4. ਜਸ਼ਨੇ ਪਾਕਿਸਤਾਨ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਡਿੱਢ ਵਜਾ
ਜਸ਼ਨੇ-ਪਾਕਿਸਤਾਨ ਮਨਾ
ਝੰਡਾ ਇਹਦਾ ਚੁੱਕ ਕੇ ਰੱਖ
ਆਪਣੀ ਨੀਵੀਂ ਪਾ ਕੇ ਰੱਖ
ਸਾਡੇ ਕੱਠੇ ਕਰ ਕੇ ਕੱਖ
ਆਪਣਾ ਠੰਢਾ ਚੁੱਲ੍ਹਾ, ਤਾਅ
ਸਾਡੇ ਗੁਣ ਵੀ ਗਾਉਂਦਾ ਜਾ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਢਿੱਡ ਵਜਾ
ਜਸ਼ਨੇ ਪਾਕਿਸਤਾਨ ਮਨਾ
ਵਿੱਚ ਅਮਰੀਕਾ ਸਾਡਾ ਨਾਂ
ਸਾਡੇ ਸਿਰ ਤੇ ਉਹ ਦੀ ਛਾਂ
ਕੱਟਾ ਕੋਹੀਏ, ਭਾਵੇਂ ਗਾਂ
ਇਹ ਲੈ ਝੰਡੀ ਨੱਠਾ ਜਾ
ਆਪਣੇ ਬਾਲਾਂ ਨੂੰ ਪਰਚਾ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਢਿੱਡ ਵਜਾ
ਜਸ਼ਨੇ ਪਾਕਿਸਤਾਨ ਮਨਾ
ਸਾਡੇ ਹੱਥਾਂ ਵੱਲੇ ਵੇਖ
ਸਾਡੇ ਪੱਲੇ ਤੇਰੇ ਲੇਖ
ਸ਼ਾਮ ਸਵੇਰੇ ਸਾਨੂੰ ਵੇਖ
ਜਿੰਨਾ ਦੇਈਏ ਓਨਾ ਖਾਹ
ਇਸ ਧਰਤੀ ਦੇ ਅਸੀਂ ਖੁਦਾ
