ਸਿਹਤ ਦਾ ਰਹੱਸ
ਡਾੱ. ਜਾੱਨ ਹੇਜਲਿਨ
ਕੁਆਂਟਮ ਫ਼ਿਜ਼ਿਸਿਸਟ ਤੇ ਪਬਲਿਕ ਪਾਲਿਸੀ ਵਿਸ਼ੇਸ਼ਗ
ਸਾਡਾ ਸਰੀਰ ਦਰਅਸਲ ਸਾਡੇ ਵਿਚਾਰਾਂ ਦਾ ਨਤੀਜਾ ਹੈ। ਅਸੀਂ ਚਿਕਿਤਸਾ ਵਿਗਿਆਨ 'ਚ ਇਹ ਸਮਝਣਾ ਸ਼ੁਰੂ ਕਰ ਰਹੇ ਹਾਂ ਕਿ ਵਿਚਾਰਾਂ ਤੇ ਭਾਵਨਾਵਾਂ ਦੀ ਪ੍ਰਕਿਰਤੀ ਸਾਡੀ ਸ਼ਰੀਰਕ ਸਥਿਤੀ, ਤੰਤਰ ਤੇ ਕਿਰਿਆਵਾਂ ਨੂੰ ਨਿਰਧਾਰਿਤ ਕਰਦੀ ਹੈ।
ਡਾੱ. ਜਾੱਨ ਡੇਮਾਰਟਿਨੀ
ਉਪਚਾਰ ਦੇ ਖੇਤਰ 'ਚ ਅਸੀਂ ਪਲਾਸੀਬੋ ਇਫੈਕਟ ਬਾਰੇ ਜਾਣਦੇ ਹਾਂ। ਪਲਾਸੀਬੋ ਇਕ ਇਹੋ ਜਿਹੀ ਨਕਲੀ ਦਵਾਈ ਹੈ, ਜਿਸ ਦਾ ਸਾਡੇ ਸਰੀਰ 'ਤੇ ਕੋਈ ਪ੍ਰਭਾਵ ਨਹੀਂ ਹੁੰਦਾ ਹੈ, ਇਹ ਦਵਾਈ ਨਹੀਂ, ਖੰਡ ਦੀ ਗੋਲੀ ਹੁੰਦੀ ਹੈ।
ਤੁਸੀਂ ਮਰੀਜ਼ਾਂ ਨੂੰ ਪਲਾਸੀਬੋ ਦੇਣ ਵੇਲੇ ਕਹਿੰਦੇ ਹੋ ਕਿ ਇਹ ਪ੍ਰਭਾਵੀ ਦਵਾਈ ਹੈ। ਤੇ ਪਲਾਸੀਬੋ ਦਾ ਪ੍ਰਭਾਵ ਅਸਲ ਉਪਚਾਰਕ ਦਵਾਈ ਵਰਗਾ ਹੀ ਹੁੰਦਾ ਹੈ। ਸੋਧਕਰਤਾਵਾਂ ਨੇ ਪਤਾ ਲਾਇਆ ਹੈ ਕਿ ਇਨਸਾਨ ਦਾ ਮਸਤਿਸ਼ਕ ਉਪਚਾਰ 'ਚ ਸਭ ਤੋਂ ਵੱਡਾ ਤੱਤ ਹੈ। ਕਈ ਵਾਰੀ ਤਾਂ ਇਹ ਦਵਾਈ ਤੋਂ ਵੀ ਜਿਆਦਾ ਮਹੱਤਵਪੂਰਨ ਹੁੰਦਾ ਹੈ।
