ਤੁਹਾਡੇ ਕੋਲ ਆਪਣੇ ਜੀਵਨ ਦੇ ਬਲੈਕਬੋਰਡ ਨੂੰ ਆਪਣੀ ਮਨਚਾਹੀ ਚੀਜਾਂ ਨਾਲ ਭਰਨ ਦਾ ਮੌਕਾ ਹੁੰਦਾ ਹੈ। ਜੇਕਰ ਤੁਸੀਂ ਇਸ 'ਚ ਪਹਿਲਾਂ ਹੀ ਕੂੜਾ ਕਰ ਦਿੱਤਾ ਹੈ, ਤਾਂ ਉਸ ਨੂੰ ਸਾਫ ਕਰ ਦਿਓ। ਅਤੀਤ ਦੀ ਹਰ ਉਸ ਚੀਜ ਨੂੰ ਮਿਟਾ ਦਿਓ, ਜਿਹੜੀ ਤੁਹਾਡਾ ਭਲਾ ਨਹੀਂ ਕਰਦੀ ਹੈ ਤੇ ਕਿਰਤਗ ਬਣੋ ਕਿ ਉਹ ਤੁਹਾਨੂੰ ਇਸ ਜਗ੍ਹਾ ਤਕ ਤੇ ਇਕ ਨਵੀਂ ਸ਼ੁਰੂਆਤ ਤੱਕ ਲਿਆਈ ਹੈ। ਤੁਹਾਡੇ ਕੋਲ ਇਕ ਸਾਫ ਸਲੇਟ ਹੈ ਤੇ ਤੁਸੀਂ ਹੁਣ ਦੁਬਾਰਾ ਸ਼ੁਰੂ ਕਰ ਸਕਦੇ ਹੋ - ਇੱਥੇ ਹੀ, ਇਸੇ ਵੇਲੇ। ਆਪਣੀ ਖੁਸ਼ੀ ਖੋਜੋ ਤੇ ਉਸ ਨੂੰ ਜੀਓ!
ਜੈਕ ਕੈਨਫ਼ੀਲਡ
ਇਹ ਸਬਕ ਸਮਝਣ 'ਚ ਮੈਨੂੰ ਕਈ ਸਾਲ ਲੱਗ ਗਏ, ਕਿਉਂਕਿ ਮੈਂ ਬਹੁਤ ਹੱਦ ਤਕ ਇਸ ਵਿਚਾਰ ਨਾਲ ਵੱਡਾ ਹੋਇਆ ਸੀ ਕਿ ਮੈਨੂੰ ਕੋਈ ਕੰਮ ਕਰਣਾ ਚਾਹੀਦਾ ਹੈ ਤੇ ਜੇਕਰ ਮੈਂ ਉਸ ਨੂੰ ਨਹੀਂ ਕਰ ਰਿਹਾ ਹਾਂ, ਤਾਂ ਈਸ਼ਵਰ ਮੇਰੇ ਤੋਂ ਖੁਸ਼ ਨਹੀਂ ਹੋਣਗੇ।
ਜਦੋਂ ਮੈਂ ਸਚਮੁੱਚ ਸਮਝ ਗਿਆ ਕਿ ਮੇਰਾ ਪਹਿਲਾ ਟੀਚਾ ਖੁਸ਼ੀ ਮਹਿਸੂਸ ਕਰਣਾ ਹੈ, ਤਾਂ ਮੈਂ ਸਿਰਫ਼ ਉਹੀ ਕੰਮ ਕਰਣ ਲੱਗਾ, ਜਿਸ ਨਾਲ ਮੈਨੂੰ ਖੁਸ਼ੀ ਮਿਲਦੀ ਸੀ। ਮੇਰਾ ਪਸੰਦੀਦਾ ਵਾਕ ਹੈ: "ਜੇਕਰ ਇਸ 'ਚ ਮਜਾ ਨਹੀਂ ਆਉਂਦਾ ਹੈ, ਤਾਂ ਇਸ ਨੂੰ ਨਾ ਕਰੇ!"
ਨੀਲ ਡੋਨਾਲਡ ਵੈਲਸ਼
ਖੁਸ਼ੀ, ਪ੍ਰੇਮ, ਸੁਤੰਤਰਤਾ, ਆਨੰਦ, ਹਾਸਾ। ਇਹੀ ਤਾਂ ਅਸਲ ਗੱਲ ਹੈ। ਜੇਕਰ ਤੁਹਾਨੂੰ ਇਕ ਘੰਟੇ ਬੈਠ ਕੇ ਸਾਧਨਾ ਕਰਣ `ਚ ਅਨੰਦ ਮਿਲਦਾ ਹੈ, ਤਾਂ ਉਂਝ ਕਰੋ। ਜੇਕਰ ਤੁਹਾਨੂੰ ਸੈਂਡਵਿਚ ਖਾਣ 'ਚ ਆਨੰਦ ਮਿਲਦਾ ਹੈ, ਤਾਂ ਉਂਝ ਕਰੋ।
ਜੈਕ ਕੈਨਫੀਲਡ
ਆਪਣੀ ਬਿੱਲੀ ਨੂੰ ਥਪਥਪਾਉਣ ਸਮੇਂ ਮੈਂ ਆਨੰਦ ਦੀ ਅਵਸਥਾ 'ਚ ਹੁੰਦਾ ਹਾਂ। ਪ੍ਰਾਕਿਰਤਕ ਮਾਹੌਲ 'ਚ ਪੈਦਲ ਚਲਣ ਵੇਲੇ ਮੈਂ ਆਨੰਦ ਦੀ ਅਵਸਥਾ 'ਚ ਹੁੰਦਾ ਹਾਂ। ਇਸਲਈ ਮੈਂ ਆਪਣੇ-ਆਪ ਨੂੰ ਲਗਾਤਾਰ ਉਸ ਅਵਸਥਾ 'ਚ ਰੱਖਣਾ ਚਾਹੁੰਦਾ ਹਾਂ। ਇੰਝ ਕਰਣ ਲਈ ਮੈਨੂੰ ਬਸ ਆਪਣੀ ਮਨਚਾਰੀ ਚੀਜ਼ ਦਾ ਇਰਾਦਾ ਰੱਖਣਾ ਹੁੰਦਾ ਹੈ। ਇਸ ਤੋਂ ਬਾਅਦ ਮੇਰੀ ਮਨਚਾਹੀ ਚੀਜ਼ ਆਪੇ ਪ੍ਰਗਟ ਹੋ ਜਾਂਦੀ ਹੈ।
