ਡਾੱ. ਬੇਨ ਜਾੱਨਸਨ
ਡਾੱਕਟਰ, ਲੇਖਕ ਤੇ ਐਨਰਜ਼ੀ ਹੀਲਿੰਗ ਦੇ ਮੋਹਰੀ ਵਿਸ਼ੇਸ਼ਗ
ਸਾਡੇ ਕੋਲ ਹਜਾਰਾਂ ਹੀ ਬੀਮਾਰੀਆਂ ਤੇ ਦਵਾਈਆਂ ਹਨ, ਲੇਕਿਨ ਉਹ ਸਿਰਫ ਕਮਜ਼ੋਰ ਕੜੀਆਂ ਹਨ। ਸਾਰੀ ਬੀਮਾਰੀਆਂ ਕੇਵਲ ਇਕ ਚੀਜ਼ ਦੇ ਕਾਰਣ ਹੁੰਦੀ ਹੈ : ਤਣਾਅ। ਜੇਕਰ ਤੁਸੀਂ ਕਿਸੇ ਕੁੜੀ ਜਾਂ ਸਿਸਟਮ 'ਤੇ ਜ਼ਿਆਦਾ ਦਬਾਅ ਜਾਂ ਤਣਾਅ ਪਾਉਂਦੇ ਹੋ, ਤਾਂ ਉਹ ਕੜੀ ਟੁੱਟ ਜਾਂਦੀ ਹੈ।
ਸਾਰਾ ਤਣਾਅ ਇਕ ਨਕਾਰਾਤਮਕ ਵਿਚਾਰ ਨਾਲ ਅਰੰਭ ਹੁੰਦਾ ਹੈ, ਜਿਸ 'ਤੇ ਕਾਬੂ ਨਹੀਂ ਕੀਤਾ ਗਿਆ। ਇਸ ਤੋਂ ਬਾਅਦ ਉਂਝ ਵੀ ਦੂਜੇ ਵਿਚਾਰ ਆ ਧਮਕਦੇ ਹਨ ਤੇ ਆਖਰਕਾਰ ਤਣਾਅ ਪ੍ਰਗਟ ਹੋ ਜਾਂਦਾ ਹੈ। ਤਣਾਅ ਨਤੀਜਾ ਹੈ, ਲੇਕਿਨ ਕਾਰਣ ਨਕਾਰਾਤਮਕ ਚਿੰਤਨ ਹੈ ਤੇ ਇਹ ਸਾਰੇ ਇਕ ਛੋਟੇ ਜਿਹੇ ਨਕਾਰਾਤਮਕ ਵਿਚਾਰ ਨਾਲ ਸ਼ੁਰੂ ਹੋਇਆ ਸੀ। ਭਾਵੇਂ ਤੁਸੀਂ ਜੋ ਕੁੱਝ ਵੀ ਉਤਪੰਨ ਕੀਤਾ ਹੋਵੇ, ਤੁਸੀਂ ਉਸ ਨੂੰ ਬਦਲ ਸਕਦੇ ਹੋ .... ਇਕ ਛੋਟੇ ਨਕਾਰਾਤਮਕ ਵਿਚਾਰ ਨਾਲ ਤੇ ਫਿਰ ਉਸ ਤੋਂ ਬਾਅਦ ਇਕ ਹੋਰ ਸਕਾਰਾਤਮਕ ਵਿਚਾਰ ਨਾਲ।
ਡਾੱ. ਜਾੱਨ ਡੇਮਾਰਟਿਨੀ
ਸਾਡਾ ਸਰੀਰਕ ਤੰਤਰ ਸਾਨੂੰ ਫੀਡਬੈਕ ਦੇਣ ਲਈ ਬੀਮਾਰੀ ਉਤਪੰਨ ਕਰਦਾ ਹੈ। ਇਸ ਰਾਹੀਂ ਇਹ ਸਾਨੂੰ ਦੱਸਦਾ ਹੈ ਕਿ ਸਾਡਾ ਨਜ਼ਰੀਆ ਸੰਤੁਲਤ ਨਹੀਂ ਹੈ ਜਾਂ ਅਸੀਂ ਪ੍ਰੇਮਪੂਰਨ ਤੇ ਕਿਰਤਗ ਨਹੀਂ ਹਾਂ। ਸਰੀਰ ਦੇ ਸੰਕੇਤ ਤੇ ਨਿਸ਼ਾਨੀ ਕੋਈ ਭਿਆਨਕ ਚੀਜ਼ ਨਹੀਂ ਹੈ।
ਡਾੱ. ਡੇਮਾਰਟਿਨੀ ਸਾਨੂੰ ਦੱਸ ਰਹੇ ਹਨ ਕਿ ਪ੍ਰੇਮ ਤੇ ਕਿਰਤਗਤਾ ਸਾਡੇ ਜੀਵਨ ਤੋਂ ਸਾਰੀ ਨਕਾਰਾਤਮਕਤਾ ਨੂੰ ਬਾਹਰ ਕੱਢ ਦੇਣਗੇ ਭਾਵੇਂ ਉਹ ਕਿੰਨੀ ਵੀ ਵੱਡੀ ਹੋਵੇ। ਪ੍ਰੇਮ ਤੇ ਕਿਰਤਗਤਾ ਸਮੁੰਦਰ 'ਚ ਰਸਤਾ ਬਣਾ ਸਕਦੇ ਹਨ, ਪਹਾੜ ਹਿਲਾ ਸਕਦੇ ਤੇ ਚਮਤਕਾਰ ਕਰ ਸਕਦੇ ਹਨ। ਇਸੇ ਤਰ੍ਹਾਂ ਪ੍ਰੇਮ ਤੇ ਕਿਰਤਗਤਾ ਕਿਸੇ ਵੀ ਬੀਮਾਰੀ ਦਾ ਇਲਾਜ ਕਰ ਸਕਦੀਆਂ ਹਨ।
