ਸਿਰਫ ਨਸਲਾਂ ਹੀ ਅਲੋਪ ਨਹੀਂ ਹੁੰਦੀਆਂ,
ਕਈ ਵਾਰ ਅਲੋਪ ਹੋ ਜਾਂਦੇ ਹਨ ਇਨਕਲਾਬ ਵੀ,
ਜਦੋਂ ਨਸਲਾਂ ਅਲੋਪ ਹੋ ਜਾਂਦੀਆਂ ਹਨ ਤਾਂ
ਲਾਸ਼ਾਂ ਮਿੱਟੀ ਵਿੱਚ ਦਫ਼ਨ ਹੋ, ਛੱਡ ਜਾਂਦੇ ਹਨ ਨਿਸ਼ਾਨ ਕੋਈ
ਫਾਸਿਲਜ਼ ਬਣ ਕੇ,
ਅਤੇ ਜਦੋਂ ਇਨਕਲਾਬ ਨੂੰ ਦਫ਼ਨਾਇਆ ਜਾਂਦਾ ਹੈ
ਮਨ ਦੀਆਂ ਡੂੰਘੀਆਂ ਨਿਰਾਸਤਾ ਵਿਚ
ਉਹ ਦੂਰ ਤੱਕ ਛੱਡ ਜਾਂਦੇ ਹਨ
ਲੰਮੇ ਸਮੇਂ ਦਾ ਖਾਲੀ ਪਨ, ਉਦਾਸੀ ਅਤੇ ਬਹੁਤ ਸਾਰਾ ਅਤਿਆਚਾਰ,
ਲੇਕਿਨ ਇਕ ਅਲੋਪ ਨਸਲ ਦੀ ਥਾਂ ਲੈਣ ਲਈ ਜਿਵੇਂ,
ਨਵੀਆਂ ਨਸਲਾਂ ਪੈਦਾ ਹੋ ਜਾਂਦੀਆਂ ਹਨ,
ਇਨਕਲਾਬ ਵੀ ਮੁੜ ਆਉਣਗੇ ਨਵੇਂ ਪ੍ਰਤੀਕਾਂ ਵਿਚ ਢਲ ਕੇ
ਅਤੇ ਅੱਗ ਵਾਂਗੂੰ ਫੈਲ ਕੇ ਮਿਟਾ ਦੇਣਗੇ
ਅਤਿਆਚਾਰ ਦੇ ਸਾਰੇ ਜੰਗਲ
ਬਸ ਇਕ ਚੰਗਿਆੜੀ ਪੈਦਾ ਹੋਣ ਦੀ ਦੇਰ ਹੈ……
