ਕਰ ਦਿੱਤੀਆਂ, ਉਹ ਸਾਮਾਨ ਵੰਡ ਦਿੱਤੇ ਜਿਸਦੀ ਉਸ ਨੂੰ ਲੋੜ ਨਹੀਂ ਸੀ ਤੇ ਆਪਣੇ ਸੂਟਕੇਸ ਬਾਹਰ ਕੱਢ ਕੇ ਉਹਨਾਂ ਨੂੰ ਪੈਕ ਕਰ ਲਿਆ। ਚਾਰ ਹਫਤਿਆਂ ਦੇ ਅੰਦਰ ਹੀ ਗਲੇਂਡਾ ਅਮਰੀਕਾ 'ਚ ਸੀ ਤੇ ਸਾਡੇ ਅਮਰੀਕੀ ਆਫਿਸ 'ਚ ਕੰਮ ਕਰ ਰਹੀ ਸੀ।
ਇਸ ਬਾਰੇ ਸੋਚੋ ਕਿ ਤੁਸੀਂ ਕੀ ਮੰਗਿਆ ਹੈ। ਫਿਰ ਇਹ ਸੁਨਿਸਚਿਤ ਕਰੋ ਕਿ ਤੁਹਾਡੇ ਕੰਮ ਤੁਹਾਡੀਆਂ ਮੰਗੀਆਂ ਹੋਈਆਂ ਚੀਜਾਂ ਦੇ ਖੰਡਣ 'ਚ ਨਾ ਹੋਣ ਬਲਕਿ ਉਸਦੇ ਪਰਛਾਵੇਂ ਜਾਂ ਪ੍ਰਤਿਬਿੰਬਤ ਹੋਣ। ਇਸ ਤਰ੍ਹਾਂ ਦੀ ਐਕਟਿੰਗ ਕਰੋ, ਜਿਵੇਂ ਤੁਹਾਨੂੰ ਮਨਚਾਹੀ ਚੀਜ਼ ਨੂੰ ਪਾ ਲਿਆ ਹੋਵੇ। ਉਹੀ ਕਰੋ, ਜਿਹੜੀ ਤੁਸੀਂ ਉਸ ਚੀਜ ਦੇ ਅੱਜ ਮਿਲ ਜਾਣ ਤੇ ਕਰਦੇ। ਆਪਣੇ ਜੀਵਨ 'ਚ ਉਸ ਸਸ਼ਕਤ ਆਸ ਨੂੰ ਪ੍ਰਤਿਬਿੰਬਤ ਕਰਣ ਲਈ ਕਦਮ ਚੁੱਕੋ। ਆਪਣੀਆਂ ਇੱਛਾਵਾਂ ਲਈ ਥਾਂ ਬਣਾਓ। ਇੰਝ ਕਰਣ ਨਾਲ ਤੁਸੀਂ ਆਸ ਦਾ ਸ਼ਕਤੀਸ਼ਾਲੀ ਸੰਕੇਤ ਭੇਜਦੇ ਹੋ।
ਆਪਣੇ-ਆਪ 'ਤੇ ਕੰਮ ਕਰੋ
ਲੀਸਾ ਨਿਕੋਲਸ
ਸੰਬੰਧਾਂ ਬਾਰੇ ਸਭ ਤੋਂ ਪਹਿਲਾਂ ਤਾਂ ਇਹ ਸਮਝਣਾ ਮਹੱਤਵਪੂਰਨ ਹੁੰਦਾ ਹੈ ਕਿ ਸੰਬੰਧ ਕਿੰਨਾਂ ਦੇ ਵਿਚਕਾਰ ਬਣ ਰਿਹਾ ਹੈ ਤੇ ਇਸ ਵਿਚ ਸਿਰਫ਼ ਤੁਹਾਡਾ ਪਾਰਟਨਰ ਹੀ ਸ਼ਾਮਿਲ ਨਹੀਂ ਹੈ। ਤੁਹਾਨੂੰ ਸਭ ਤੋਂ ਪਹਿਲਾਂ ਆਪਣੇ-ਆਪ ਨੂੰ ਸਮਝਣ ਦੀ ਲੋੜ ਹੈ।
ਜੇਮਸ ਰੇ
ਤੁਸੀਂ ਇਹ ਉਮੀਦ ਕਿਵੇਂ ਕਰ ਸਕਦੇ ਹੋ ਕਿ ਕੋਈ ਦੂਜਾ ਤੁਹਾਡੇ ਨਾਲ ਰਹਿਣਾ ਪਸੰਦ ਕਰੇਗਾ, ਜੇਕਰ ਤੁਸੀਂ ਆਪਣੇ-ਆਪ ਨਾਲ ਰਹਿਣਾ ਪਸੰਦ ਨਹੀਂ ਕਰਦੇ ਹੋ? ਇਕ ਵਾਰ ਫਿਰ, ਆਕਰਸ਼ਨ ਦਾ ਨਿਯਮ ਜਾਂ ਰਹੱਸ ਇਸ ਨੂੰ ਤੁਹਾਡੇ ਜੀਵਨ 'ਚ ਲੈ ਆਵੇਗਾ। ਤੁਹਾਨੂੰ ਸਚਮੁੱਚ, ਸਚਮੁੱਚ ਹੀ ਸਪਸ਼ਟ ਹੋਣਾ ਹੋਵੇਗਾ। ਮੈਂ ਤੁਹਾਨੂੰ ਇਸ ਸਵਾਲ 'ਤੇ ਵਿਚਾਰ ਕਰਣ ਲਈ ਕਹਿੰਦਾ ਹਾਂ: ਕੀ ਤੁਸੀਂ ਆਪਣੇ-ਆਪ ਨਾਲ ਉਂਝ ਦਾ ਵਿਵਹਾਰ ਕਰਦੇ ਹੋ, ਜਿਵੇਂ ਤੁਸੀਂ ਚਾਹੁੰਦੇ ਹੋ ਕਿ ਦੂਜੇ ਤੁਹਾਡੇ ਨਾਲ ਕਰਣ?
