ਜੋ ਚਾਹੇ ਕਰ ਸਕਦੇ ਹੋ। ਤੁਸੀਂ ਜੀਨੀਅਸ ਹੋ। ਇਸਲਈ ਆਪਣੇ-ਆਪ ਨੂੰ ਇਹ ਦੱਸਣਾ ਸ਼ੁਰੂ ਕਰੋ ਤੇ ਤੁਸੀਂ ਸਚਮੁੱਚ ਜੋ ਹੋ, ਉਸਦੇ ਪ੍ਰਤੀ ਸੁਚੇਤ ਬਣੋ।

 

ਮਾਇਕਲ ਬਰਨਾਰਡ ਬੇਕਵਿਥ

ਕੀ ਇਸਦੀ ਕੋਈ ਸੀਮਾ ਹੈ? ਬਿਲਕੁਲ ਨਹੀਂ। ਅਸੀਂ ਅਸੀਮਤ ਜੀਵ ਹਾਂ। ਸਾਡੇ ਉੱਤੇ ਕੋਈ ਛਤ ਨਹੀਂ ਹੈ। ਇਸ ਧਰਤੀ ਦੇ ਹਰ ਵਿਅਕਤੀ ਦੀ ਅੰਦਰਲੀ ਸਮਰਥਾ, ਯੋਗਤਾਵਾਂ, ਕਾਬਲੀਅਤ ਤੇ ਸ਼ਕਤੀਆਂ ਅਸੀਮਤ ਹਨ।"

 

ਆਪਣੇ ਵਿਚਾਰਾਂ ਬਾਰੇ ਸੁਚੇਤ ਬਣੋ

ਤੁਹਾਡੀ ਸਾਰੀ ਸ਼ਕਤੀ ਉਸ ਸ਼ਕਤੀ ਬਾਰੇ ਵਾਕਫ ਰਹਿਣ ਤੇ ਉਸ ਸ਼ਕਤੀ ਨੂੰ ਆਪਣੀ ਚੇਤਨਾ 'ਚ ਰਖਣ ਵਿਚ ਹੈ।

ਤੁਹਾਡਾ ਮਸਤਿਸਕ ਸਟੀਮ ਟ੍ਰੇਨ ਵਰਗਾ ਬਣ ਸਕਦਾ ਹੈ, ਬਸ਼ਰਤੇ ਤੁਸੀਂ ਉਸ ਨੂੰ ਬਣਨ ਦਿਓ। ਇਹ ਤੁਹਾਨੂੰ ਅਤੀਤ ਦੇ ਵਿਚਾਰਾਂ ਤੋਂ ਦੂਰ ਲੈ ਜਾ ਸਕਦਾ ਹੈ। ਫਿਰ ਇਹ ਅਤੀਤ ਦੀਆਂ ਮਾੜੀਆਂ ਘਟਨਾਵਾਂ ਨੂੰ ਭਵਿਖ 'ਚ ਪ੍ਰੋਜੈਕਟ ਕਰ ਤੁਹਾਨੂੰ ਭਵਿੱਖ ਦੇ ਵਿਚਾਰਾਂ ਵਲ ਲੈ ਜਾਂਦਾ ਹੈ। ਇਹ ਬੇਕਾਬੂ ਵਿਚਾਰ ਵੀ ਨਿਰਮਾਣ ਕਰ ਰਹੇ ਹਨ। ਜਦੋਂ ਤੁਸੀਂ ਵਾਕਫ ਬਣ ਜਾਂਦੇ ਹੋ, ਤਾਂ ਤੁਸੀਂ ਵਰਤਮਾਨ 'ਚ ਰਹਿੰਦੇ ਹੋ। ਤੇ ਜਾਣਦੇ ਹੋ ਕਿ ਤੁਸੀਂ ਕੀ ਸੋਚ ਰਹੇ ਹੋ। ਤੁਸੀਂ ਆਪਣੇ ਵਿਚਾਰਾਂ 'ਤੇ ਕੰਟਰੋਲ ਹਾਸਿਲ ਕਰ ਲਿਆ ਹੈ ਤੇ ਇੱਥੇ ਹੀ ਤੁਹਾਡੀ ਸਾਰੀ ਸ਼ਕਤੀ ਹੈ।

ਤੁਸੀਂ ਕਿਸ ਤਰ੍ਹਾਂ ਜਿਆਦਾ ਜਾਗਰੂਕ ਬਣਦੇ ਹੋ? ਇਹ ਤਰੀਕਾ ਇਹ ਹੈ ਕਿ ਤੁਸੀਂ ਠਹਿਰ ਕੇ ਆਪਣੇ-ਆਪ ਨੂੰ ਪੁੱਛੋ, "ਮੈਂ ਇਸ ਵੇਲੇ ਕੀ ਸੋਚ ਰਿਹਾ ਹਾਂ? ਮੈਂ ਇਸ ਸਮੇਂ ਕੀ ਮਹਿਸੂਸ ਕਰ ਰਿਹਾ ਹਾਂ? ਜਿਸ ਪਲ ਤੁਸੀਂ ਆਪਣੇ-ਆਪ ਨੂੰ ਇਹ ਪੁੱਛਦੇ ਹੋ, ਤੁਸੀਂ ਜਾਗਰੂਕ ਹੋ, ਕਿਉਂਕਿ ਤੁਸੀਂ ਆਪਣੇ ਮਸਤਿਸ਼ਕ ਨੂੰ ਵਰਤਮਾਨ ਪਲ 'ਤੇ ਲੈ ਆਏ ਹੋ।