ਫੁਰਸਤ ਕੱਢੋ ਤੇ ਇਕ ਤਰ੍ਹਾਂ ਨਾਲ ਆਪਣੇ-ਆਪ ਨੂੰ ਪੂਰਨਤਾ ਤਕ ਭਰ ਲਓ, ਜਦੋਂ ਤਕ ਕਿ ਛਲਕਣ ਨਾ ਲੱਗੇ ਤੇ ਤੁਸੀਂ ਦੂਜਿਆਂ ਨੂੰ ਦੇਣ ਦੀ ਸਥਿਤੀ 'ਚ ਨਾ ਆ ਜਾਓ।

 “ਪ੍ਰੇਮ ਹਾਸਿਲ ਕਰਣ ਲਈ ... ਇਸ ਨੂੰ ਆਪਣੇ ਅੰਦਰ ਉਦੋਂ ਤਕ ਭਰੋ, ਜਦੋਂ ਤਕ ਕਿ ਤੁਸੀਂ ਚੁੰਬਕ ਨਾ ਬਣ ਜਾਓ।"

ਚਾਰਲਸ ਹਾਨੇਲ

ਸਾਡੇ 'ਚੋਂ ਕਈ ਲੋਕਾਂ ਨੂੰ ਇਹ ਸਿਖਾਇਆ ਗਿਆ ਹੈ ਕਿ ਅਸੀਂ ਆਪਣੇ-ਆਪ ਨੂੰ ਸਭ ਤੋਂ ਆਖਰ 'ਚ ਰੱਖੀਏ। ਇਸਦੇ ਨਤੀਜੇ 'ਚ ਅਸੀਂ ਅਯੋਗ ਤੇ ਅਪਾਤਰ ਹੋਣ ਦੀਆਂ ਭਾਵਨਾਵਾਂ ਆਕਰਸਿਤ ਕੀਤੀਆਂ ਹਨ। ਜਦੋਂ ਇਹ ਭਾਵਨਾ ਸਾਡੇ ਅੰਦਰ ਵੱਸ ਗਈ, ਤਾਂ ਅਸੀਂ ਜੀਵਨ 'ਚ ਇਹੋ ਜਿਹੀਆ ਸਥਿਤੀਆਂ ਨੂੰ ਆਕਰਸ਼ਿਤ ਕਰਣ ਲਗੇ, ਜਿਹੜੀਆਂ ਸਾਨੂੰ ਅਯੋਗਤਾ ਤੇ ਨਾਕਾਫੀ ਦਾ ਅਹਿਸਾਸ ਦਿਲਾਉਣ ਲੱਗੀਆਂ। ਤੁਹਾਨੂੰ ਇਸ ਸੋਚ ਨੂੰ ਬਦਲਣਾ ਹੋਵੇਗਾ।

“ਬੇਸ਼ਕ ਕੁੱਝ ਲੋਕਾਂ ਨੂੰ ਆਪਣੇ-ਆਪ ਨਾਲ ਇੰਨਾ ਜਿਆਦਾ ਪ੍ਰੇਮ ਕਰਣ ਦਾ ਵਿਚਾਰ ਬੜਾ ਠੰਡਾ, ਮੁਸਕਲ ਤੇ ਬੇਰਹਮ ਲੱਗੇਗਾ। ਬਹਰਹਾਲ, ਇਸ ਮਸਲੇ ਨੂੰ ਅਲਗ ਰੌਸ਼ਨੀ 'ਚ ਦੇਖਿਆ ਜਾ ਸਕਦਾ ਹੈ, ਜਦੋਂ ਅਸੀਂ ਪਾਉਂਦੇ ਹਾਂ ਕਿ ਨੰਬਰ ਵਨ ਦੀ ਤਲਾਸ਼ ਜਿਵੇਂ ਅਸੀਮਤ ਸ਼ਕਤੀ ਵੱਲੋਂ ਨਿਰਦੇਸਿਤ ਹੈ, ਦਰਅਸਲ 'ਨੰਬਰ ਟੂ ਦੀ ਤਲਾਸ਼' ਹੈ ਅਤੇ ਇਹੀ ਦਰਅਸਲ ਨੰਬਰ ਟੂ ਨੂੰ ਸਥਾਈ ਫਾਇਦਾ ਪਹੁੰਚਾਉਣ ਦਾ ਤਰੀਕਾ ਹੈ।"

ਪ੍ਰੇਂਟਿਸ ਮਲਫ਼ੋਰਡ

ਜਦੋਂ ਤਕ ਤੁਸੀਂ ਲਬਾਲਬ ਨਹੀਂ ਭਰੇ ਹੋਵੋਗੇ, ਉਦੋਂ ਤਕ ਤੁਹਾਡੇ ਕੋਲ ਕਿਸੇ ਦੂਜੇ ਨੂੰ ਦੇਣ ਲਈ ਕੁਝ ਨਹੀਂ ਹੋਵੇਗਾ। ਇਸਲਈ ਇਹ ਲਾਜ਼ਮੀ ਹੈ ਕਿ ਤੁਸੀਂ ਸਭ ਤੋਂ ਪਹਿਲਾਂ ਆਪਣੇ-ਆਪ 'ਤੇ ਧਿਆਨ ਦਿਓ। ਆਪਣੀ ਖੁਸ਼ੀ 'ਤੇ ਪਹਿਲਾਂ ਧਿਆਨ ਦਿਓ। ਲੋਕ ਆਪਣੀਆਂ ਖੁਸੀਆਂ ਲਈ ਆਪ ਜਿੰਮੇਵਾਰ ਹਨ। ਜਦੋਂ ਤੁਸੀਂ ਆਪਣੀ ਖੁਸ਼ੀ ਦਾ ਧਿਆਨ ਰਖਦੇ ਤੇ ਇਹੋ ਜਿਹੇ ਕੰਮ ਕਰਦੇ ਹੋ, ਜਿਨ੍ਹਾਂ ਨਾਲ ਤੁਹਾਨੂੰ