ਖੋਲ੍ਹ ਲਓ। ਜਿਹੜਾ ਸਫ਼ਾ ਖੁਲ੍ਹੇਗਾ, ਤੁਹਾਨੂੰ ਉਥੋਂ ਹੀ ਉਹ ਮਾਰਗਦਰਸ਼ਨ ਤੇ ਜਵਾਬ ਮਿਲ ਜਾਵੇਗਾ, ਜਿਸਦੀ ਤੁਹਾਨੂੰ ਤਲਾਸ਼ ਹੈ।
ਸੱਚਾਈ ਤਾਂ ਇਹ ਹੈ ਕਿ ਬ੍ਰਹਿਮੰਡ ਤੁਹਾਨੂੰ ਜੀਵਨ ਦੇ ਸਾਰੇ ਜਵਾਬ ਦੇ ਰਿਹਾ ਹੈ, ਲੇਕਿਨ ਤੁਸੀਂ ਜਵਾਬ ਉਦੋਂ ਤਕ ਨਹੀਂ ਪਾ ਸਕਦੇ, ਜਦੋਂ ਤੱਕ ਕਿ ਤੁਸੀਂ ਜਾਗਰੂਕ ਨਾ ਬਣ ਜਾਓ। ਆਪਣੇ ਆਲੇ-ਦੁਆਲੇ ਦੀ ਹਰ ਚੀਜ ਬਾਰੇ ਜਾਗਰੂਕ ਬਣੋ, ਕਿਉਂਕਿ ਹਰ ਦਿਨ, ਹਰ ਪਲ ਤੁਹਾਨੂੰ ਆਪਣੇ ਸਵਾਲਾਂ ਦੇ ਜਵਾਬ ਮਿਲ ਰਹੇ ਹਨ। ਇਹ ਜਵਾਬ ਜਿਹੜੇ ਰਾਸਤੇ ਤੋਂ ਆਉਂਦੇ ਹਨ, ਉਹ ਅਸੀਮਤ ਹਨ। ਉਹ ਅਖਬਾਰ 'ਚ ਬਤੌਰ ਸੁਰਖੀਆਂ ਆ ਸਕਦੇ ਹਨ, ਜਿਹੜੀਆਂ ਤੁਹਾਡਾ ਧਿਆਨ ਆਕਰਸ਼ਿਤ ਕਰਦੀਆਂ ਹਨ। ਜਾਂ ਤੁਸੀਂ ਇੰਝ ਹੀ ਕਿਸੇ ਦੀ ਗਲ ਸੁਣ ਸਕਦੇ ਹੋ ਜਾਂ ਰੇਡੀਓ 'ਤੇ ਕੋਈ ਗਾਣਾ ਸੁਣ ਸਕਦੇ ਹੋ। ਇਹ ਵੀ ਹੋ ਸਕਦਾ ਹੈ ਕਿ ਇਹ ਨੇੜਿਓਂ ਗੁਜਰਦੇ ਟਰੱਕ ਦੇ ਪਿੱਛੇ ਲਿਖੀ ਇਬਾਰਤ ਹੋ ਜਾਂ ਅਚਾਨਕ ਹੀ ਤੁਹਾਡੇ ਮਨ 'ਚ ਕੋਈ ਪ੍ਰੇਰਣਾ ਲਿਸ਼ਕਾਰਾ ਮਾਰੇ। ਯਾਦ ਰੱਖਣ ਨੂੰ ਯਾਦ ਰੱਖੋ ਤੇ ਵਾਕਫ ਬਣੋ!
ਮੈਂ ਆਪਣੇ ਤੇ ਦੂਜਿਆਂ ਦੇ ਜੀਵਨ 'ਚ ਪਾਇਆ ਹੈ ਕਿ ਅਸੀਂ ਆਪਣੇ ਬਾਰੇ ਪੂਰੀ ਤਰ੍ਹਾਂ ਨਾਲ ਚੰਗਾ ਨਹੀਂ ਸੋਚਦੇ ਜਾਂ ਆਪਣੇ-ਆਪ ਨੂੰ ਪੂਰੀ ਤਰ੍ਹਾਂ ਨਾਲ ਪ੍ਰੇਮ ਨਹੀਂ ਕਰਦੇ। ਜਦੋਂ ਅਸੀਂ ਆਪਣੇ-ਆਪ ਨੂੰ ਪ੍ਰੇਮ ਨਹੀਂ ਕਰਦੇ, ਤਾਂ ਅਸੀਂ ਦਰਅਸਲ ਆਪਣੀ ਮਨਚਾਹੀ ਚੀਜਾਂ ਨੂੰ ਆਪਣੇ ਤੋਂ ਦੂਰ ਕਰੀ ਜਾ ਰਹੇ ਹਾਂ।
ਅਸੀਂ ਚਾਹੇ ਜੋ ਚਾਹੁੰਦੇ ਹਾਂ, ਉਹ ਪ੍ਰੇਮ ਨਾਲ ਪ੍ਰੇਰਿਤ ਹੈ। ਇਹ ਉਨ੍ਹਾਂ ਚੀਜਾਂ ਪ੍ਰਤਿ ਪ੍ਰੇਮ ਦੀਆਂ ਭਾਵਨਾਵਾਂ ਮਹਿਸੂਸ ਕਰਣਾ ਹੈ - ਜੁਆਨੀ, ਧਨ, ਆਦਰਸ਼ ਵਿਅਕਤੀ, ਨੌਕਰੀ, ਸਰੀਰ ਜਾਂ ਸਿਹਤ। ਜਿਹੜੀਆਂ ਚੀਜ਼ਾਂ ਨਾਲ ਅਸੀਂ ਪ੍ਰੇਮ ਕਰਦੇ ਹਾਂ, ਉਨ੍ਹਾਂ ਨੂੰ ਆਕਰਸ਼ਿਤ ਕਰਣ ਲਈ ਸਾਨੂੰ ਪ੍ਰੇਮ ਭੇਜਣਾ ਹੋਵੇਗਾ, ਉਹ ਚੀਜ਼ਾਂ ਤੁਰੰਤ ਪ੍ਰਗਟ ਹੋ ਜਾਣਗੀਆਂ।
ਕੈਚ ਜਾਂ ਪਕੜ ਇਹ ਹੈ ਕਿ ਪ੍ਰੇਮ ਦੀ ਉੱਚਤਮ ਫ੍ਰੀਕਊਂਸੀ ਭੇਜਣ ਲਈ ਤੁਹਾਨੂੰ ਆਪਣੇ-ਆਪ ਨਾਲ ਪ੍ਰੇਮ ਕਰਣਾ ਹੋਵੇਗਾ ਤੇ ਇਹ ਕਈ ਲੋਕਾਂ ਲਈ ਮੁਸ਼ਕਿਲ ਹੋ ਸਕਦਾ ਹੈ। ਜੇਕਰ ਤੁਸੀਂ ਬਾਹਰ ਧਿਆਨ ਕੇਂਦ੍ਰਿਤ ਕਰਦੇ ਹੋ ਤੇ ਦੇਖਣ ਵਾਲੀਆਂ ਚੀਜ਼ਾਂ ਤੋਂ ਘਬਰਾ ਜਾਂਦੇ ਹੋ, ਤਾਂ ਇੰਝ ਇਸਲਈ ਹੈ ਕਿਉਂਕਿ ਤੁਸੀਂ ਆਪਣੇ ਬਾਰੇ ਇਸ ਵੇਲੇ ਜੋ ਦੇਖਦੇ ਤੇ ਮਹਿਸੂਸ ਕਰਦੇ ਹੋ, ਉਹ ਤੁਹਾਡੇ ਅਤੀਤ ਦੇ ਵਿਚਾਰਾਂ ਦਾ ਨਤੀਜਾ ਹੈ। ਜੇਕਰ ਤੁਸੀਂ ਆਪਣੇ-ਆਪ ਨੂੰ ਪ੍ਰੇਮ ਨਹੀਂ ਕਰਦੇ, ਤਾਂ ਇਸ ਗੱਲ ਦੀ ਸੰਭਾਵਨਾ ਹੈ ਕਿ ਤੁਹਾਡਾ ਵਰਤਮਾਨ ਸਰੂਪ ਤਰੁਟੀਪੂਰਨ ਹੋਵੇਗਾ।
