ਜਰਾ ਸਾਡੇ ਕੋਲ ਵੀ ਬਹਿ ਬਾਬਾ ।
ਖਾ ਖਾ ਠੋਕਰਾਂ ਹੋਏ ਸਿਆਣੇ
ਕੋਈ ਗੱਲ ਸਿਆਣੀ ਕਹਿ ਬਾਬਾ ।
ਹੱਸ ਬਾਬਾ ਬੋਲ ਬਾਬਾ
ਛੁਪੇ ਭੇਦ ਦਿਲਾਂ ਦੇ ਖੋਲ ਬਾਬਾ ।
ਖੱਟੀਆਂ ਮਿਠੀਆਂ ਕੌੜੀਆਂ ਯਾਦਾਂ
ਦਿਲ ਵਿਚ ਤੇਰੇ ਲੱਖ ਫ਼ਰਿਆਦਾਂ ।
ਨਾ ਕੋਈ ਸਾਥੀ ਤੇ ਨਾ ਕੋਈ ਹਾਣੀ
ਤੇਰੀ ਬੀਤੀ ਤੂੰ ਹੀ ਜਾਣੀ ।
ਕੌਣ ਹੈ ਜੋ ਦੁੱਖ ਦਰਦ ਵੰਡਾਵੇ ।
ਕੌਣ ਹੈ ਜੋ ਤੇਰਾ ਸਾਥ ਨਿਭਾਵੇ ।
ਆ ਬਾਬਾ ਬਹਿ ਬਾਬਾ
ਕੋਈ ਗੱਲ ਸਿਆਣੀ ਕਹਿ ਬਾਬਾ ।
ਹੱਸਦਿਆਂ ਗਾਉਂਦਿਆਂ ਕੱਟਦੀ ਜਿੰਦਗੀ
ਹੱਸਦਾ ਗਾਉਂਦਾ ਰਹਿ ਬਾਬਾ ।
ਸਮਾਂ ਬਦਲਿਆ ਬਦਲੀ ਦੁਨੀਆ
ਤੂੰ ਦੁਨੀਆ ਨਾਲ ਨਾ ਖਹਿ ਬਾਬਾ ।
ਹੱਸ ਬਾਬਾ ਥੋੜ੍ਹਾ ਹੱਸ ਬਾਬਾ
ਨਾ ਬੀਤੀਆਂ ਪਿੱਛੇ ਨਸ ਬਾਬਾ ।
ਨਾ ਦੁਖਾਂ ਵਿਚ ਕੋਈ ਰਸ ਬਾਬਾ ।
ਨਵੀਂ ਦੁਨੀਆ ਦੇ ਨਵੇਂ ਰੰਗ
ਤੂੰ ਨਵੀਆਂ ਨੂੰ ਗਲ਼ ਲਾ ਬਾਬਾ ।
ਕੀ ਹੈ ਚੰਗਾ ਕੀ ਹੈ ਮੰਦਾ
ਕੋਈ ਚੰਗੀ ਗੱਲ ਸਮਝਾ ਬਾਬਾ ।
ਸਾਨੂੰ ਸਿੱਧੇ ਰਾਹੇ ਪਾ ਬਾਬਾ ।
ਰਹੇਂ ਦੂਰ ਦੂਰ ਕਿਉਂ ਪਰ੍ਹੇ ਪਰ੍ਹੇ
ਜਰਾ ਸਾਡਾ ਸਾਥ ਨਿਭਾ ਬਾਬਾ ।
ਕੋਈ ਰਮਜ ਇਸ਼ਕ ਦੀ ਲਾ ਬਾਬਾ ।
ਕੋਈ ਹੱਡ ਬੀਤੀ ਗੱਲ ਲਾ ਬਾਬਾ ।
ਆ ਬਾਬਾ ਬਹਿ ਬਾਬਾ
ਕੋਈ ਗੱਲ ਪਤੇ ਦੀ ਕਹਿ ਬਾਬਾ ।
ਆ ਬਾਬਾ ਗੱਲ ਲਾ ਬਾਬਾ
ਸਾਨੂੰ ਕਲੀਓਂ ਫ਼ੁੱਲ ਬਣਾ ਬਾਬਾ ।
ਸੱਚ ਗਿਆਨ ਦੀ ਬਣਕੇ ਜੋਤ
ਤੂੰ ਸਾਰਾ ਜੱਗ ਚਮਕਾ ਬਾਬਾ ।
ਜਾਂ ਬਣਕੇ ਫ਼ੁੱਲ ਗਿਆਨ ਮਹਿਕ ਦਾ
ਸਾਰਾ ਜੱਗ ਮਹਿਕਾ ਬਾਬਾ ।
ਆ ਬਾਬਾ ਖੰਘ ਬਾਬਾ
ਕੋਈ ਟੁੱਟੀ ਪੁਰਾਣੀ ਗੰਢ ਬਾਬਾ।
ਤੂੰ ਪਿਆਰ ਪਤਾਸੇ ਵੰਡ ਬਾਬਾ ।
ਆ ਬਾਬਾ ਬਹਿ ਬਾਬਾ
ਕੋਈ ਗੱਲ ਸਿਆਣੀ ਕਹਿ ਬਾਬਾ ।
ਆ ਬਾਬਾ ਹੱਸ ਬਾਬਾ
ਸੱਚਾ ਨਾਮ ਗੁਰਾਂ ਦਾ ਜੱਪ ਬਾਬਾ।
