ਲਈ ਤੈਨੂੰ ਇਹ ਨੌਕਰੀ ਕਰਨੀ ਪੈ ਰਹੀ ਹੈ ? ਗੱਲ ਜ਼ਰਾ ਪ੍ਰਾਈਵੇਟ ਜਿਹੀ ਪੁੱਛ ਬੇਠਾ ਹਾਂ। ਜੇ ਤੂੰ ਨਾ ਦੱਸਣੀ ਚਾਹੋਂ ਤਾਂ ਤੇਰੀ ਮਰਜ਼ੀ।"

"ਨਹੀਂ ਜੀ, ਮੈਂ ਇਸ ਪ੍ਰਕਾਰ ਦੇ ਓਹਲਿਆਂ ਵਿੱਚ ਵਿਸ਼ਵਾਸ ਨਹੀਂ ਰੱਖਦਾ। ਬਹੁਤ ਓਹਲੇ ਮਨ ਦਾ ਬੋਝ ਬਣ ਜਾਂਦੇ ਹਨ। ਕੁਝ ਇੱਕ ਓਹਲੇ ਜ਼ਰੂਰੀ ਹਨ, ਕਿਉਂਜੁ ਉਹ ਅਸਲ ਵਿੱਚ ਓਹਲੇ ਨਹੀਂ, ਸਗੋਂ ਜੀਵਨ ਦਾ ਸਤਿਕਾਰ ਹਨ ਅਤੇ ਜੀਵਨ ਦਾ ਸਤਿਕਾਰ ਹੋਣ ਕਰਕੇ ਸੁੰਦਰ ਹਨ। ਸਾਨੂੰ ਇੱਕ ਵੇਨ ਦੀ ਲੋੜ ਹੈ। ਉਸ ਲਈ ਸਾਲ ਕੁ ਭਰ ਨੌਕਰੀ ਕਰਾਂਗਾ।"

ਦੀਪੂ ਚਾਹ ਵਾਲੀ ਦੇ ਚੁੱਕੀ ਅੰਦਰ ਆਇਆ ਅਤੇ ਉਸ ਦੇ ਪਿੱਛੇ ਪਿੱਛੇ ਬੀ ਜੀ ਵੀ। ਸੁਮੀਤ ਇੱਕ ਵੇਰ ਵਿਚ ਉੱਠ ਕੇ ਖਲੋ ਗਿਆ। ਬੀ ਜੀ ਪਾਪਾ ਲਾਗਲੀ ਕੁਰਸੀ ਉੱਤੇ ਜਾ ਬੈਠੇ। ਉਨ੍ਹਾਂ ਦੇ ਬੈਠਣ ਮਗਰੋਂ ਉਨ੍ਹਾਂ ਨੂੰ ਸਤਿ ਸ੍ਰੀ ਅਕਾਲ' ਕਹਿ ਕੇ ਸੁਮੀਤ ਵੀ ਬੇਨ ਗਿਆ। ਬੀ ਜੀ ਨੇ 'ਸਤਿ ਸ੍ਰੀ ਅਕਾਲ' ਦਾ ਕੋਈ ਉੱਤਰ ਨਾ ਦਿੱਤਾ। ਪਾਪਾ ਨੇ ਪਹਿਲਾਂ ਸੁਮੀਤ ਵੱਲ ਵੇਖਿਆ, ਫਿਰ ਬੀ ਜੀ ਵੱਲ ਅਤੇ ਪੁੱਛਿਆ, "ਕਿਸੇ ਗੱਲੋਂ ਗੁੱਸੇ ਹੋ?"

"ਨਹੀਂ: ਗੁੱਸੇ ਕਿਉਂ ਹੋਵਾਂਗੀ। ਉਡੀਕ ਉਡੀਕ ਕੇ ਏਥੇ ਹੀ ਚਾਹ ਲੈ ਆਈ ਹਾਂ। ਹੁਣ ਗੱਲਾਂ ਹੀ ਕਰੀ ਜਾਓਗੇ ਜਾਂ ਚਾਹ ਬਣਾਵਾਂ ?"

"ਗੱਲਾਂ ਵੀ ਕਰਾਂਗੇ ਅਤੇ ਚਾਹ ਵੀ ਪੀਆਂਗੇ। ਬਣਾਓ। ਹਾਂ ਬਈ, ਸੁਮੀਤ, ਵੈਨ ਦੀ ਕੀ ਲੋੜ ਪੈ ਗਈ ?"

"ਸਰ, ਮੇਰੇ ਮਾਤਾ ਜੀ ਨੂੰ ਬੀਮਾਰਾਂ ਨੂੰ ਦਵਾਈ ਆਦਿਕ ਦੇਣ ਲਈ ਕੁਝ ਇੱਕ ਪਿੰਡਾਂ ਵਿੱਚ ਜਾਣਾ ਪੈਂਦਾ ਹੈ। ਉਹ ਤਾਂ ਸਾਈਕਲ, ਸਕੂਟਰ ਉੱਤੇ ਵੀ ਜਾ ਸਕਦੇ ਹਨ; ਪਰ ਉਹ ਕੁਝ ਦਵਾਈਆਂ ਵੀ ਨਾਲ ਰੱਖਣਾ ਚਾਹੁੰਦੇ ਹਨ। ਕਦੇ ਕਦੇ ਡਾਕਟਰ ਨੂੰ ਵੀ ਨਾਲ ਲੈ ਜਾਣਾ ਪੈਂਦਾ ਹੈ। ਇਸ ਲਈ ਵੇਨ ਜ਼ਰੂਰੀ ਹੈ। ਜੋ ਕਿਸੇ ਮਰੀਜ਼ ਨੂੰ ਆਪ੍ਰੇਸ਼ਨ ਲਈ ਲਿਆਉਣਾ ਪਵੇ ਤਾਂ ਵੀ ਵੈਨ ਤੋਂ ਸਿਵਾ ਸਰ ਨਹੀਂ ਸਕਦਾ। ਇਸ ਦੇ ਨਾਲ ਨਾਲ ਉਹ ਕੁਝ ਇੱਕ ਕੁੜੀਆਂ ਨੂੰ ਨਰਸਿੰਗ ਦੀ ਸਿਖਲਾਈ ਵੀ ਦੇ ਰਹੇ ਹਨ। ਉਨ੍ਹਾਂ ਨੂੰ ਵੀ ਨਾਲ ਲੈ ਜਾਣਾ ਕਦੇ ਕਦੇ ਜ਼ਰੂਰੀ ਹੋ ਜਾਂਦਾ ਹੈ।"

"ਤੇਰੇ ਮਾਤਾ ਜੀ ਕੀ ਕੰਮ ਕਰਦੇ ਹਨ ?"

"ਉਹ ਆਪਣੇ ਇਲਾਕੇ ਦੇ ਸਿਹਤ ਮੰਤ੍ਰੀ ਹਨ, ਇਹ ਤਾਂ ਤੁਸਾਂ ਸਮਝ ਹੀ ਲਿਆ ਹੋਵੇਗਾ। ਇਸ ਦੇ ਨਾਲ ਉਹ ਵਿੱਦਿਆ ਮੰਤ੍ਰੀ ਵੀ ਹਨ ਅਤੇ ਸਮਾਜ ਸੇਵਕਾ ਵੀ। ਸਭ ਤੋਂ ਜ਼ਰੂਰੀ ਕੰਮ ਇਹ ਕਿ ਉਹ ਮੇਰੇ ਮਾਤਾ ਜੀ ਹਨ।"

"ਮਾਂ ਹੋਣਾ ਵੀ ਉਨ੍ਹਾਂ ਦੇ ਕੰਮ ਵਿੱਚ ਸ਼ਾਮਲ ਹੋ? ਇਹ ਕੀ ਕੰਮ ਹੋਇਆ ?"

"ਇਹ ਸਭ ਤੋਂ ਔਖਾ ਕੰਮ ਹੈ, ਸਰ। ਉਹ ਕਹਿੰਦੇ ਹਨ ਜੋ ਇਸਤ੍ਰੀ ਨੂੰ ਮਾਂ ਹੋਣਾ ਆ ਜਾਵੇ ਤਾਂ ਜੀਵਨ ਵਿੱਚੋਂ ਜੁਰਮ ਅਤੇ ਆਤੰਕਵਾਦ ਦਾ ਬੀਜ ਨਾਸ ਹੋ ਜਾਵੇ ਅਤੇ ਜਿੰਨਾ ਚਿਰ ਇਸਤ੍ਰੀ ਨੂੰ ਮਾਂ ਬਣਨਾ ਨਹੀਂ ਆਉਂਦਾ, ਓਨਾ ਚਿਰ ਸੰਸਾਰ ਦੀ ਕੋਈ ਸਿਆਣਪ ਤੇ ਸਰਕਾਰ ਦੀ ਕੋਈ ਸੱਤਾ ਅਪ੍ਰਾਧ ਅਤੇ ਆਤੰਕਵਾਦ ਦਾ ਅੰਤ ਨਹੀਂ ਕਰ ਸਕਦੀ।" ਬੀ ਜੀ ਨੇ ਚਾਹ ਦੀਆਂ ਤਿੰਨ ਪਿਆਨੀਆਂ ਬਣਾਈਆਂ, ਇੱਕ ਪਾਪਾ ਲਈ, ਦੂਜੀ ਮੇਰੇ ਲਈ ਅਤੇ ਤੀਜੀ ਆਪਣੇ ਲਈ। ਮੇਰੇ ਲਈ ਬਣਾਈ ਪਿਆਲੀ ਮੇਰੇ ਅੱਗੇ, ਪਾਪਾ ਲਈ ਬਣਾਈ ਪਿਆਲੀ ਪਾਪਾ ਅੱਗੇ ਰੱਖ ਕੇ ਉਹ ਆਪ ਚਾਹ ਪੀਣ ਲੱਗ ਪਏ। ਪਾਪਾ ਨੇ ਆਪਣੀ ਪਿਆਲੀ ਸੁਮੀਤ ਅੱਗੇ ਰੱਖਦਿਆਂ ਸਾਹਮਣੇ ਖਲੋਤੇ ਦੀਪੂ ਨੂੰ ਪੁੱਛਿਆ, "ਚਾਹ ਪੀਏਗਾ,

ਦੀਪੂ ?"