ਮਹਿਸੂਸ ਤੇ ਅਸੀਂ ਵੀ ਕਰਦੇ ਸਾਂ ਪਰ ਤੂੰ ਉਨ੍ਹਾਂ ਭਾਵਾਂ ਨੂੰ ਸ਼ਬਦਾਂ ਵਿਚ ਲਿਆਂਦਾ ।' ਵੀਰ ਅਜੈ ਬੀਰ, ਭੈਣ ਕੀਰਤੀ, ਮੰਮੀ ਨੂੰ ਜਦੋਂ ਹਰ ਲੇਖ ਲਿਖ ਕੇ ਸੁਣਾਇਆ ਤਾਂ ਉਨ੍ਹਾਂ ਬੜੇ ਧਿਆਨ ਨਾਲ ਸੁਣਿਆ । ਭੋਲੀ ਦੀਦੀ ਨੇ ਮੈਨੂੰ ਬੜਾ ਉਤਸ਼ਾਹ ਦਿਤਾ । ਜੀਜਾ ਸੁਖਬੀਰ ਸਿੰਘ ਜੀ ਵੀ ਬੜੇ ਖ਼ੁਸ਼ ਹੁੰਦੇ ਹਨ। ਮੇਰੇ ਨਾਨਕੇ ਦਾਦਕੇ ਸਾਰੇ ਹੀ ਮੈਨੂੰ ਬੜਾ ਉਤਸ਼ਾਹ ਦਿੰਦੇ ਹਨ । ਮੇਰੇ ਨਾਨੀ ਈਸ਼ਰ ਕੌਰ ਜੀ ਬੜੇ ਚਾਅ ਨਾਲ ਸੁਣ ਅਸ਼ੀਰਵਾਦ ਦਿੰਦੇ ਹਨ । ਨਰਿੰਦਰ ਅੰਕਲ ਜੀ ਤਾਂ ਮੇਰੀ ਪ੍ਰੇਰਣਾ ਬਣੇ ਰਹੇ ਤੇ ਚਾਚਾ ਬਲਵਿੰਦਰ ਸਿੰਘ ਵੀ ਉਤਸ਼ਾਹ ਦੇਂਦੇ ਹਨ । ਇਹ ਲਿਖ ਮੈਨੂੰ ਬੜੀ ਖ਼ੁਸ਼ੀ ਹੈ ਕਿ ਮੇਰੇ ਲੇਖ "ਸਿੱਖ ਇਤਿਹਾਸ ਵਿਚ ਔਰਤ ਦਾ ਅਸਥਾਨ ਤੇ ਕਰਤੱਵ (ਰੋਲ ਐਂਡ ਸਟੇਟੱਸ)" ਨੂੰ ਡਾਕਟਰ ਗੰਡਾ ਸਿੰਘ ਮੈਮੋਰੀਅਲ ਟਰੱਸਟ ਨੇ ਦੂਜਾ ਇਨਾਮ ਦਿਤਾ ਹੈ । ਪਹਿਲੇ ਹੀ ਲੇਖ ਨੂੰ ਪਰਵਾਨਿਤ ਹੁੰਦਾ ਦੇਖ ਮੈਨੂੰ ਹੋਰ ਚਾਅ ਚੜ੍ਹਿਆ ਹੈ । ਸਰਦਾਰ ਰਾਜਿੰਦਰ ਸਿੰਘ ਜੀ ਨੇ ਬੜੀ ਮਿਹਨਤ ਨਾਲ ਖਰੜੇ ਨੂੰ ਟਾਈਪ ਕੀਤਾ ਹੈ । ਉਨ੍ਹਾਂ ਦੀ ਮੈਂ ਰਿਣੀ गं ।

ਮੈਨੂੰ ਪੂਰਨ ਯਕੀਨ ਹੈ ਕਿ ਪਾਠਕ ਇਸ ਪੁਸਤਕ ਨੂੰ ਬੇਹੱਦ ਪਸੰਦ ਕਰਨਗੇ । ਮੇਰਾ ਉਤਸ਼ਾਹ ਹੋਰ ਵਧਾਉਣਗੇ ਤਾਂ ਕਿ ਮੈਂ ਸਾਰੇ ਸਿੱਖ ਇਤਿਹਾਸ ਨੂੰ ਬਾਰੀਕੀ ਨਾਲ ਪੜ੍ਹ, ਫਿਰ ਲਿਖ ਪਾਠਕਾਂ ਤੱਕ ਪਹੁੰਚਾ ਸਕਾਂ । ਮੈਨੂੰ ਉਸ ਵਾਹਿਗੁਰੂ ਤੇ ਯਕੀਨ ਹੈ; ਜਿਸ ਰਾਹ ਪਾਇਆ ਉਹ ਆਪ ਰਾਹ ਦਿਖਾਏਗਾ। ਕਿਉਂਕਿ :

ਮੋਕਉ ਤੋ ਭਰੋਸੋ ਕੇਵਲ ਗੁਰੂ ਗ੍ਰੰਥ ਮਹਾਰਾਜ ਪੈ।

54, ਖ਼ਾਲਸਾ ਕਾਲਜ ਕਾਲੋਨੀ                                                                           ਸਿਮਰਨ ਕੌਰ

ਪਟਿਆਲਾ

23 ਅਕਤੂਬਰ, 1991