ਬਾੱਬ ਡਾੱਯਲ

ਜੇਕਰ ਲੋਕ ਬੀਮਾਰੀ ਤੇ ਉਸਦੀਆਂ ਨਿਸ਼ਾਨੀਆਂ 'ਤੇ ਸਾਰਾ ਧਿਆਨ ਕੇਂਦ੍ਰਿਤ ਕਰਦੇ ਹਨ, ਤਾਂ ਉਹ ਉਸ ਨੂੰ ਵਧਾ ਦਿੰਦੇ ਹਨ। ਉਪਚਾਰ ਜਾਂ ਇਲਾਜ ਉਦੋਂ ਤਕ ਨਹੀਂ ਹੋਵੇਗਾ, ਜਦੋਂ ਤਕ ਕਿ ਉਹ ਆਪਣਾ ਧਿਆਨ ਬੀਮਾਰੀ ਦੀ ਬਜਾਇ ਸਿਹਤ 'ਤੇ ਕੇਂਦ੍ਰਿਤ ਨਹੀਂ ਕਰ ਲੈਣਗੇ। ਕਿਉਂਕਿ ਇਹੀ ਆਕਰਸ਼ਨ ਦਾ ਨਿਯਮ ਹੈ।

“ਜਿਥੇ ਤਕ ਸੰਭਵ ਹੋਵੇ, ਸਾਨੂੰ ਯਾਦ ਰੱਖਣਾ ਚਾਹੀਦਾ ਹੈ ਕਿ ਹਰ ਨਾਪਸੰਦ ਵਿਚਾਰ ਇਕ ਮਾੜੀ ਚੀਜ਼ ਵਾਂਗ ਹੁੰਦਾ ਹੈ, ਜਿਸ ਨੂੰ ਅਸੀਂ ਆਪਣੇ ਸਰੀਰ 'ਚ ਰੱਖਦੇ ਹਾਂ।"

ਪ੍ਰੇਂਟਿਸ ਮਲਫ਼ੋਰਡ

ਡਾੱ. ਜਾੱਨ ਹੇਜਲਿਨ

ਜਦੋਂ ਸਾਡੇ ਵਿਚਾਰ ਖੁਸ਼ਨੁਮਾ ਹੁੰਦੇ ਹਨ, ਤਾਂ ਸਾਡੀ ਬਾਓਕੈਮੇਸਟ੍ਰੀ ਵੀ ਖੁਸ਼ਨੁਮਾ ਬਣ ਜਾਂਦੀ ਹੈ, ਜਿਸ ਨਾਲ ਸਾਡਾ ਸਰੀਰ ਸਿਹਤਮੰਦ ਰਹਿੰਦਾ ਹੈ ਤੇ ਅਸੀਂ ਖੁਸ਼ ਰਹਿੰਦੇ ਹਾਂ। ਨਕਾਰਾਤਮਕ ਵਿਚਾਰ ਤੇ ਤਣਾਅ ਸਰੀਰ ਅਤੇ ਮਸਤਿਸ਼ਕ ਦੀ ਕਾਰਜ ਸਮਰੱਥਾ ਨੂੰ ਬੁਰੀ ਤਰ੍ਹਾਂ ਕਮਜ਼ੋਰ ਕਰ ਦਿੰਦੇ ਹਨ। ਇਸਦਾ ਕਾਰਣ ਇਹ ਹੈ ਕਿ ਸਾਡੇ ਵਿਚਾਰ ਤੇ ਭਾਵ ਸਾਡੇ ਸਰੀਰ ਨੂੰ ਲਗਾਤਾਰ ਬਨਾਉਣ ਤੇ ਵਿਵਸਥਿਤ ਕਰਦੇ ਰਹਿੰਦੇ ਹਨ, ਉਸ ਨੂੰ ਲਗਾਤਾਰ ਨਵਾਂ ਬਨਾਉਂਦੇ ਰਹਿੰਦੇ ਹਨ।

ਤੁਸੀਂ ਆਪਣੇ ਸਰੀਰ 'ਚ ਹੁਣ ਤਕ ਭਾਵੇਂ ਜੋ ਕੁੱਝ ਵੀ ਉਤਪੰਨ ਕੀਤਾ ਹੈ, ਤੁਸੀਂ ਉਸ ਨੂੰ ਬਦਲ ਸਕਦੇ ਹੋ - ਅੰਦਰੋਂ ਵੀ ਤੇ ਬਾਹਰੋਂ ਵੀ। ਖੁਸ਼ੀਆਂ ਭਰੇ ਵਿਚਾਰਾਂ ਨੂੰ ਸੋਚਣਾ ਤੇ ਖੁਸ਼ ਰਹਿਣਾ ਸ਼ੁਰੂ ਕਰ ਦਿਓ। ਖੁਸ਼ੀ ਮਹਿਸੂਸ ਕਰਣ ਦੀ ਅਵਸਥਾ ਹੈ। ਤੁਹਾਡੀ ਉਂਗਲ "ਖੁਸ਼ ਮਹਿਸੂਸ ਕਰਣ" ਦੇ ਬਟਨ 'ਤੇ ਹੈ। ਉਸ ਨੂੰ ਹੁਣੇ ਦੱਬ ਦਿਓ ਤੇ ਦ੍ਰਿੜ੍ਹਤਾ ਨਾਲ ਦਬਾਕੇ ਰੱਖੋ, ਭਾਵੇਂ ਤੁਹਾਡੇ ਚਾਰੇ ਪਾਸੇ ਜੋ ਕੁੱਝ ਵੀ ਹੋ ਰਿਹਾ ਹੋਵੇ।

 

ਡਾੱ. ਬੇਨ ਜਾੱਨਸਨ

ਸਰੀਰਕ ਤਣਾਅ ਨੂੰ ਹਟਾ ਲਓ। ਇਸ ਤੋਂ ਬਾਅਦ ਸਰੀਰ ਉਹੀ ਕਰਦਾ ਹੈ, ਜਿਸ ਲਈ ਇਸ ਨੂੰ ਬਣਾਇਆ ਗਿਆ ਹੈ। ਇਹ ਆਪਣੇ-ਆਪ ਨੂੰ ਚੰਗਾ ਕਰਦਾ ਹੈ।