ਗੱਲ ੨੩ ਮਾਰਚ ੧੯੩੧ ਦੀ,
ਜ਼ਾਲਮਾਂ ਬਹੁਤੀ ਅੱਤ ਨਹੀਂ ਚੁੱਕੀ ਦੀ।
ਪੁੱਤ ਸ਼ੇਰ ਭਾਰਤ ਮਾਂ ਜੰਮਦੀਆਂ, ਹੱਸ ਹੱਸ ਕੇ ਫ਼ਾਂਸੀ ਚੜ੍ਹ ਚੱਲੇ।
* ਭਗਤ ਸਿੰਘ, ਸੁਖਦੇਵ, ਰਾਜਗੁਰੂ, ਦੇਸ਼ ਆਜ਼ਾਦ ਕਰਾ ਚੱਲੇ।
ਗੋਰੇ ਜਦ ਦੇਸ਼ ਆ ਵੜੇ,
ਸੂਰਮੇ ਕੰਧ ਬਣ ਆ ਖੜ੍ਹੇ।
ਮਾਂ ਤੈਨੂੰ ਦਾਗ਼ ਨਾ ਲੱਗਣ ਦੇਣਾ, ਗੋਰਿਆਂ ਖ਼ਿਲਾਫ਼ ਅੜ੍ਹ ਚੱਲੇ।
* ਭਗਤ ਸਿੰਘ, ਸੁਖਦੇਵ, ਰਾਜਗੁਰੂ, ਦੇਸ਼ ਆਜ਼ਾਦ ਕਰਾ ਚੱਲੇ।
ਚੰਦਰ ਸ਼ੇਖਰ ਆਜ਼ਾਦ ਵਰਗੇ,
ਕਦੇ ਮਰਨੋਂ ਨਹੀਂ ਇਹ ਸ਼ੇਰ ਡਰਦੇ।
ਜਿੰਦਾ ਅੰਗਰੇਜ਼ਾਂ ਹੱਥ ਨਹੀਂ ਆਇਆ, ਮਾਂ ਤੇਰੇ ਵਿੱਚ ਸਮ੍ਹਾ ਚੱਲੇ।
* ਭਗਤ ਸਿੰਘ, ਸੁਖਦੇਵ, ਰਾਜਗੁਰੂ, ਦੇਸ਼ ਆਜ਼ਾਦ ਕਰਾ ਚੱਲੇ।
ਸ਼ੈਰੀ ਦੀ ਕਲਮ ਦੀ ਕੋਈ ਔਕਾਤ ਨਹੀਂ,
ਵਤਨ ਨੂੰ ਪਿਆਰ ਕਰਨ ਦੀ ਕੋਈ ਸ਼ੁਰੂਆਤ ਨਹੀਂ।
ਰੂਹ ਭਾਰਤ ਮਾਂ ਦੇ ਨਾਮ ਕਰਕੇ, ਨਾਮ ਅਮਰ ਆਪਣਾ ਕਰਾ ਚੱਲੇ।
* ਭਗਤ ਸਿੰਘ, ਸੁਖਦੇਵ, ਰਾਜਗੁਰੂ, ਦੇਸ਼ ਆਜ਼ਾਦ ਕਰਾ ਚੱਲੇ।
