ਰਾਖੇ ਅੰਦਰ ਆਣ ਵੜੇ ਨੇ

ਸਾਡੇ ਸਿਰ ਤੇ ਆਣ ਚੜ੍ਹੇ ਨੇ

ਫਿਰ ਜਮਹੂਰੀ ਫੁੱਲ੍ਹ ਸੜੇ ਨੇ

ਲੋਕਾਂ ਆਪਣੇ ਕੰਨ ਫੜੇ ਨੇ

ਲਿਖਦਾ ਕਿਉਂ ਨਈਂ ਸੱਚੇ ਅੱਖਰ?

 

ਹਾਲੇ 'ਨੇਰੇ ਮੁੱਕੇ ਨਈਓਂ

ਚੋਰ-ਲੁਟੇਰੇ ਮੁੱਕੇ ਨਈਓਂ

ਕੈਦੋਂ ਖੇੜੇ ਮੁੱਕੇ ਨਈਓਂ

ਪੁੱਠੇ ਗੇੜੇ ਮੁੱਕੇ ਨਈਓਂ

ਲਿਖਦਾ ਕਿਉਂ ਨਈਂ ਸੱਚੇ ਅੱਖਰ?

 

ਸੱਪਾਂ ਦੀ ਜੂਹ ਬਣ ਗਈ ਧਰਤੀ

ਦੁੱਖਾਂ ਦਾ ਖੂਹ ਬਣ ਗਈ ਧਰਤੀ

ਡੈਣਾਂ ਦੀ ਰੂਹ ਬਣ ਗਈ ਧਰਤੀ

ਜੱਗ ਦੀ ‘ਥੂਹ-ਥੂਹ' ਬਣ ਗਈ ਧਰਤੀ

ਲਿਖਦਾ ਕਿਉਂ ਨਈਂ ਸੱਚੇ ਅੱਖਰ?

 

ਜਿਹੜੇ ਘਰ ਨੂੰ ਛੱਡ ਗਏ ਨੇ

ਕੰਡੇ ਸੂਲਾਂ ਗੱਡ ਗਏ ਨੇ

ਨੰਗੇ ਕਰ ਕੇ ਹੱਡ ਗਏ ਨੇ

ਲਿਖਦਾ ਕਿਉਂ ਨਈਂ ਸੱਚੇ ਅੱਖਰ?

 

ਪਰਖੇ ਨਾ ਅਜ਼ਮਾਵੀਂ 'ਬਾਬਾ'

ਮੁੜ ਨਾ ਛਲ 'ਚ ਆਵੀਂ ਬਾਬਾ

ਯਾਰੀ ਵਾਲਾ ਉਹਨਾਂ ਵੱਲੇ