ਮੇਰੇ ਨਾਲ ਸ਼ਾਮਲ ਹੋ ਸਕਦੇ ਹੋ। ਇਹ ਇਕ ਇਹੋ ਜਿਹੀ ਦੁਨੀਆ ਹੈ, ਜਿਸ ਚ ਬਹੁਤਾਤ ਦੀਆਂ ਨਦੀਆਂ ਵਗ ਰਹੀਆਂ ਹਨ, ਜਿੱਥੇ ਸਾਰੀਆਂ ਚੰਗੀਆਂ ਚੀਜਾਂ ਹੁਣੇ, ਤੁਹਾਡੇ ਅੰਦਰ ਮੌਜੂਦ ਹਨ। ਸੁਰਗ ਵਰਗਾ ਲੱਗਦਾ ਹੈ, ਹੈ ਨਾ? ਇਸ ਸਚਮੁੱਚ ਇਵੇਂ ਹੀ ਹੈ।

 

ਮਾਇਕਲ ਬਰਨਾਰਡ ਬੇਕਵਿਥ

ਤੁਸੀਂ ਆਪਣੀ ਜਿੰਦਗੀ ਬਦਲ ਸਕਦੇ ਹੋ ਤੇ ਆਪਣਾ ਇਲਾਜ ਆਪੇ ਕਰ ਸਕਦੇ ਹੋ।

ਮਾੱਰਿਸ ਗੁਡਮੈਨ

ਲੇਖਕ ਤੇ ਅੰਤਰਰਾਸ਼ਟਰੀ ਵਕਤਾ 

ਮੇਰੀ ਕਹਾਣੀ 10 ਮਾਰਚ, 1981 ਨੂੰ ਸ਼ੁਰੂ ਹੁੰਦੀ ਹੈ। ਇਸ ਦਿਨ ਮੇਰੀ ਜਿੰਦਗੀ ਸਚਮੁੱਚ ਹੀ ਬਦਲ ਗਈ। ਮੈਂ ਇਸ ਦਿਨ ਨੂੰ ਕਦੇ ਭੁੱਲ ਨਹੀਂ ਪਾਵਾਂਗਾ। ਮੇਰਾ ਹਵਾਈ ਜਹਾਜ ਟਕਰਾ ਗਿਆ। ਮੈਨੂੰ ਪੂਰੀ ਤਰ੍ਹਾਂ ਅਧਰੰਗ ਦੀ ਹਾਲਤ ਚ ਹਸਪਤਾਲ ਪਹੁੰਚਾਇਆ ਗਿਆ। ਮੇਰੀ ਰੀੜ੍ਹ ਦੀ ਹੱਡੀ ਚੂਰਾ-ਚੂਰ ਹੋ ਗਈ ਸੀ, ਮੇਰੀ ਪਹਿਲੀ ਤੇ ਦੂਜੀ ਸਰਵਾਇਕਲ ਵਰਟੀਬ੍ਰਾ ਟੁੱਟ ਗਈ ਸੀ, ਮੇਰੀ ਨਿਗਲਣ ਦੀ ਸਮਰੱਧਾ ਖਤਮ ਹੋ ਗਈ ਸੀ, ਮੈਂ ਖਾ ਪੀ ਵੀ ਨਹੀਂ ਸਕਦਾ ਸੀ, ਮੇਰੀ ਝਿੱਲੀ ਜਾਂ ਡਾਇਫ੍ਰਾਮ ਨਸ਼ਟ ਹੋ ਗਈ ਸੀ, ਮੈਂ ਸਾਹ ਨਹੀਂ ਲੈ ਸਕਦਾ ਸੀ। ਜਾਹਿਰ ਹੈ, ਡਾਕਟਰਾਂ ਨੇ ਮੇਰੀ ਹਾਲਤ ਦੇਖ ਕੇ ਕਿਹਾ ਕਿ ਮੈਂ ਜਿੰਦਗੀ ਭਰ ਅਪੰਗ ਹੀ ਰਹਾਂਗਾ, ਬਸ ਆਪਣੀਆਂ ਪਲਕਾਂ ਹੀ ਝਪਕਾਵਾਂਗਾ। ਉਨ੍ਹਾਂ ਨੇ ਮੇਰੇ ਬਾਰੇ ਇਹੀ ਤਸਵੀਰ ਦੇਖੀ, ਲੇਕਿਨ ਉਨ੍ਹਾਂ ਦੇ ਸੋਚਣ ਨਾਲ ਕੋਈ ਫਰਕ ਨਹੀਂ ਪੈਣਾ ਸੀ। ਮਹੱਤਵਪੂਰਨ ਗੱਲ ਤਾਂ ਇਹ ਹੈ ਕਿ ਮੈਂ ਕੀ ਸੋਚਦਾ ਸੀ। ਮੈਂ ਦੁਬਾਰਾ ਆਮ ਹੋਣ ਦੀ ਤਸਵੀਰ ਦੇਖੀ, ਲੇਕਿਨ ਉਨ੍ਹਾਂ ਦੇ ਸੋਚਣ ਨਾਲ ਕੋਈ ਫਰਕ ਨਹੀਂ ਪੈਣਾ ਸੀ। ਮਹੱਤਵਪੂਰਨ ਗੱਲ ਤਾਂ ਇਹ ਹੈ ਕਿ ਮੈਂ ਕੀ ਸੋਚਦਾ ਸੀ। ਮੈਂ ਦੁਬਾਰਾ ਆਮ ਹੋਣ ਦੀ ਤਸਵੀਰ ਦੇਖੀ, ਜਿਸ ਚ ਮੈਂ ਆਪਣੇ ਪੈਰਾਂ ਤੇ ਚੱਲਕੇ ਹਸਪਤਾਲ ਤੋਂ ਬਾਹਰ ਜਾ ਰਿਹਾ ਸੀ।

ਹਸਪਤਾਲ ਦੇ ਅੰਦਰ ਮੈਂ ਸਿਰਫ ਆਪਣੇ ਦਿਮਾਗ ਤੇ ਕੰਮ ਕਰ ਸਕਦਾ ਸੀ, ਲੇਕਿਨ ਜੇਕਰ ਤੁਹਾਡਾ ਦਿਮਾਗ ਸਹੀ ਕੰਮ ਕਰ ਰਿਹਾ ਹੈ, ਤਾਂ ਤੁਸੀਂ ਉਸ ਨੂੰ ਦੁਬਾਰਾ ਸਹੀ ਕਰ ਸਕਦੇ ਹੋ।