ਵਿੱਚ ਹਵਾਵਾਂ ਫਿਰਦੀ ਵਾਜ
ਆਵਣ ਵਾਲਾ ਸਾਡਾ ਰਾਜ
ਅੱਵਲ ਆਖਿਰ ਇਹਦੀ ਲਾਜ
ਮੰਜ਼ਿਲ ਵੱਲੇ ਪੈਰ ਵਧਾ
'ਨੇਰ੍ਹੇ ਕੋਲੋਂ ਨਾ ਘਬਰਾ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਢਿੱਡ ਵਜਾ
ਜਸ਼ਨੇ-ਪਾਕਿਸਤਾਨ ਮਨਾ
ਕੱਸ ਲੰਗੋਟਾ ਫੜ ਕੇ ਡਾਂਗ
ਦੇਂਦੇ ਕਿਉਂ ਨਈ ਉੱਚੀ ਬਾਂਗ
ਹੁਣ ਨਈਂ ਜੀਣਾ ਬੁਜ਼ਦਿਲ ਵਾਂਗ
ਤੂੰ ਵੀ ਆਪਣਾ ਜ਼ੋਰ ਵਿਖਾ
ਨਿੱਕਿਆ ਆਪਣਾ ਕੱਦ ਵਧਾ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਢਿੱਡ ਵਜਾ
ਜਸ਼ਨੇ-ਪਾਕਿਸਤਾਨ ਮਨਾ
ਅਮਰੀਕਾ ਦੇ ਯਾਰਾਂ ਕੋਲ
ਧਰਤੀ ਦੇ ਜ਼ਰਵਾਰਾਂ ਕੋਲ
ਜ਼ਾਲਿਮ ਤੇ ਮੱਕਾਰਾਂ ਕੋਲ
ਝੂਠੇ ਤੇ ਬਦਕਾਰਾਂ ਕੋਲ
ਤੇਰਾ ਪਾਕਿਸਤਾਨ ਗਿਆ
ਆਪਣਾ ਪਾਕਿਸਤਾਨ ਬਚਾ
ਉੱਠ ਗਰੀਬਾ ਭੰਗੜਾ ਪਾ
ਭੁੱਖਾ ਆਪਣਾ ਢਿੱਡ ਵਜਾ
ਜਸ਼ਨੇ-ਪਾਕਿਸਤਾਨ ਮਨਾ
-0-
