ਕਰਦੇ ਹੋ। ਤੁਸੀਂ ਉਸਦੀ ਹਾਸੇ ਦੀ ਸਮਝ ਦੀ ਸ਼ਲਾਘਾ ਕਰਦੇ ਹੋ, ਤੁਸੀਂ ਇਸ ਗੱਲ ਦੀ ਸਿਫਤ ਕਰਦੇ ਹੋ ਕਿ ਉਹ ਕਿੰਨੀ ਸਹਿਯੋਗੀ ਪ੍ਰਵਿਰਤੀ ਦਾ ਹੈ। ਤੁਸੀਂ ਇਹ ਪਾਵੋਗੇ ਕਿ ਜਦੋਂ ਤੁਸੀਂ ਉਸਦੀਆਂ ਸ਼ਕਤੀਆਂ ਦੀ ਸਲਾਘਾ ਕਰਣ ਤੇ ਉਨ੍ਹਾਂ ਨੂੰ ਸਵੀਕਾਰ ਕਰਣ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਤਾਂ ਤੁਹਾਨੂੰ ਇਹ ਚੀਜ਼ਾਂ ਜ਼ਿਆਦਾ ਮਿਲਣਗੀਆਂ ਤੇ ਸਮੱਸਿਆਵਾਂ ਹਵਾ 'ਚ ਉੱਡ ਜਾਣਗੀਆਂ।

 

ਲੀਸਾ ਨਿਕੋਲਸ

ਅਕਸਰ ਤੁਸੀਂ ਦੂਜਿਆਂ ਨੂੰ ਆਪਣੀ ਖੁਸ਼ੀ ਦਾ ਨਿਰਮਾਣ ਕਰਨ ਦਾ ਮੌਕਾ ਦਿੰਦੇ ਹੋ ਤੇ ਕਈ ਵਾਰੀ ਉਹ ਤੁਹਾਡੀਆਂ ਇਛਾਵਾਂ ਦੇ ਅਨੁਰੂਪ ਉਸਦਾ ਨਿਰਮਾਣ ਨਹੀਂ ਕਰ ਪਾਉਂਦੇ। ਇੰਝ ਕਿਉਂ ਹੁੰਦਾ ਹੈ? ਕਿਉਂਕਿ ਸਿਰਫ ਇਕੋ ਹੀ ਵਿਅਕਤੀ ਤੁਹਾਡੀ ਖੁਸ਼ੀ, ਤੁਹਾਡੇ ਆਨੰਦ ਦਾ ਪ੍ਰਭਾਰੀ ਹੈ। ਤੇ ਉਹ ਵਿਅਕਤੀ ਹੈ - ਤੁਸੀਂ ਆਪ! ਤੁਹਾਡੇ ਮਾਂ- ਪਿਓ, ਤੁਹਾਡੇ ਬੱਚੇ, ਤੁਹਾਡਾ ਜੀਵਨਸਾਥੀ ਦਾ ਤੁਹਾਡੀ ਖੁਸ਼ੀ ਦੇ ਨਿਰਮਾਣ 'ਤੇ ਕੋਈ ਕਾਬੂ ਨਹੀਂ ਹੈ। ਉਹ ਤਾਂ ਬਸ ਤੁਹਾਡੀ ਖੁਸ਼ੀ 'ਚ ਸ਼ਾਮਿਲ ਹੋ ਸਕਦੇ ਹਨ। ਤੁਹਾਡੀ ਖੁਸ਼ੀ ਤਾਂ ਤੁਹਾਡੇ ਅੰਦਰ ਹੀ ਹੈ।

ਤੁਹਾਡੀ ਸਾਰੀ ਖੁਸ਼ੀ ਪ੍ਰੇਮ ਦੀ ਫ੍ਰੀਕਊਂਸੀ 'ਤੇ ਹੈ - ਜਿਹੜੀ ਸਰਵਉੱਚ ਤੇ ਸਭ ਤੋਂ ਸ਼ਕਤੀਸਾਲੀ ਫ੍ਰੀਕਊਂਸੀ ਹੈ। ਤੁਸੀਂ ਪ੍ਰੇਮ ਨੂੰ ਆਪਣੇ ਹੱਥ ਵਿਚ ਸੰਭਾਲ ਨਹੀਂ ਸਕਦੇ। ਤੁਸੀਂ ਤਾਂ ਇਸ ਨੂੰ ਸਿਰਫ ਆਪਣੇ ਦਿਲ 'ਚ ਮਹਿਸੂਸ ਕਰ ਸਕਦੇ ਹੋ। ਇਹ ਅਸਤਿਤਵ ਦੀ ਅਵਸਥਾ ਹੈ। ਤੁਸੀਂ ਲੋਕਾਂ ਰਾਹੀਂ ਪ੍ਰੇਮ ਦੀ ਵਿਅਕਤ ਹੋਣ ਦੇ ਪ੍ਰਮਾਣ ਦੇਖ ਸਕਦੇ ਹੋ, ਲੇਕਿਨ ਪ੍ਰੇਮ ਇਕ ਭਾਵਨਾ ਹੈ ਤੇ ਸਿਰਫ ਤੁਸੀਂ ਹੀ ਪ੍ਰੇਮ ਦੀ ਉਸ ਭਾਵਨਾ ਨੂੰ ਸੰਚਾਰਿਤ ਤੇ ਪ੍ਰੇਸ਼ਿਤ ਕਰ ਸਕਦੇ ਹੋ। ਪ੍ਰੇਮ ਦੀਆਂ ਭਾਵਨਾਵਾਂ ਉਤਪੰਨ ਕਰਣ ਦੀ ਤੁਹਾਡੀ ਯੋਗਤਾ ਅਸੀਮ ਹੈ ਤੇ ਪ੍ਰੇਮ ਕਰਣ ਵੇਲੇ ਤੁਸੀਂ ਬ੍ਰਹਿਮੰਡ ਨਾਲ ਪੂਰੇ ਤਾਲਮੇਲ 'ਚ ਹੁੰਦੇ ਹੋ। ਜਿਹੜੀ ਵੀ ਚੀਜ ਨਾਲ ਪ੍ਰੇਮ ਕਰ ਸਕਦੇ ਹੋ, ਕਰੋ। ਜਿਹੜੇ ਵੀ ਵਿਅਕਤੀ ਨਾਲ ਪ੍ਰੇਮ ਕਰ ਸਕਦੇ ਹੋ, ਕਰੋ। ਪ੍ਰੇਮ ਹੀ ਪ੍ਰੇਮ ਨੂੰ ਮਹਿਸੂਸ ਕਰੇ। ਤੁਸੀਂ ਪਾਵੇਗੇ ਕਿ ਪ੍ਰੇਮ ਤੇ ਖੁਸ਼ੀ ਤੁਹਾਡੇ ਵਲ ਮੁੜ ਰਹੀਆਂ ਹਨ - ਕਈ ਗੁਣਾ ਹੋ ਕੇ! ਆਕਰਸ਼ਨ ਦਾ ਨਿਯਮ ਤੁਹਾਡੇ ਵੱਲ ਹੋਰ ਜਿਆਦਾ ਚੀਜ਼ਾਂ ਭੇਜੇਗਾ, ਜਿਨ੍ਹਾਂ ਨਾਲ ਤੁਸੀਂ ਪ੍ਰੇਮ ਕਰ ਸਕੋ। ਜਦੋਂ ਤੁਸੀਂ ਪ੍ਰੇਮ ਦਾ ਪ੍ਰਸਾਰ ਕਰੋਗੇ, ਤਾਂ ਇੰਝ ਲਗੇਗਾ ਜਿਵੇਂ ਸਾਰਾ ਬ੍ਰਹਿਮੰਡ ਤੁਹਾਡੇ ਲਈ ਹਰ ਚੰਗੀ ਚੀਜ ਕਰ ਰਿਹਾ ਹੈ, ਤੁਹਾਡੇ ਵੱਲ ਹੋਰ ਖੁਸ਼ਨੁਮਾ ਚੀਜਾਂ ਭੇਜ ਰਿਹਾ ਹੈ ਤੇ ਹਰ ਚੰਗੇ ਵਿਅਕਤੀ ਨੂੰ ਤੁਹਾਡੇ ਜੀਵਨ 'ਚ ਲਿਆ ਰਿਹਾ ਹੈ। ਇੰਝ ਸਚਮੁੱਚ ਹੁੰਦਾ ਹੈ।