ਉੱਡੇ ਨਈਂ ਜੇ
ਕੱਚੇ ਪੱਕੇ ਧਰਤੀ ਉੱਤੇ
ਸਾਡੇ ਲਹੂ ਵੀ ਡੁੱਲ੍ਹੇ ਨਈਂ ਜੇ
ਮਾਵਾਂ ਭੈਣਾਂ ਰੋਈਆਂ ਨਈਂ ਜੇ
ਜੀਉਂਦੀ ਜਾਨੀ ਮੋਈਆਂ ਨਈਂ ਜੇ
ਜੰਗ ਨਈਂ ਲੱਗੀ ਚੰਗਾ ਹੋਇਆ
ਅੱਗ ਨਈਂ ਭੜਕੀ ਚੰਗਾ ਹੋਇਆ।
ਨਵਿਆਂ ਦੇ ਨਾਲ ਅਤਿ ਪੁਰਾਣੇ
ਸਾਡੇ ਵਿਰਸੇ ਢਹਿ ਜਾਣੇ ਸੀ
ਸਾਡੀ ਰੋਟੀ ਦੇ ਕਾਰਖਾਨੇ
ਝੱਗਾਂ ਵਾਂਗੂੰ ਬਹਿ ਜਾਣੇ ਸੀ
ਵਿੱਚ ਪਤਾਲਾਂ ਲਹਿ ਜਾਣੇ ਸੀ
ਸੁੱਕ ਜਾਣੇ ਸੀ ਸਾਡੇ ਹਾਸੇ
ਹਉਕੇ, ਹਾਵਾਂ ਰਹਿ ਜਾਣੇ ਸੀ
ਜੰਗ ਤੇ ਖੁਸ਼ੀਆਂ ਲੁੱਟੇ ਲੋਕੋ
ਬੂਟੇ ਮੁੱਢੋਂ ਪੁੱਟੇ ਲੋਕੋ
ਸਦੀਆਂ ਪਿੱਛੇ ਸੁੱਟੇ ਲੋਕੋ
ਜੰਗ ਨਈਂ ਲੱਗੀ ਚੰਗਾ ਹੋਇਆ
ਅੱਗ ਨਈਂ ਭੜਕੀ ਚੰਗਾ ਹੋਇਆ।
-0-
