"ਓ ਧੁੰਦ, ਮੇਰੀ ਭੈਣ, ਭਾਵੇਂ ਇਹ ਸਭ ਕੁਝ ਬੀਤ ਗਿਆ ਏ,

ਪਰ ਮੈਂ ਬਿਲਕੁਲ ਸ਼ਾਂਤ ਹਾਂ।

ਇਹੀ ਬਹੁਤ ਸੀ ਕਿ ਇਹ ਗੀਤ ਉਹਨਾਂ ਨੂੰ ਸੁਣਾਇਆ ਗਿਆ

ਜੋ ਪਹਿਲਾਂ ਜਨਮ ਲੈ ਚੁੱਕੇ ਹਨ।

ਭਾਵੇਂ ਗੀਤ ਦੀ ਆਵਾਜ਼ ਮੇਰੀ ਨਹੀਂ ਹੈ,

ਪਰ ਇਹ ਮੇਰੇ ਦਿਲ ਦੀ ਡੂੰਘਾਈ ਵਿੱਚੋਂ ਨਿਕਲੀ ਇੱਛਾ ਹੈ।

“ਓ ਧੁੰਦ, ਮੇਰੀ ਭੈਣ, ਮੇਰੀਏ ਭੈਣੇ ਧੁੰਦ

ਮੈਂ ਹੁਣ ਤੇਰੇ ਨਾਲ ਇਕ-ਮਿੱਕ ਹਾਂ।

ਹੁਣ ਮੇਰੇ ਸ੍ਵੈ ਦੀ ਹੋਂਦ ਨਹੀਂ ਰਹੀ।

ਦੁਨਿਆਵੀ ਦੀਵਾਰਾਂ ਡਿੱਗ ਚੁੱਕੀਆਂ ਹਨ,

ਜੰਜ਼ੀਰਾਂ ਟੁੱਟ ਚੁੱਕੀਆਂ ਹਨ;

ਮੈਂ ਤੇਰੇ ਤਕ ਆਉਂਦਾ ਹਾਂ, ਓ ਧੁੰਦ,

ਅਸੀ ਇਕੱਠੇ ਤੈਰਾਂਗੇ ਸਮੁੰਦਰ ਦੀ ਸਤਹ ਉੱਤੇ

ਜੀਵਨ ਦੀ ਅਗਲੀ ਪ੍ਰਭਾਤ ਤਕ;

ਜਦੋਂ ਪ੍ਰਭਾਤ ਤੈਨੂੰ ਆਪਣੇ ਕਲਾਵੇ ਵਿਚ ਲੈ ਲਵੇਗੀ

ਤੇ ਬਾਗ਼ ਵਿਚ ਰਹਿ ਜਾਣਗੇ ਤ੍ਰੇਲ ਤੁਪਕੇ

ਅਤੇ ਮੈਨੂੰ ਵੀ ਉਸੇ ਤਰ੍ਹਾਂ ਕਲਾਵੇ ਵਿਚ ਲਵੇਗੀ

ਜਿਵੇਂ ਇਕ ਬੱਚਾ ਮਾਂ ਦੀ ਛਾਤੀ ਨਾਲ ਲੱਗਿਆ ਹੋਵੇ।”