ਅਲਿਫ਼-ਇਹ ਸ਼ਾਇਰੀ ਮੈਂਡੀ ਦਿਲਬਰ,
ਭਾਵੇਂ ਭੌਂਕਣਾ ਤੇ ਝਕ ਮਾਰਨਾ ਏਂ ।
ਇਹ ਮਦਹ ਅਸਾਦੀ ਲ ਸਮੁੰਦਰ ਨੂੰ,
ਤ੍ਰੌਂਕਣਾ ਤੇ ਝਕ ਮਾਰਨਾ ਏਂ ।
ਐਵੇਂ ਲੋਕਾਂ ਨੂੰ ਆਖਣਾ ਆਪ ਨ ਕਰਨਾ,
ਰੋਕਣਾ ਤੇ ਝਕ ਮਾਰਨਾ ਏਂ ।
ਐਵੇਂ ਕੂਕ ਸੁਣਾਵਣ ਲੋਕਾਂ ਤਾਈਂ,
ਸ਼ੂਕਣਾ ਤੇ ਝਕ ਮਾਰਨਾ ਏਂ ।
ਇਹ ਸ਼ਾਇਰੀ ਕੇਹੀ ਸ਼ਾਇਰੀ ਏ,
ਐਵੇਂ ਭੌਂਕਣਾ ਤੇ ਝਕ ਮਾਰਨਾ ਏਂ ।
ਐਵੇਂ ਕਮਲੇ ਕੁੱਤੇ ਹਰਨਾਂ ਪਿੱਛੇ,
ਭੌਂਕਣਾ ਤੇ ਝਕ ਮਾਰਨਾ ਏਂ ।
ਐਵੇਂ ਭੱਜਣ ਭੜਕਣ ਜੰਗਲਾਂ ਦੇ ਵਿੱਚ,
ਸ਼ੂਕਨਾਂ ਤੇ ਝਕ ਮਾਰਨਾ ਏਂ ।
ਵੱਤ ਆਖਿਰ ਸਾਈਂ ਹੱਥ ਫੜੀਏ,
ਕੂਕਣਾ ਤੇ ਝਕ ਮਾਰਨਾ ਏਂ ।
ਪਰ ਵਿਚ ਖਵਾਬ ਗੁਜ਼ਾਰਣਾ ਏਂ ਹੈਦਰ,
ਚੂੰਕਣਾ ਤੇ ਝਕ ਮਾਰਨਾ ਏਂ ।੫।
