੀ ਹਵਾ ਭਰ ਦੇ ।