ਸ਼ਕਤੀ ਅਤੇ ਸਾਡੇ ਸ਼ਰੀਰ ਦੀ ਬੀਮਾਰੀ ਬਾਹਰ ਕੱਢਣ ਲਈ ਹਾਸੇ ਤੇ ਖੁਸ਼ੀ ਦੀ ਸ਼ਕਤੀ।
ਕੈਥੀ ਆਪਣੇ ਇਲਾਜ ਚ ਹਾਸੇ ਨੂੰ ਸ਼ਾਮਿਲ ਕਰਣ ਲਈ ਇਸਲਈ ਪ੍ਰੇਰਤ ਹੋਈ, ਕਿਉਂਕਿ ਉਨ੍ਹਾਂ ਨੇ ਨਾੱਰਮਨ ਕਜਿਨਸ ਦੀ ਕਹਾਣੀ ਸੁਣ ਲਈ ਸੀ।
ਨਾੱਰਮਨ ਨੂੰ ਇਕ “ਲਾਇਲਾਜ” ਬਿਮਾਰੀ ਸੀ। ਡਾਕਟਰਾਂ ਨੇ ਉਸਨੂੰ ਦੱਸਿਆ ਕਿ ਉਹ ਸਿਰਫ ਕੁਝ ਹੀ ਮਹੀਨਿਆਂ ਦਾ ਮਹਿਮਾਨ ਹੈ। ਨਾੱਰਮਨ ਨੇ ਆਪਣਾ ਇਲਾਜ ਆਪ ਕਰਣ ਦਾ ਫੈਸਲਾ ਲਿਆ। ਤਿੰਨ ਮਹੀਨਿਆਂ ਤਕ ਉਸਨੇ ਸਿਰਫ ਮਜੇਦਾਰ ਫਿਲਮਾਂ ਦੇਖੀਆਂ ਤੇ ਉਹ ਹੱਸਦਾ ਰਿਹਾ, ਹੱਸਦਾ ਰਿਹਾ ਤੇ ਹਸਦਾ ਰਿਹਾ। ਉਨ੍ਹਾਂ ਤਿੰਨ ਮਹੀਨਿਆਂ ਦੇ ਅੰਦਰ ਹੀ ਬੀਮਾਰੀ ਉਸ ਦੇ ਸ਼ਰੀਰ ਤੋਂ ਚਲੀ ਗਈ। ਡਾੱਕਟਰਾਂ ਨੇ ਉਸਦੇ ਉਪਚਾਰ ਨੂੰ ਚਮਤਕਾਰ ਦੀ ਸੰਗਿਆ ਦਿੱਤੀ।
ਜਦੋਂ ਨਾੱਰਮਨ ਦਿਲ ਖੋਲ੍ਹ ਕੇ ਹੱਸਿਆ, ਤਾਂ ਉਸਦੀ ਸਾਰੀ ਨਕਾਰਾਤਮਕਤਾ ਬਾਹਰ ਨਿਕਲ ਗਈ ਤੇ ਨਾਲ ਹੀ ਉਸਦੀ ਬੀਮਾਰੀ ਵੀ ਬਾਹਰ ਚਲੀ ਗਈ। ਹਾਸਾ ਸਚਮੁੱਚ ਸਭ ਤੋਂ ਵਧੀਆ ਸਵਾਈ ਹੈ।
ਡਾੱ. ਬੇਨ ਜਾੱਨਸਨ
ਅਸੀਂ ਸਾਰੇ ਇਕ ਸਵੈ-ਨਿਰਮਤ ਬੁਨਿਆਦੀ ਪ੍ਰੋਗਰਾਮ ਨਾਲ ਆਏ ਹੋਏ ਹਾਂ। ਇਸ ਨੂੰ "ਆਤਮ-ਉਪਚਾਰ" ਕਿਹਾ ਜਾਂਦਾ ਹੈ। ਜਦੋਂ ਤੁਹਾਨੂੰ ਕੋਈ ਜ਼ਖਮ ਜਾਂ ਫੱਟ ਹੁੰਦਾ ਹੈ, ਤਾਂ ਉਹ ਦੁਬਾਰਾ ਠੀਕ ਹੋ ਜਾਂਦਾ ਹੈ। ਜਦੋਂ ਤੁਹਾਨੂੰ ਕੋਈ ਬੈਕਟੀਰੀਅਲ ਇਨਫੈਕਸਨ ਹੁੰਦਾ ਹੈ, ਤਾਂ ਇਮਿਊਨ ਸਿਸਟਮ ਉਸਦਾ ਮੁਕਾਬਲਾ ਕਰਕੇ ਸਰੀਰ ਨੂੰ ਠੀਕ ਕਰ ਦਿੰਦਾ ਹੈ। ਇਮਿਊਨ ਸਿਸਟਮ ਆਪਣਾ ਇਲਾਜ ਆਪ ਕਰਣ ਲਈ ਹੀ ਬਣਾਇਆ ਗਿਆ ਹੈ।
ਬਾੱਬ ਪ੍ਰਾੱਕਟਰ
ਬੀਮਾਰੀ ਸਿਹਤਮੰਦ ਭਾਵਨਾਤਮਕ ਅਵਸਥਾ ਵਾਲੇ ਸਰੀਰ 'ਚ ਨਹੀਂ ਰਹਿ ਸਕਦੀ। ਸਾਡਾ ਸ਼ਰੀਰ ਹਰ ਸਕਿੰਟ ਲੱਖਾਂ ਸੈਲਾਂ ਨੂੰ ਬਾਹਰ ਕੱਢ ਰਿਹਾ ਹੈ ਤੇ ਨਾਲ ਹੀ ਇਹ ਲੱਖਾਂ ਨਵੇਂ ਸੈਲ ਬਣਾ ਵੀ ਰਿਹਾ ਹੈ।
