Back ArrowLogo
Info
Profile

“ਤੁਲਸੀ ਪੂਜਾ”

( ਤਸਵੀਰ ਦੇਖ ਕੇ )

ਜੋਬਨ ਮੱਤੀ ਰੂਪ ਸਵਾਰੀ,

ਧੋਤੀ ਸਣੇ ਨਹਾ ਕੇ ।

ਨਿਕਲੀ ਦੂਹਰੀ ਚੌਹਰੀ ਹੋ ਕੇ,

ਲੱਜਾ ਦੀ ਵਾ ਖਾ ਕੇ ।

ਜੱਫੀ ਮਾਰ ਖਲੋਤੀ ਧੋਤੀ,

ਰੋਂਦੀ ਤੇ ਵਿਲਲਾਂਦੀ :--

"ਕੋਮਲ ਅੰਗੀਏ ! ਲਾਹ ਨ ਮਾਰੀਂ,

ਮੈਂ ਹਾਂ ਤੇਰੀ ਬਾਂਦੀ” ।

ਵਿੱਚੋਂ ਵਿੱਚੋਂ ਤਨ ਗੋਰੀ ਦਾ,

ਮਾਰੇ ਇਉਂ ਲਿਸ਼ਕਾਰੇ,

ਤਿੱਤਰਖੰਭੀ ਬਦਲੀ ਚੋਂ ਜਿਉਂ,

ਰਿਜ਼ਮਾਂ ਚੰਨ ਖਿਲਾਰੇ ।

ਜਲ ਤੋਂ ਤਾਂ ਤੁਲਸੀ ਸੜਦੀ ਨਹੀਂ,

ਹਰਦਮ ਪਈ ਚੜ੍ਹਾਂਦੀ ।

ਸਜਣ ਹੱਥੋਂ ਜ਼ਹਿਰ ਨਿਕਾਰੀ,

ਅੰਮ੍ਰਿਤ ਬਣ ਬਣ ਜਾਂਦੀ ।

29 / 94
Previous
Next