9. ਜੰਗ ਨਈਂ ਲੱਗੀ ਚੰਗਾ ਹੋਇਆ
ਮੇਰੇ ਵਾਂਗ ਤੁਸੀਂ ਵੀ ਉੱਠੋ
ਆਪਣੇ ਦੋਵਾਂ ਹੱਥਾਂ ਨਾਲ
ਕਰੋ ਸਲਾਮਾਂ ਉਹਨਾਂ ਨੂੰ
ਜਿਹਨਾਂ ਗੀਤ ਅਮਨ ਦੇ ਲਿਖੇ
ਨਿੰਦਿਆ ਕੀਤੀ ਅਸਲੇ ਦੀ
ਵੰਡੇ ਫੁੱਲ ਮੁਹੱਬਤਾਂ ਦੇ
ਸਾਨੂੰ ਸਾਡੇ ਸੁਫਨੇ ਦੀ ਤਾਬੀਰ ਮਿਲੀ
ਜੰਗ ਨਈਂ ਲੱਗੀ ਚੰਗਾ ਹੋਇਆ
ਅੱਗ ਨਈਂ ਭੜਕੀ ਚੰਗਾ ਹੋਇਆ।
ਖੜੀਆਂ ਫਸਲਾਂ, ਫੁੱਲਾਂ ਕਲੀਆਂ
ਠੰਢੀਆਂ ਛਾਵਾਂ ਵਾਲੇ ਰੁੱਖਾਂ
ਸੜ ਜਾਣਾ ਸੀ
ਬੰਦੇ ਖਾਵਣ ਵਾਲੀਆਂ ਡੈਣਾਂ
ਸਾਡੇ ਘਰ ਘਰ ਵੜ ਜਾਣਾ ਸੀ
ਕਰਜ਼ਾ ਹੋਰ ਵੀ ਚੜ੍ਹ ਜਾਣਾ ਸੀ
ਸਾਡੇ ਬਾਲਾਂ ਡਰ ਜਾਣਾ ਸੀ
ਲੱਖਾਂ ਲੋਕਾਂ ਮਰ ਜਾਣਾ ਸੀ
ਜੰਗ ਨਈਂ ਲੱਗੀ ਚੰਗਾ ਹੋਇਆ।
ਤੋਪਾਂ ਦੇ ਮੂੰਹ ਖੁੱਲ੍ਹੇ ਨਈਂ ਜੇ
ਅੱਗ ਬਰਸਾਉਂਦੇ ਲੋਹੇ ਦੇ ਪੰਛੀ
