ਹਨ, ਤਾਂ ਅਨਚਾਹੀ ਚੀਜ਼ਾਂ ਗਾਇਬ ਹੋਣ ਲਗਦੀਆਂ ਹਨ ਤੇ ਮਨਚਾਹੀ ਚੀਜਾਂ ਵਧਣ। ਇਕ ਸਮਾਂ ਇਹੋ ਜਿਹਾ ਆਉਂਦਾ ਹੈ, ਜਦੋਂ ਅਨਚਾਹਾ ਹਿੱਸਾ ਬਿਲਕੁਲ ਗਾਇਬ ਹੋ ਜਾਂਦੇ ਹਨ।

"ਜਿਹੜਾ ਵਿਅਕਤੀ ਆਪਣੇ ਮਸਤਿਸ਼ਕ ਨੂੰ ਜੀਵਨ ਦੇ ਕਾਲੇ ਪਹਿਲੂ 'ਤੇ ਕੇਂਦ੍ਰਿਤ ਰੱਖਦਾ ਹੈ, ਉਹ ਅਤੀਤ ਦੇ ਦੁਰਭਾਗਾਂ ਤੇ ਨਿਰਾਸ਼ਾਵਾਂ ਨੂੰ ਵਾਰ-ਵਾਰ ਭੋਗਦਾ ਹੈ। ਇਹੀ ਨਹੀਂ, ਉਹ ਇਕ ਤਰ੍ਹਾਂ ਨਾਲ ਭਵਿੱਖ 'ਚ ਉਂਝ ਦੇ ਹੀ ਬਦਕਿਸਮਤੀ ਤੇ ਨਿਰਾਸ਼ਾਵਾਂ ਲਈ ਪ੍ਰਾਰਥਨਾ ਕਰਦਾ ਹੈ। ਜੇਕਰ ਤੁਹਾਨੂੰ ਭਵਿੱਖ 'ਚ ਬਦਕਿਸਮਤੀ ਦੇ ਸਿਵਾ ਕੁਝ ਨਹੀਂ ਦਿਖਦਾ, ਤਾਂ ਤੁਸੀਂ ਇਸੇ ਲਈ ਪ੍ਰਾਰਥਨਾ ਕਰ ਰਹੇ ਹੋ ਤੇ ਨਿਸ਼ਚਿਤ ਤੌਰ ਤੇ ਤੁਹਾਨੂੰ ਬਦਕਿਸਮਤੀ ਹੀ ਮਿਲੇਗੀ।"

ਪ੍ਰੇਂਟਿਸ ਮਲਫ਼ੋਰਡ

ਜੇਕਰ ਤੁਸੀਂ ਆਪਣੇ ਅਤੀਤ ਦੀਆਂ ਮੁਸ਼ਕਿਲਾਂ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਤਾਂ ਤੁਸੀਂ ਵਰਤਮਾਨ 'ਚ ਆਪਣੇ ਲਈ ਜਿਆਦਾ ਮੁਸ਼ਕਿਲ ਹਾਲਾਤ ਉਤਪੰਨ ਕਰ ਰਹੇ ਹੋ। ਇਸ ਨੂੰ ਛੱਡ ਦਿਓ, ਚਾਹੇ ਇਹ ਜਿਹੜਾ ਕੁੱਝ ਵੀ ਹੋਵੇ। ਇਸ 'ਚ ਤੁਹਾਡਾ ਹੀ ਫ਼ਾਇਦਾ ਹੈ। ਜੇਕਰ ਤੁਸੀਂ ਕਿਸੇ ਨਾਲ ਕਸਕ ਜਾਂ ਕਰਿੱਝ ਰੱਖਦੇ ਹੋ ਜਾਂ ਕਿਸੇ ਪੁਰਾਣੀ ਘਟਨਾ ਲਈ ਕਿਸੇ ਨੂੰ ਦੋਸ਼ ਦਿੰਦੇ ਹੋ, ਤਾਂ ਤੁਸੀਂ ਸਿਰਫ ਆਪਣਾ ਨੁਕਸਾਨ ਕਰ ਰਹੇ ਹੋ। ਤੁਸੀਂ ਇਕੱਲੇ ਹੀ ਵਿਅਕਤੀ ਹੋ, ਜਿਹੜਾ ਉਸ ਜੀਵਨ ਦਾ ਨਿਰਮਾਣ ਕਰ ਸਕਦਾ ਹੈ, ਜਿਸਦੇ ਤੁਸੀਂ ਹਕਦਾਰ ਹੋ। ਜਦੋਂ ਤੁਸੀਂ ਸੁਚੇਤਨ ਤੌਰ ਤੇ ਆਪਣੀ ਮਨਚਾਹੀ ਚੀਜਾਂ 'ਤੇ ਧਿਆਨ ਕਰਦੇ ਹੋ, ਜਦੋਂ ਤੁਸੀਂ ਚੰਗੀਆਂ ਭਾਵਨਾਵਾਂ ਭੇਜਣਾ ਸ਼ੁਰੂ ਕਰਦੇ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਪ੍ਰਤਿਕਿਰਿਆ ਕਰੇਗਾ। ਤੁਹਾਨੂੰ ਤਾਂ ਬਸ ਸ਼ੁਰੂ ਕਰਣਾ ਹੈ ਤੇ ਇੰਝ ਕਰਦੇ ਹੀ ਜਾਦੂ ਦੀ ਸੋਟੀ ਘੁੰਮ ਜਾਵੇਗੀ।

 

ਲੀਸਾ ਨਿਕੋਲਸ

ਤੁਸੀਂ ਆਪਣੀ ਤਕਦੀਰ ਦੇ ਨਿਰਮਾਤਾ ਹੋ। ਤੁਸੀਂ ਲਿਖਾਰੀ ਹੋ ਤੇ ਆਪਣੀ ਕਹਾਣੀ ਆਪੇ ਲਿਖਦੇ ਹੋ। ਕਲਮ ਤੁਹਾਡੇ ਹੱਥ 'ਚ ਹੈ ਤੇ ਨਤੀਜਾ ਉਹੀ ਹੈ, ਜਿਸਨੂੰ ਤੁਸੀਂ ਚੁਣਦੇ ਹੋ।