ਇਹ ਕਹਾਣੀ ਕੋਈ ਕਲਪਣਾ ਨਹੀਂ ਬਲਕਿ ਜਿੰਦਗੀ ਦੀ ਅਸਲੀ ਘਟਨਾ ਤੇ ਅਧਾਰਿਤ ਹੈ ਜਿਸ ਵਿੱਚ ਕਿਰਦਾਰਾਂ ਦੇ ਅਸਲੀ ਨਾਮ ਬਦਲ ਦਿੱਤੇ ਗਏ ਹਨ।

 

ਰੂਹਾਂ ਤੋਂ ਦੂਰ

ਸਾਰਾ ਪਿੰਡ ਜੀਤ ਦੇ ਘਰ ਵੱਲ ਦੌੜ ਰਿਹਾ ਸੀ। ਸਵੇਰੇ ਸਵੇਰੇ ਅਚਾਨਕ ਹੀ ਇਹ ਕੀ ਹੋ ਗਿਆ। ਇਹ ਸੋਚਦਾ ਮੈਂ ਵੀ ਜੀਤ ਦੇ ਘਰ ਵੱਲ ਤੁਰ ਪਿਆ। ਮੈਂ ਜੀਤ ਦੇ ਘਰ ਜਾ ਕੇ ਦੇਖਿਆ ਤਾਂ ਸਾਰਾ ਪਿੰਡ ਜੀਤ ਦੇ ਘਰ ਇਕੱਠਾ ਸੀ। ਭੀੜ ਨੂੰ ਚੀਰਦਾ ਮੈਂ ਅੰਦਰ ਗਿਆ ਤਾਂ ਜੀਤ ਦੀ ਲਾਸ਼ ਪਈ ਸੀ। ਇਸ ਦੀ ਮਾਂ ਦੀਪੋ ਉੱਚੀ-ਉੱਚੀ ਪਿੱਟ ਰਹੀ ਸੀ। ਉਹ ਧਾਹਾਂ ਮਾਰ-ਮਾਰ ਕੇ ਆਖ ਰਹੀ ਸੀ ਕਿ ਕਿਸੇ ਨੇ ਮੇਰਾ ਪੁੱਤ ਮਾਰ ਦਿੱਤਾ। ਲੋਕਾਂ ਨੂੰ ਜਿਵੇਂ-ਜਿਵੇਂ ਪਤਾ ਲੱਗ ਰਿਹਾ ਸੀ ਉਹ ਜੀਤ ਦੇ ਘਰ ਵੱਲ ਆ ਰਹੇ ਸੀ। ਸੂਰਜ ਵੀ ਆਪਣੀ ਡਿਉਟੀ ਨਿਭਾਉਂਦਿਆਂ ਕਾਫੀ ਉੱਚਾ ਚੜ੍ਹ ਗਿਆ ਸੀ। ਮੈਂ ਪੁਲਿਸ ਨੂੰ ਫੋਨ ਕੀਤਾ। ਤਕਰੀਬਨ 40 ਮਿੰਟ ਬਾਅਦ ਪੁਲਿਸ ਦੀ ਗੱਡੀ ਚੀਕਾਂ ਮਾਰਦੀ ਜੀਤ ਦੇ ਘਰ ਕੋਲ ਰੁਕੀ।

ਜੀਤ ਬਹੁਤ ਹੀ ਸਾਊ ਤੇ ਨਿੱਘੇ ਸੁਭਾਅ ਦਾ ਬੰਦਾ ਸੀ। ਉਹ ਕਬੱਡੀ ਦਾ ਸ਼ੌਕੀਨ ਸੀ ਤੇ ਖਿਡਾਰੀ ਵੀ ਬਹੁਤ ਚੰਗਾ ਸੀ। ਨੇੜ੍ਹੇ ਪਿੰਡਾਂ ਦੇ ਮੇਲਿਆਂ ਵਿੱਚ ਉਸਦੀ ਟੀਮ ਨੂੰ ਵਿਸ਼ੇਸ਼ ਤੌਰ ਤੇ ਬੁਲਾਇਆ ਜਾਂਦਾ ਸੀ। ਕਬੱਡੀ ਦਾ ਬਾ ਕਮਾਲ ਖਿਡਾਰੀ ਸੀ। ਕਦੇ ਵੀ ਉਸਦੀ ਟੀਮ