ਮਾੱਰਿਸ ਗੁਡਮੈਨ

ਫਿਰ ਤੁਸੀਂ ਉਹੀ ਵੀ ਕਰ ਸਕਦੇ ਹੋ, ਬਣ ਸਕਦੇ ਹੋ ਤੇ ਪਾ ਸਕਦੇ ਹੋ, ਜਿਸ ਬਾਰੇ ਲੋਕੀ ਕਦੇ ਕਿਹਾ ਕਰਦੇ ਸਨ ਕਿ ਇਹ ਹੋਣਾ ਅਸੰਭਵ ਹੈ।

 

ਡਾੱ. ਫ੍ਰੇਡ ਏਲਨ ਵੋਲਫ਼

ਸੱਚ ਤਾਂ ਇਹ ਹੈ ਕਿ ਅਸੀਂ ਹੁਣ ਇਕ ਨਵੇਂ ਯੁਗ 'ਚ ਕਦਮ ਰੱਖ ਰਹੇ ਹਾਂ। ਇਹ ਉਹ ਯੁਗ ਹੈ, ਜਿੱਥੇ ਅਖੀਰਲੀ ਸੀਮਾ ਪੁਲਾੜ ਨਹੀਂ ਹੈ, ਜਿਵੇਂ "ਸਟਾਰ ਟ੍ਰੈਕ ਵਿਚ ਕਿਹਾ ਗਿਆ ਹੈ; ਇਹ ਤਾਂ ਮਸਤਿਸ਼ਕ ਹੈ।

 

ਡਾੱ. ਜਾੱਨ ਹੇਜਲਿਨ

ਮੈਂ ਅਸੀਮਤ ਸਮਰਥਾ, ਅਸੀਮਤ ਸੰਭਾਵਨਾਵਾਂ ਦਾ ਭਵਿਖ ਦੇਖਦਾ ਹਾਂ। ਯਾਦ ਰੱਖੋ, ਅਸੀ ਮਸਤਿਸ਼ਕ ਦੀ ਵੱਧ ਤੋਂ ਵੱਧ ੫ ਫੀਸਦੀ ਸਮਰਥਾ ਦਾ ਪ੍ਰਯੋਗ ਕਰ ਰਹੇ ਹਾਂ। ਸੌ ਫੀਸਦੀ ਮਾਨਵੀ ਸਮਰਥਾ ਸਹੀ ਸਿੱਖਿਆ ਦਾ ਨਤੀਜਾ ਹੈ। ਇਸਲਈ ਇਕ ਇਹੋ ਜਿਹੇ ਵਿਸ਼ਵ ਦੀ ਕਲਪਨਾ ਕਰੋ, ਜਿੱਥੇ ਲੋਕ ਆਪਣੀ ਸਾਰੀ ਮਾਨਸਿਕ ਤੇ ਭਾਵਨਾਤਮਕ ਸਮਰਥਾ ਦਾ ਇਸਤੇਮਾਲ ਕਰ ਰਹੇ ਹੋਣ। ਅਸੀਂ ਕਿਤੇ ਵੀ ਜਾ ਸਕਦੇ ਹਾਂ। ਕੁੱਝ ਵੀ ਕਰ ਸਕਦੇ ਹਾਂ। ਕੁੱਝ ਵੀ ਪਾ ਸਕਦੇ ਹਾਂ।

ਇਸ ਸੋਹਣੇ ਗ੍ਰਹਿ 'ਤੇ ਸਾਡਾ ਸਮਾਂ ਇਤਿਹਾਸ ਦਾ ਸਭ ਤੋਂ ਰੁਮਾਂਚਕ ਕਾਲ ਹੈ। ਮਾਨਵੀ ਯਤਨ ਹਰ ਖੇਤਰ ਤੇ ਵਿਸ਼ੇ 'ਚ ਸਾਨੂੰ ਅਸੰਭਵ ਨੂੰ ਸੰਭਵ ਬਣਦਾ ਦੇਖ ਰਹੇ ਹਨ ਤੇ ਅਨੁਭਵ ਕਰ ਰਹੇ ਹਨ। ਜਦੋਂ ਅਸੀਂ ਸੀਮਾ ਦੇ ਸਾਰੇ ਵਿਚਾਰਾਂ ਨੂੰ ਬਾਹਰ ਕੱਢ ਦਿੰਦੇ ਹਾਂ ਤੇ ਇਹ ਜਾਣ ਲੈਂਦੇ ਹਾਂ ਕਿ ਅਸੀਂ ਅਸੀਮਤ ਹਾਂ, ਤਾਂ ਅਸੀਂ ਮਨੁੱਖਤਾ ਦੇ ਅਸੀਮ ਪਰਤਾਪ ਦਾ ਅਨੁਭਵ ਕਰਾਂਗੇ, ਜਿਹੜੀ ਖੇਡਾਂ, ਸਿਹਤ, ਕਲਾ, ਤਕਨੀਕੀ, ਵਿਗਿਆਨ ਤੇ ਰਚਨਾਤਮਕਤਾ ਦੇ ਖੇਤਰ 'ਚ ਵਿਅਕਤ ਹੋਵੇਗੀ।