ਜੁਦਾਈ

ਸ਼ਾਲਾ! ਕਹਿਰ ਕੀਤੋਈ ਡਾਢਾ,

ਘੜੀਓਈ ਜਦੋਂ ਜੁਦਾਈ,

ਐਪਰ ਬਿਨਾ ਜੁਦਾਈ ਕਿਸ ਨੇ

'ਪਰੇਮ-ਕੀਮ' ਸੀ ਪਾਈ?

ਧੁਪ ਨੂੰ ਛਾਉਂ, ਛਾਉਂ ਨੂੰ ਧੁਪ ਤਿਉਂ

ਮਿਲ ਵਿਛੁੜਨ ਰੰਗ ਲਾਵਨ

ਤੀਰ ਪ੍ਰੇਮ ਦੇ ਦੋਏ ਹਨ ਏ

ਝੱਲੇਂ ਤਾਂ ਸੁਖਦਾਈ। ੨੩.

(ਬੰਬਈ ੧੯੫੪)

ਸਾਈਂ ਸਦਾ ਸੰਭਾਲ

ਰੌਲਾ ਪਾ ਨ ਡੰਡ

ਸਹਿਜੇ ਸਹਿਜੇ ਯਾਦ ਕਰ

ਜੋ ਤੇਰੇ ਹੈ ਸੰਗ

ਗਾਫ਼ਲ ਜਿਸ ਤੋਂ ਤੂ ਰਹੇਂ।੧।

 

ਸਾਈਂ ਸਦਾ ਸੰਭਾਲ

ਜੋ ਵੱਸੇ ਤੈਂ ਅੰਦਰੇ,

ਉਹ ਹੈ ਤੇਰੇ ਨਾਲ

ਸਹਿਜੇ ਸਹਿਜੇ ਯਾਦ ਰਖ।੨।

 

ਬੰਗਲੂ ਪਵੇ ਜਿ ਯਾਦ ਦਾ

ਵਿਛੇ ਪਯਾਰ ਦੀ ਸੇਜ।

ਕਰ ਆਸਾ ਆ ਜਾਇ ਜੇ

ਪ੍ਰੀਤਮ ਸੈਲ ਮਜੈਜ²।੩।੨੪.

(ਕਸੌਲੀ-੧੪-੮-੧੯੫੧)

–––––––––––––––

1. ਭੁਲ।  2. ਮੈਲੇ ਦਾ ਸ਼ੌਕੀਨ।