ਸਹਾਰੇ ਇਕ ਜਾਨਲੇਵਾ ਬੀਮਾਰੀ ਤੋਂ ਸਿਹਤਮੰਦ ਹੋਏ ਤਾਂ ਉਹ ਊਰਜਾ ਚਿਕਿਤਸਾ 'ਚ ਰੁਚੀ ਲੈਣ ਲੱਗੇ। ਉਨਾਂ ਦੀ ਪ੍ਰਮੁੱਖ ਰੁਚੀ ਦ ਹੀਲਿੰਗ ਕੋਡਸ 'ਚ ਹੈ। ਇਸ ਉਪਚਾਰ ਤਕਨੀਕ ਨੂੰ ਡਾ. ਐਲੈਕਸ ਲਾੱਯਡ ਨੇ ਖੋਜਿਆ ਸੀ। ਅੱਜ ਡਾੱ. ਜਾੱਨਸਨ ਤੇ ਐਲੇਕਸ ਲਾੱਯਡ ਦ ਹੀਲਿੰਗ ਕੋਡਸ ਕੰਪਨੀ ਚਲਾਉਂਦੇ ਤੇ ਆਪਣੇ ਸੰਦੇਸ਼ ਦਾ ਪ੍ਰਚਾਰ-ਪ੍ਰਸਾਰ ਕਰਦੇ ਹਨ। ਵਾਧੂ ਜਾਣਕਾਰੀ ਲਈ www.healingcodes.com ਤੇ ਜਾਓ।

 

ਲਾੱਰਲ ਲੈਂਜਮੀਅਰ

ਲਾੱਰਲ ਲੈਂਜਮੀਅਰ (Loral Langemeier) ਲਿਵ ਆਉਟ ਲਾਉਡ ਦੀ ਬਾਨੀ ਹਨ, ਜਿਹੜੀ ਲੋਕਾਂ ਨੂੰ ਉਨ੍ਹਾਂ ਦੇ ਵਿੱਤੀ ਟੀਚਿਆਂ 'ਤੇ ਪਹੁੰਚਾਉਣ ਲਈ ਵਿੱਤੀ ਸਿਖਿਆ ਅਤੇ ਸਮਰਥਨ ਪ੍ਰਦਾਨ ਕਰਦੀ ਹੈ। ਉਨ੍ਹਾਂ ਦਾ ਯਕੀਨ ਹੈ ਕਿ ਮਾਨਸਿਕਤਾ ਹੀ ਦੌਲਤਮੰਦ ਬਨਾਉਣ ਦੀ ਸਭ ਤੋਂ ਪ੍ਰਮੁੱਖ ਕੁੰਜੀ ਹੈ। ਉਨ੍ਹਾਂ ਦੀ ਮਦਦ ਨਾਲ ਬਹੁਤ ਸਾਰੇ ਲੋਕ ਮਿਲੀਐਨਰ ਬਣ ਚੁੱਕੇ ਹਨ। ਲਾਰਲ ਸਮੂਹਾਂ ਅਤੇ ਕੰਪਨੀਆਂ ਵਿਚ ਲੈਕਚਰ ਦਿੰਦੀ ਹੈ ਤੇ ਆਪਣੇ ਗਿਆਨ ਤੇ ਵਿਸ਼ੇਸ਼ਗਤਾ ਤੋਂ ਉਨ੍ਹਾਂ ਨੂੰ ਫਾਇਦਾ ਪਹੁੰਚਾਉਂਦੀ ਹੈ। ਉਨ੍ਹਾਂ ਦੀ ਵੈੱਬਸਾਈਟ www. liveoutloud.com ਹੈ।

 

ਪ੍ਰੇਂਟਿਸ ਮਲਫੋਰਡ (1834-1891)

ਪ੍ਰੇਂਟਿਸ ਮਲਫੋਰਡ (Prentice Malford) ਨਿਊ ਥਾੱਟ ਮੂਵਮੈਂਟ ਦੇ ਅਰੰਭਕ ਲੇਖਕਾਂ ਤੇ ਬਾਨੀਆਂ 'ਚੋਂ ਇਕ ਸਨ ਤੇ ਉਹ ਜ਼ਿਆਦਾਤਰ ਜੀਵਨ 'ਚ ਤਿਆਗੀ ਰਹੇ ਸਨ। ਉਨ੍ਹਾਂ ਨੇ ਬੌਧਿਕ ਤੇ ਰੂਹਾਨੀ ਨਿਯਮਾਂ ਨਾਲ ਸੰਬੰਧਿਤ ਆਪਣੇ ਕੰਮਾਂ ਨਾਲ ਅਸੰਖ ਲੇਖਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਉਨ੍ਹਾਂ ਦੀਆਂ ਪੁਸਤਕਾਂ 'ਚ ਥਾੱਟਸ ਆਰ ਦ ਥਿੰਗਸ ਤੇ ਦ ਵਾਈਟ ਕ੍ਰਾੱਸ ਲਾਇਬ੍ਰੇਰੀ ਸ਼ਾਮਿਲ ਹੈ, ਜਿਨ੍ਹਾਂ 'ਚ ਉਨ੍ਹਾਂ ਦੇ ਨਿਬੰਧ ਸ਼ਾਮਲ ਹਨ।