ਪਰਿਸਥਿਤੀਆਂ ਨੂੰ ਬੜੀ ਸਪੱਸ਼ਟਤਾ ਤੇ ਨਵੀਨਤਾ ਨਾਲ ਘੋਖ ਕੇ ਪੰਜਾਬੀ ਸਾਹਿੱਤ ਦੇ ਵਿਭਿੰਨ ਯੁਗਾਂ ਤੇ ਦੌਰਾਂ ਦੀ ਹੋਂਦ ਦਾ ਨਿਰਣਾ ਕੀਤਾ ਹੈ ਅਤੇ ਪੰਜਾਬ ਵਾਸੀਆਂ ਦੀਆਂ ਮਨੋਬਿਰਤੀਆਂ ਤੇ ਪ੍ਰਵਿਰਤੀਆਂ ਸਾਹਿੱਤ ਵਿਚ ਕਿਵੇਂ ਪ੍ਰਤਿਬਿੰਬਤ ਹੋਈਆਂ ਹਨ, ਇਨ੍ਹਾਂ ਸਾਰਿਆਂ ਤੱਤਾਂ ਤੇ ਦਿਸ਼ਾਂ ਦਾ ਮਨੋਵਿਗਿਆਨਿਕ ਅਧਿਐਨ ਵੀ ਪੇਸ਼ ਕੀਤਾ ਹੈ। ਇਨ੍ਹਾਂ ਗੱਲਾਂ ਤੋਂ ਇਲਾਵਾ, ਪੰਜਾਬੀ ਸਾਹਿੱਤ ਦੇ ਮਹਾਨ ਉਸਰੱਈਏ ਬਾਬਾ ਫਰੀਦ, ਗੁਰੂ ਨਾਨਕ, ਦਮੋਦਰ, ਸ਼ਾਹ ਹੁਸੈਨ, ਭਾਈ ਗੁਰਦਾਸ ਅਤੇ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਸਾਹਿੱਤਿਕ ਦੇਣ ਨੂੰ ਵਿਸ਼ੇਸ਼ ਵਿਧੀ ਨਾਲ ਬਿਆਨ ਕੀਤਾ ਹੈ।
ਇਸ ਸਾਰੇ ਯਤਨ ਵਿਚ ਵਿਦਵਾਨ ਲੇਖਕ ਨੇ ਇਤਿਹਾਸ ਦੀ ਇਸ ਵਿਸ਼ਾਲ ਸਾਮੱਗ੍ਰੀ ਨੂੰ ਜਿੱਥੇ ਖ਼ਾਸ ਸੁੱਚਮ ਨਾਲ ਨਿਭਾਇਆ ਹੈ, ਉਥੇ ਪੇਸ਼ ਕਰਨ ਦੀ ਸ਼ੈਲੀ ਨੂੰ ਵੀ ਸੁਆਦਲੀ, ਦਿਲਚਸਪ, ਰੋਚਕ ਤੇ ਮਨੋਹਰ ਰੱਖਣ ਦਾ ਭਰਪੂਰ ਉਪਰਾਲਾ ਕੀਤਾ ਹੈ।
ਆਸ ਹੈ ਇਹ ਸਾਹਿੱਤਿਕ ਪ੍ਰਯਤਨ ਵਿਦਿਆਰਥੀਆਂ ਤੇ ਪਾਠਕਾਂ ਦੀ ਸੁਹਜ-ਚੇਤਨਾ ਨੂੰ ਆਵੱਸ਼ ਟੁੰਬੇਗਾ ।
ਪ੍ਰੋਫੈਸਰ ਤੇ ਹੈੱਡ
ਪੰਜਾਬੀ ਵਿਭਾਗ,
ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ
ਪ੍ਰੇਮ ਪ੍ਰਕਾਸ਼ ਸਿੰਘ
ਮੁੱਖ ਸੰਪਾਦਕ
