ਆਪਣੇ ਪ੍ਰਤਾਪ ਨੂੰ ਗਲੇ ਲਾਓ

ਬਾੱਬ ਪ੍ਰਾੱਕਟਰ

ਆਪਣੇ-ਆਪ ਨੂੰ ਆਪਣੀ ਮਨਚਾਹੀ ਚੀਜ਼ ਨਾਲ ਦੇਖੋ। ਹਰ ਧਾਰਮਿਕ ਗ੍ਰੰਥ, ਹਰ ਮਹਾਨ ਦਾਰਸ਼ਨਿਕ ਪੁਸਤਕ, ਹਰ ਮਹਾਨ ਲੀਡਰ, ਇਤਿਹਾਸ ਦਾ ਹਰ ਅਵਤਾਰ ਸਾਨੂੰ ਇਹੀ ਗੱਲ ਦੱਸਦਾ ਹੈ। ਅਤੀਤ ਦੇ ਸਿਆਣੇ ਲੋਕਾਂ ਦਾ ਅਧਿਐਨ ਕਰੋ। ਉਨ੍ਹਾਂ 'ਚੋਂ ਕਈਆਂ ਦੀਆਂ ਗੱਲਾਂ ਇਸ ਪੁਸਤਕ 'ਚ ਤੁਹਾਨੂੰ ਦੱਸੀਆਂ ਗਈਆਂ ਹਨ। ਉਹ ਸਾਰੇ ਇਕ ਗੱਲ ਜਾਣਦੇ ਸੀ ਤੇ ਉਹ ਹੈ ਰਹੱਸ। ਹੁਣ ਤੁਸੀਂ ਵੀ ਰਹੱਸ ਜਾਣ ਚੁੱਕੇ ਹੋ। ਅਤੇ ਤੁਸੀਂ ਇਸਦਾ ਜਿੰਨਾ ਜਿਆਦਾ ਇਸਤੇਮਾਲ ਕਰੋਗੇ, ਉੱਨਾ ਹੀ ਜਿਆਦਾ ਸਮਝਦੇ ਜਾਵੋਗੇ।

ਰਹੱਸ ਤੁਹਾਡੇ ਅੰਦਰ ਹੈ। ਤੁਸੀਂ ਆਪਣੇ ਅੰਦਰ ਇਸਦੀ ਸ਼ਕਤੀ ਦਾ ਜਿੰਨਾ ਜ਼ਿਆਦਾ ਪ੍ਰਯੋਗ ਕਰੋਗੇ, ਇਸ ਨੂੰ ਆਪਣੇ ਵਲ ਉਂਨਾਂ ਹੀ ਜਿਆਦਾ ਖਿੱਚੋਗੇ। ਇਕ ਸਮਾਂ ਆਵੇਗਾ, ਜਦੋਂ ਤੁਸੀਂ ਉਸ ਨੁਕਤੇ 'ਤੇ ਪੁੱਜ ਜਾਵੋਗੇ ਜਿੱਥੇ ਤੁਹਾਨੂੰ ਅਭਿਆਸ ਕਰਣ ਦੀ ਲੋੜ ਹੀ ਨਹੀਂ ਹੋਵੇਗੀ, ਕਿਉਂਕਿ ਤੁਸੀਂ ਸ਼ਕਤੀ ਬਣ ਜਾਵੋਗੇ, ਆਦਰਸ਼ ਬਣ ਜਾਵੋਗੇ, ਬੁੱਧੀ ਬਣ ਜਾਵੋਗੇ, ਕਾਬਲ ਬਣ ਜਾਵੋਗੇ, ਪ੍ਰੇਮ ਤੇ ਅਨੰਦ ਬਣ ਜਾਓਗੇ।

 

ਲੀਸਾ ਨਿਕੋਲਸ

ਤੁਸੀਂ ਆਪਣੇ ਜੀਵਨ 'ਚ ਇਸ ਮੋੜ ਤਕ ਆ ਚੁੱਕੇ ਹੋ, ਸਿਰਫ ਇਸਲਈ ਕਿਉਂਕਿ ਤੁਹਾਡੇ ਅੰਦਰ ਕੋਈ ਚੀਜ਼ ਕਹਿੰਦੀ ਰਹੀ, ਤੁਹਾਨੂੰ ਖੁਸ਼ੀਆਂ ਪਾਉਣ ਦਾ ਹੱਕ ਹੈ।" ਤੁਸੀਂ ਦੁਨੀਆ ਨੂੰ ਕੁੱਝ ਦੇਣ, ਇਸਦੇ ਮਹੱਤਵ ਨੂੰ ਵਧਾਉਣ ਲਈ ਪੈਦਾ ਹੋਏ ਹੋ। ਤੁਸੀਂ ਕੱਲ੍ਹ ਜੋ ਸੀ, ਉਸ ਤੋਂ ਜਿਆਦਾ ਵੱਡੇ ਤੇ ਬੇਹਤਰ ਬਨਣ ਲਈ ਇੱਥੇ ਹੋ। ਹਰ ਪੁਰਾਣੀ ਘਟਨਾ, ਹਰ ਪੁਰਾਣਾ ਪਲ ਤੁਹਾਨੂੰ ਇਸ ਵਰਤਮਾਨ ਪਲ ਲਈ ਤਿਆਰ ਕਰ ਰਿਹਾ ਸੀ। ਕਲਪਨਾ ਕਰੋ ਕਿ ਤੁਹਾਡੇ ਕੋਲ ਹੁਣ ਜਿਹੜਾ ਗਿਆਨ ਆ ਚੁੱਕਿਆ ਹੈ, ਉਸ ਨਾਲ ਤੁਸੀਂ ਅੱਗੇ ਕੀ ਕਰ ਸਕਦੇ ਹੋ। ਹੁਣ ਤੁਸੀਂ ਜਾਣ ਚੁੱਕੇ ਹੋ ਕਿ ਤੁਸੀਂ ਆਪਣੀ ਤਕਦੀਰ ਆਪ ਬਣਾਉਂਦੇ ਹੋ। ਤਾਂ ਤੁਸੀਂ ਕਿੰਨਾ ਕੁੱਝ ਕਰ ਸਕਦੇ ਹੋ? ਤੁਸੀਂ ਕਿੰਨਾ ਕੁੱਝ ਬਣ ਸਕਦੇ ਹੋ? ਤੁਸੀਂ ਸਿਰਫ ਆਪਣੀ ਵਜੂਦ ਨਾਲ ਕਿੰਨੇ ਸਾਰੇ ਲੋਕਾਂ ਨੂੰ ਅਸੀਸ ਦੇ