31
ਸਾਥੋਂ ਅਗਲੇ ਰਾਹਵਾਂ ਪੱਧਰ, ਕਰਕੇ ਬੈਠੇ ਹੁੰਦੇ।
ਅੱਜ ਅਸੀਂ ਨਾ ਆਪਣੇ ਮੱਥੇ ਫੜ ਕੇ ਬੈਠੇ ਹੁੰਦੇ।
ਮੇਰੇ ਸ਼ਹਿਰ 'ਚ ਸਿਰ ਵੇਚਣ ਦੀ, ਖੁੱਲ੍ਹ ਜ਼ਰਾ ਜੇ ਹੁੰਦੀ,
ਲੋਕ ਹਜ਼ਾਰਾਂ ਸੜਕਾਂ ਉੱਤੇ ਧਰ ਕੇ ਬੈਠੇ ਹੁੰਦੇ।
ਸਾਡਾ ਵੀ ਕੋਈ ਕੱਦ ਨਾ ਹੁੰਦਾ, ਅਸੀਂ ਵੀ ਲੋਕਾਂ ਵਾਂਗੂੰ,
ਥੱਕੀਆਂ ਗੱਲਾਂ ਨਾਲ ਜੇ ਵਰਕੇ ਭਰ ਕੇ ਬੈਠੇ ਹੁੰਦੇ।
ਦੀਵਾ ਨਈਓਂ ਦੀਵੇ ਬਲਦੇ, ਸਾਡੇ ਬੰਨਿਆਂ ਉੱਤੇ,
ਝੱਖੜਾਂ ਦੇ ਨਾਲ ਜੇ ਸਮਝੌਤਾ ਕਰ ਕੇ ਬੈਠੇ ਹੁੰਦੇ।
ਲਹੂ ਦੇ ਘੁੱਟ ਸਵਾਦੀ ਹੁੰਦੇ, ਕਿਧਰੇ ਲਿਖਿਆ ਹੁੰਦਾ,
ਜ਼ੋਰਾਵਰ, ਜ਼ਰਦਾਰ, ਸੁਰਾਹੀਆਂ ਭਰ ਕੇ ਬੈਠੇ ਹੁੰਦੇ।
-0-
