ਜਦੋਂ ਤੁਸੀਂ ਆਪਣੇ-ਆਪ ਨਾਲ ਉਂਝ ਵਿਵਹਾਰ ਨਹੀਂ ਕਰਦੇ ਜਿਵੇਂ ਤੁਸੀਂ ਦੂਜਿਆਂ ਤੋਂ ਆਪਣੇ ਲਈ ਕਰਵਾਉਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਪਰਿਸਥਿਤੀਆਂ ਨੂੰ ਕਦੇ ਨਹੀਂ ਬਦਲ ਸਕਦੇ। ਤੁਹਾਡੇ ਕੰਮ ਤੁਹਾਡੇ ਪ੍ਰਬਲ ਵਿਚਾਰਾਂ ਦਾ ਆਇਨਾ ਹਨ, ਇਸਲਈ ਜੇਕਰ ਤੁਸੀਂ ਆਪਣੇ-ਆਪ ਨਾਲ ਪ੍ਰੇਮ ਤੇ ਸਨਮਾਨ ਦਾ ਵਿਵਹਾਰ ਨਹੀਂ ਕਰਦੇ, ਤਾਂ ਤੁਸੀਂ ਇਕ ਸਸ਼ਕਤ ਸੰਕੇਤ ਪ੍ਰਸਾਰਿਤ ਕਰ ਰਹੇ ਹੋ, ਜਿਹੜਾ ਕਹਿ ਰਿਹਾ ਹੈ ਕਿ ਤੁਸੀਂ ਬਥੇਰੇ ਮਹੱਤਵਪੂਰਨ, ਕਾਫ਼ੀ ਮੂਲਵਾਨ ਜਾਂ ਬਹੁਤੇਰੇ ਹਕਦਾਰ ਨਹੀਂ ਹੋ। ਜੇਕਰ ਇਹ ਸੰਕੇਤ ਪ੍ਰਸਾਰਿਤ ਹੁੰਦਾ ਰਹੇਗਾ, ਤਾਂ ਤੁਹਾਨੂੰ ਹੋਰ ਜਿਆਦਾ ਅਨੁਭਵ ਹੋਣਗੇ, ਜਿਨ੍ਹਾਂ 'ਚ ਲੋਕ ਤੁਹਾਡੇ ਨਾਲ ਚੰਗਾ ਸਲੂਕ ਨਹੀਂ ਕਰਣਗੇ। ਲੋਕ ਤਾਂ ਸਿਰਫ਼ ਸਿੱਟਾ ਹਨ। ਕਾਰਨ ਤੁਹਾਡੇ ਵਿਚਾਰ ਹਨ। ਤੁਹਾਨੂੰ ਆਪਣੇ-ਆਪ ਨਾਲ ਪ੍ਰੇਮ ਤੇ ਸਨਮਾਨ ਨਾਲ ਪੇਸ਼ ਆਉਣਾ ਹੋਵੇਗਾ। ਤੁਹਾਨੂੰ ਇਹ ਨਵਾਂ ਸੰਕੇਤ ਪ੍ਰਸਾਰਿਤ ਕਰਣਾ ਹੋਵੇਗਾ ਤੇ ਨਵੀਂ ਮਨਚਾਹੀ ਫ੍ਰੀਕਊਂਸੀ 'ਤੇ ਪੁੱਜਣਾ ਹੋਵੇਗਾ। ਫਿਰ ਆਕਰਸ਼ਨ ਦਾ ਨਿਯਮ ਸਾਰੇ ਬ੍ਰਹਿਮੰਡ ਨੂੰ ਹਿਲਾ ਦੇਵੇਗਾ ਤੇ ਤੁਹਾਡੇ ਜੀਵਨ 'ਚ ਇਹੋ ਜਿਹੇ ਲੋਕਾਂ ਨੂੰ ਲੈ ਆਵੇਗਾ ਜਿਹੜੇ ਤੁਹਾਡੇ ਨਾਲ ਪ੍ਰੇਮ ਕਰਦੇ ਤੇ ਤੁਹਾਡਾ ਸਨਮਾਨ ਕਰਦੇ ਹੋਣ।

ਕਈ ਲੋਕਾਂ ਨੇ ਦੂਜਿਆਂ ਖਾਤਿਰ ਆਪਣੀ ਕੁਰਬਾਨੀ ਦਿੱਤੀ ਹੈ ਤੇ ਉਹ ਸੋਚਦੇ ਹਨ ਕਿ ਤਿਆਗ ਕਰਨ ਦੇ ਕਾਰਣ ਉਹ ਚੰਗੇ ਵਿਅਕਤੀ ਬਣ ਜਾਂਦੇ ਹਨ। ਗਲਤ! ਤਿਆਗ ਕਮੀ ਦੇ ਵਿਚਾਰਾਂ ਕਾਰਣ ਉਤਪੰਨ ਹੁੰਦਾ ਹੈ, ਕਿਉਂਕਿ ਇਸ 'ਚ ਵਿਅਕਤੀ ਕਹਿੰਦਾ ਹੈ, "ਸਾਰਿਆਂ ਲਈ ਕਾਫੀ ਨਹੀਂ ਹੈ, ਇਸਲਈ ਮੈਂ ਇਸਦੇ ਬਿਨਾਂ ਰਹਿ ਲਵਾਂਗਾ।" ਇਹੋ ਜਿਹੀਆਂ ਭਾਵਨਾਵਾਂ ਨਾਲ ਚੰਗਾ ਮਹਿਸੂਸ ਨਹੀਂ ਹੁੰਦਾ ਹੈ ਅਤੇ ਇਹ ਆਖ਼ਰਕਾਰ ਨਾਰਾਜ਼ਗੀ ਵੱਲ ਲੈ ਜਾਣਗੀਆਂ। ਦੁਨੀਆ 'ਚ ਹਰ ਇਕ ਲਈ ਪ੍ਰਚੁਰ ਸਾਧਨ ਹਨ ਤੇ ਇਹ ਹਰ ਵਿਅਕਤੀ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਆਪਣੀ ਇੱਛਾਵਾਂ ਨੂੰ ਆਪ ਬੁਲਾਵਾ ਦੇਵੇ। ਤੁਸੀ ਕਿਸੇ ਦੂਜੇ ਵਿਅਕਤੀ ਦੀਆਂ ਇੱਛਾਵਾਂ ਨੂੰ ਬੁਲਾਵਾ ਨਹੀਂ ਦੇ ਸਕਦੇ, ਕਿਉਂਕਿ ਤੁਸੀਂ ਕਿਸੇ ਦੂਜੇ ਵਾਂਗ ਸੋਚ ਤੇ ਮਹਿਸੂਸ ਨਹੀਂ ਕਰ ਸਕਦੇ। ਤੁਹਾਡਾ ਕੰਮ ਆਪਣੇ-ਆਪ ਨੂੰ ਬਨਾਉਣਾ ਹੈ। ਜਦੋਂ ਤੁਸੀਂ ਚੰਗਾ ਮਹਿਸੂਸ ਕਰਣ ਨੂੰ ਪਹਿਲ ਦਿੰਦੇ ਹੋ, ਤਾਂ ਇਕ ਸ਼ਾਨਦਾਰ ਫ੍ਰੀਕਊਂਸੀ ਪ੍ਰਸਾਰਿਤ ਹੋਵੇਗੀ ਤੇ ਤੁਹਾਡੇ ਹਰ ਕਰੀਬੀ ਵਿਅਕਤੀ ਨੂੰ ਸਪਰਸ਼ ਕਰੇਗੀ।

 

ਡਾੱ. ਜਾੱਨ ਗ੍ਰੇ

ਤੁਸੀਂ ਆਪਣੇ-ਆਪ ਲਈ ਸਮਾਧਾਨ ਬਣਦੇ ਹੋ। ਕਿਸੇ ਦੂਜੇ ਵੱਲ ਉਂਗਲ ਚੁੱਕ ਕੇ ਇਹ ਨਾ ਕਹੋ, "ਹੁਣ ਤੁਹਾਡੇ ਤੇ ਮੇਰਾ ਕਰਜਾ ਹੈ ਤੇ ਤੁਹਾਨੂੰ ਮੈਨੂੰ ਜ਼ਿਆਦਾ ਦੇਣਾ ਚਾਹੀਦਾ ਹੈ।" ਇਸਦੀ ਬਜਾਇ, ਆਪਣੇ-ਆਪ ਨੂੰ ਜ਼ਿਆਦਾ ਦਿਓ। ਆਪਣੇ-ਆਪ ਨੂੰ ਦੇਣ ਲਈ