ਹੋ ਸਕਦਾ ਹੈ ਤੁਸੀਂ ਇਹੋ ਜਿਹੀ ਚੀਜਾਂ ਦੀ ਰਚਨਾ ਕੀਤੀ ਹੋਵੇ, ਜਿਹੜੀਆਂ ਅਦਭੁੱਤ ਹੋਣ ਤੇ ਤੁਹਾਡੇ ਕਾਬਲ। ਜਾਂ ਫਿਰ ਹੋ ਸਕਦਾ ਹੈ ਕਿ ਤੁਸੀਂ ਇਸ ਤਰ੍ਹਾਂ ਨਹੀਂ ਕੀਤਾ ਹੋਵੇ। ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਇਸ ਸਵਾਲ ਤੇ ਵਿਚਾਰ ਕਰੋ, “ਤੁਹਾਨੂੰ ਆਪਣੇ ਜੀਵਨ ਚ ਚੰਗੇ ਨਤੀਜੇ ਮਿਲ ਰਹੇ ਹਨ, ਕੀ ਤੁਸੀਂ ਉਨ੍ਹਾਂ ਨੂੰ ਸਚਮੁੱਚ ਚਾਹੁੰਦੇ ਹੋ? ਤੇ ਕੀ ਉਹ ਸਚਮੁੱਚ ਤੁਹਾਡੇ ਕਾਬਲ ਹਨ?” ਜੇਕਰ ਉਹ ਤੁਹਾਡੇ ਕਾਬਲ ਨਹੀਂ ਹਨ, ਤਾਂ ਫਿਰ ਕੀ ਇਹੀ ਉਨ੍ਹਾਂ ਨੂੰ ਬਦਲਣ ਦਾ ਸਹੀ ਸਮਾਂ ਨਹੀਂ ਹੈ? ਕਿਉਂਕਿ ਤੁਹਾਡੇ 'ਚ ਇੰਝ ਕਰਣ ਦੀ ਸ਼ਕਤੀ ਹੈ।

"ਸਾਰੀ ਸ਼ਕਤੀ ਅੰਦਰੋਂ ਆਉਂਦੀ ਹੈ, ਇਸਲਈ ਸਾਡੇ ਕਾਬੂ 'ਚ ਹੈ।"

ਰਾੱਬਰਟ ਕਾੱਲੀਅਰ

ਤੁਸੀਂ ਆਪਣਾ ਅਤੀਤ ਨਹੀਂ ਹੋ

ਜੈਕ ਕੈਨਫ਼ੀਲਡ

ਬਹੁਤੇ ਲੋਕ ਆਪਣੇ-ਆਪ ਨੂੰ ਜੀਵਨ ਦਾ ਸ਼ਿਕਾਰ ਮੰਨਦੇ ਹਨ। ਉਹ ਅਕਸਰ ਅਤੀਤ ਦੀਆਂ ਘਟਨਾਵਾਂ ਨੂੰ ਦੋਸ਼ ਦਿੰਦੇ ਰਹਿੰਦੇ ਹਨ। ਹੋ ਸਕਦਾ ਹੈ, ਉਹ ਕਹਿਣ, ਕਿ ਉਨ੍ਹਾਂ ਨੂੰ ਬਦਸਲੂਕ ਮਾਂ-ਪਿਓ ਜਾਂ ਵਿਘਟਨਾਕਾਰੀ ਪਰਿਵਾਰ 'ਚ ਵੱਡਾ ਹੋਣਾ ਪਿਆ। ਜਿਆਦਾਤਰ ਮਨੋਵਿਗਿਆਨੀ ਮੰਨਦੇ ਹਨ ਕਿ ਲਗਭਗ 85 ਫੀਸਦੀ ਪਰਿਵਾਰ ਵਿਘਟਨਕਾਰੀ ਹੁੰਦੇ ਹਨ, ਇਸਲਈ ਅਚਾਨਕ ਤੁਹਾਨੂੰ ਇਹ ਅਹਿਸਾਸ ਹੁੰਦਾ ਹੈ ਕਿ ਤੁਸੀਂ ਇੰਨੇ ਅਨੂਠੇ ਨਹੀਂ ਹੋ।

ਮੇਰੇ ਮਾਂ-ਪਿਓ ਸ਼ਰਾਬੀ ਸਨ। ਮੇਰੇ ਪਿਤਾ ਮੈਨੂੰ ਕੁੱਟਦੇ ਸਨ। ਜਦੋਂ ਮੈਂ ਛਿਅ ਸਾਲ ਦਾ ਸੀ, ਤਾਂ ਮੇਰੀ ਮਾਂ ਨੇ ਉਨ੍ਹਾਂ ਨੂੰ ਤਲਾਕ ਦੇ ਦਿੱਤਾ.... ਮੇਰਾ ਮਤਲਬ ਹੈ, ਇਹ ਕਿਸੇ ਨਾ ਕਿਸੇ ਤੌਰ ਤੇ ਹਰ ਵਿਅਕਤੀ ਦੀ ਕਹਾਣੀ ਹੈ। ਅਸਲ ਸਵਾਲ ਇਹ ਹੈ, ਹੁਣ ਤੁਸੀਂ ਕੀ ਕਰਣ ਵਾਲੇ ਹੋ? ਹੁਣ ਤੁਸੀਂ ਕੀ ਚੁਣਨ ਵਾਲੇ ਹੋ? ਕਿਉਂਕਿ ਜਾਂ ਤਾਂ ਤੁਸੀਂ ਅਨਚਾਹੀ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰ ਸਕਦੇ ਹੋ ਜਾਂ ਫਿਰ ਤੁਸੀਂ ਮਨਚਾਹੀ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰ ਸਕਦੇ ਹੋ। ਅਤੇ ਜਦੋਂ ਲੋਕ ਮਨਚਾਹੀ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰਦੇ