ਅਲਿਫ਼-ਉਹਨਾਂ ਸੋਹਣਿਆਂ ਵਿੱਚ ਜਲਵਾਨੁਮਾ
ਭੀ ਬੇਰੰਗ ਖੂਬੀ ਯਾਰ ਦੀ ਏ ।
ਬੇਰੰਗ ਹੋਇਆ ਜੇ ਚਾਂਦਨੀ ਅੰਦਰ
ਜ਼ਾਹਰ ਵਾਂਗ ਦੀਵਾਰ ਦੀ ਏ ।
ਦਸੇ ਉਤੇ ਗਲ ਪਵੇ ਨਹੀਂ
'ਲਾਇਯਦਰਕਅਲਅਬਸਾਰ' ਦੀ ਏ ।
ਨਾਹੀਂ ਤਾਂ ਬਿਨ ਜੌਹਰ ਅਰਜ਼ ਨੂੰ
ਕਿਉਂਕਰ ਤਰਾ' ਕਰਾਰ ਦੀ ਏ ।
ਚਮਕੇ ਹਵਾ ਮਹਤਾਬ ਕੁਨੋਂ ਗੁਲ ਪਵੇ
ਗੱਲ ਅਸਰਾਰ ਦੀ ਏ ।
ਤਾਕਚਾ ਬਜ਼ਮ ਸ਼ੀਸ਼ਾ ਹੋਇਆ
ਦੀਵਾਰ ਉਸ ਦਿਲਦਾਰ ਦੀ ਏ ।
ਹਰ ਖੁਬਸੂਰਤ ਨਾਰ ਨੂੰ ਖੂਬੀ
'ਲੋ ਲਮ ਤਮਸਾ' ਨਾਰ ਦੀ ਏ ।
ਨੂਰਨ ਅਲਾ ਨੂਰ ਕਰੇ ਤਮਾਸ਼ਾ
ਮਜ਼ਹਰ ਸਿਰਜਨਹਾਰ ਦੀ ਏ ।
ਉਹ ਆਪ ਸੂਰਜ ਹੈਦਰ ਬਹੁਤ ਬੁਲੰਦ
ਇਹ ਗੱਲ ਤਾਂ ਦੋ ਚਮਕਾਰ ਦੀ ਏ ।੬੩।
