ਕੇਸ਼ਵ ਨੇ ਸਭ ਤੋਂ ਪਹਿਲਾਂ ਆਖਿਆ- "ਅੱਜ ਮੈਂ ਤੁਹਾਨੂੰ ਸਾਰਿਆਂ ਨੂੰ ਇਕ ਖ਼ੁਸ਼ਖ਼ਬਰੀ ਸੁਣਾਵਾਂਗਾ।”
"ਮੇਰੇ ਕੋਲ ਵੀ ਤੁਹਾਨੂੰ ਸੁਣਾਉਣ ਲਈ ਇਕ ਖ਼ੁਸ਼ਖ਼ਬਰੀ ਹੈ ।” ਕੇਸ਼ਵ ਦੀ ਘਰਵਾਲੀ ਬੋਲੀ।
“ਮਾਤਾ ਤੇ ਪਿਤਾ ਜੀ ! ਮੈਂ ਵੀ ਤੁਹਾਨੂੰ ਅੱਜ ਇਕ ਅਜਿਹੀ ਖ਼ੁਸ਼ਖ਼ਬਰੀ ਸੁਣਾਵਾਂਗਾ ਕਿ ਸੁਣ ਕੇ ਤੁਹਾਡੀਆਂ ਸਾਰੀਆਂ ਚਿੰਤਾਵਾਂ ਦੂਰ ਹੋ ਜਾਣਗੀਆਂ।” ਬ੍ਰਾਹਮਣ ਦਾ ਪੁੱਤਰ ਬੋਲਿਆ— “ਮੈਂ ਆਪਣੇ ਇਕ ਦੋਸਤ ਨਾਲ ਮਧੂਮਾਲਤੀ ਦਾ ਰਿਸ਼ਤਾ ਪੱਕਾ ਕਰ ਦਿੱਤਾ ਹੈ।"
"ਹੈਂ !” ਬ੍ਰਾਹਮਣ ਚੌਂਕਿਆ-"ਇਕ ਸੁਯੋਗ ਨੌਜਵਾਨ ਨਾਲ ਮੈਂ ਵੀ ਮਧੂਮਾਲਤੀ ਦਾ ਰਿਸ਼ਤਾ ਪੱਕਾ ਕਰ ਦਿੱਤਾ ਹੈ।”
"ਮੈਂ ਵੀ ਤੁਹਾਨੂੰ ਇਹੋ ਦੱਸਣਾ ਚਾਹੁੰਦੀ ਸਾਂ ਕਿ ਇਕ ਗੁਣੀ ਤੇ ਸੁੰਦਰ ਯੁਵਕ ਦੇ ਨਾਲ ਆਪਣੀ ਮਧੂਮਾਲਤੀ ਦਾ ਰਿਸ਼ਤਾ ਪੱਕਾ ਕਰ ਦਿੱਤਾ ਹੈ।"
ਇਹ ਸੁਣ ਕੇ ਤਿੰਨੇ ਹੈਰਾਨ ਹੋ ਗਏ । ਹੁਣ ਕੀ ਹੋਵੇਗਾ ? ਇਹ ਤਾਂ ਨਵੀਂ ਮੁਸੀਬਤ ਖੜ੍ਹੀ ਹੋ ਗਈ । ਹੁਣ ਕਿਹੜੇ ਮੁੰਡੇ ਨੂੰ ਇਨਕਾਰ ਕਰਨ ਤੇ ਕਿਹੜੇ ਨੂੰ ਸਵੀਕਾਰ ਕਰਨ ? ਇਤਫ਼ਾਕ ਦੀ ਗੱਲ ਤਾਂ ਇਹ ਸੀ ਕਿ ਤਿੰਨਾਂ ਨੇ ਇਕੋ ਹੀ ਦਿਨ ਬਾਰਾਤ ਲੈ ਕੇ ਆਉਣ ਲਈ ਮੁੰਡੇ ਵਾਲਿਆਂ ਨੂੰ ਆਖਿਆ ਸੀ ।
ਅਖ਼ੀਰ ਵਿਆਹ ਦੀ ਤਰੀਕ ਆ ਗਈ ਪਰ ਕੋਈ ਫ਼ੈਸਲਾ ਨਾ ਹੋ ਸਕਿਆ।
ਸਮੁੱਚਾ ਪਰਿਵਾਰ ਇਕ ਅਜੀਬ ਜਿਹੇ ਧਰਮ ਸੰਕਟ 'ਚ ਫਸ ਚੁੱਕਾ ਸੀ । ਸ਼ਾਮ ਹੋਣ 'ਤੇ ਤਿੰਨੇ ਲਾੜੇ ਵੀ ਆਪਣੇ-ਆਪਣੇ ਰਿਸ਼ਤੇਦਾਰਾਂ ਸਮੇਤ ਆ ਪਹੁੰਚੇ।
ਤਿੰਨੇ ਹੀ ਮਧੂਮਾਲਤੀ ਨਾਲ ਵਿਆਹ ਕਰਾਉਣ ਦਾ ਦਾਅਵਾ ਕਰਨ ਲੱਗੇ । ਮਧੂਮਾਲਤੀ ਦੀ ਖ਼ੂਬਸੂਰਤੀ ਵੇਖ ਕੇ ਤਾਂ ਦਾਅਵੇ ਹੋਰ ਵੀ ਪ੍ਰਬਲ ਹੋ ਉੱਠੇ।
ਉਧਰ ਮਧੂਮਾਲਤੀ ਵੀ ਉਨ੍ਹਾਂ ਤਿੰਨਾਂ ਨੌਜਵਾਨਾਂ ਤੋਂ ਪ੍ਰਭਾਵਿਤ ਨਜ਼ਰ
