ਮੇਰੇ ਸੋਹਣੇ ਭਾਰਤ ਦੇਸ਼ ਉੱਤੇ
ਆਣ ਬਾਜਾਂ ਡੇਰਾ ਲਾਇਆ ਏ ।
ਹੁੰਦੀ ਮੌਤ ਨਾਲੋਂ ਭੈੜੀ ਗੁਲਾਮੀ ਸਹਿਣੀ
ਪਾ ਜੰਜੀਰਾਂ ਸਾਨੂ ਸਮਝਾਇਆ ਏ ।।
ਇਕ ਲੁੱਟਿਆ ਸੋਨੇ ਜਿਹਾ ਦੇਸ਼ ਸਾਡਾ
ਦੂਜਾ ਸਾਡੇ ਤੇ ਹੁੱਕਮ ਚਲਾਇਆ ਏ ।
ਕਰ ਕੁਰਬਾਨੀ ਲੱਖਾਂ ਸ਼ਹੀਦ ਸੂਰਮੇ
ਭਾਰਤ ਬਾਜਾਂ ਹੱਥੋਂ ਛੁਡਾਇਆ ਏ ।।
ਇਕ ਬੂੰਦ ਤੋਂ ਹੋਏ ਸ਼ਹੀਦ ਲੱਖਾਂ
ਡੁੱਲ੍ਹੇ ਲਹੂ ਨੇ ਰੰਗ ਦਿਖਾਇਆ ਏ ।
15 ਅਗਸਤ ਦਿਨ ਆਇਆ ਭਾਗਾਂ ਭਰਿਆ
ਗੁਲਾਮ ਭਾਰਤ ਅਜ਼ਾਦ ਕਹਾਇਆ ਏ ।।
ਰੋਮ -ਰੋਮ ਸਦਕੇ ਉਨ੍ਹਾਂ ਵੀਰਾਂ ਦੇ
ਵਾਰ ਜਾਨਾ ਜਿਹਨਾਂ ਮੁਲੱਖ ਕਮਾਇਆ ਏ ।
ਸਿਰ ਝੁੱਕਿਆ ਨਾ ਜ਼ਾਲਮ ਸਰਕਾਰ ਅੱਗੇ
ਭਾਰਤ ਮਾਂ ਲਈ ਲਹੂ ਵਹਾਇਆ ਏ ।।
ਜ਼ਾਲਮਾਂ ਜਾਂਦੀਆਂ ਜਿਗਰ ਛੱਲੀ ਕੀਤਾ
ਸਕੇ ਭਾਈਆਂ ਨਾਲ ਭਾਈਆਂ ਨੂੰ ਲੜਾਈਆਂ ਏ ।
ਕਈ ਮਾਵਾਂ ਦੇ ਦਿਲ ਲਹੂ ਲੁਹਾਨ ਕੀਤੇ
ਹਿੰਦੋਸਤਾਨ ਤੋਂ ਪਾਕ ਵੰਡਾਇਆ ਏ ।।
ਇਕ ਪਾਸੇ ਖੁਸ਼ੀ ਦੀ ਸਞੇਰ ਸੱਜਰੀ
ਦੂਜੇ ਪਾਸੇ ਹਨ੍ਹੇਰਾ ਛਾਇਆ ਏ ।
ਉੰਨੇ ਹੋਏ ਨਾ ਸ਼ਹੀਦ ਦੇਸ਼ ਉੱਤੋਂ
ਜਿੰਨੇ ਆਪਣੀਆਂ ਲਹੂ ਵਹਾਇਆ ਏ ।।
ਅਜ਼ਾਦੀ ਰੰਗੀ ਲਹੂ ਦੇ ਰੰਗ ਸੂਹੀ
ਕਿੰਨੇ ਮਸ਼ੂਮਾ ਧਰਤ ਲਿਟਾਇਆ ਏ ।
ਅੰਗਰੇਜ਼ੀ ਜ਼ੁਲਮ ਨਾਲੋਂ ਭੈੜਾ ਜ਼ੁਲਮ ਹੋਇਆ
ਦੇਖ ਸਭ ਦਾ ਦਿਲ ਘਬਰਾਇਆ ਏ ।।
ਕਿੰਨਾ ਵਹਾਇਆ ਏ ਲਹੂ ਅਜ਼ਾਦੀ ਪਾਉਣ ਲਈ
ਇਸ ਗੱਲ ਨੂੰ ਅੱਜ ਕੋਈ ਜਾਣਦਾ ਨਹੀਂ ।
ਸ਼ਹੀਦ ਰਹਿ ਗਏ ਲੋਕਾਂ ਲਈ ਆਮ ਜਿਹੇ
ਕੀਤੀ ਕੁਰਬਾਨੀ ਨੂੰ ਅੱਜ ਕੋਈ ਪਹਿਚਾਣਦਾ ਨਹੀਂ ।।
15 ਅਗਸਤ ਨੂੰ ਬਸ ਅਜ਼ਾਦੀ ਦਿਵਸ ਕਹਿੰਦੇ
ਕਿੰਨਾ ਅਜ਼ਾਦ ਕਰਵਾਇਆ ਕੋਈ ਜਾਣਦਾ ਨਹੀਂ ।
ਅੱਖੀਂ ਦੇਖਿਆ ਹਾਲ ਮੈਂ ਲੋਕਾਂ ਦਾ
ਸੱਚ ਆਖਦਾ ਹਾਂ ਝੂੱਠ ਮੈਂ ਛਾਣਦਾ ਨਹੀਂ
