ਅਸੀਂ ਬੇਵਫਾ ਲੋਕਾਂ ਨੂੰ ਵੀ ਵਫਾਵਾਂ ਦਿੱਤੀਆਂ ਨੇ,
ਫਿਰ ਕਿਉਂ ਜਿੰਦਗੀ ਨੇ ਸਾਨੂੰ ਸਜਾਵਾਂ ਦਿੱਤੀਆਂ ਨੇ।
ਕਦੇ ਕਿਸੇ ਦਾ ਬੁਰਾ ਨਾ ਹੀ ਕੀਤਾ, ਨਾ ਸੋਚਿਆ ਏ,
ਅਸੀਂ ਤਾਂ ਦੁਸ਼ਮਣਾਂ ਨੂੰ ਵੀ ਦੁਆਵਾਂ ਦਿੱਤੀਆਂ ਨੇ।
ਮੰਜ਼ਿਲਾਂ ਤੇ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਰਾਹੀਆਂ ਨੂੰ,
ਵੇਖ ਤਾਂ ਹੀ ਖੁਦਾ ਨੇ ਸਾਨੂੰ ਮੁਸਕਲ ਰ੍ਹਾਵਾਂ ਦਿੱਤੀਆਂ ਨੇ।
ਆਰਾਮ ਨਾ ਦਿੱਤਾ ਕੋਈ, ਤਪਦੀਆਂ ਤੇਜ ਧੁੱਪਾਂ ਚ ਸਾਨੂੰ,
ਵਿਖਾਵੇ ਲਈ ਪਤਝੜੀ ਰੁੱਖਾਂ ਦੀਆਂ ਛਾਵਾਂ ਦਿੱਤੀਆਂ ਨੇ।
ਅਸੀਂ ਅੱਗੇ ਨੂੰ ਤੁਰੇ ਤੇ ਉਹਨਾਂ ਪਿੱਛੇ ਵੱਲ ਨੂੰ ਖਿੱਚਿਆ,
ਸਿੱਧੂ' ਬੇੜੀਆਂ ਜਿਹੀਆਂ ਪਿਉ ਦੀਆਂ ਬ੍ਹਾਵਾਂ ਦਿੱਤੀਆਂ ਨੇ।
