ਅਸਮਾਨ ਬੋਲਿਆ
ਸੁਬਹੋ ਸ਼ਾਮ ਬੋਲਿਆ
ਅਸੀਂ ਬੈਠ ਕੇ ਚੁਬਾਰੇ
ਤੇਰਾ ਨਾਮ ਬੋਲਿਆ
ਤੂੰ ਬੁਝਾਰਤਾਂ ਜੋ ਪਾਈਆਂ
ਸਾਨੂੰ ਬੁਝਣੀਆਂ ਨਾ ਆਈਆਂ
ਅਸੀਂ ਜਾਣੀਆਂ ਨਾ ਰਮਜ਼ਾਂ
ਜੋ ਪੈਗਾਮ ਬੋਲਿਆ
ਤੂੰ ਹੀ ਜਾਣੇ ਤੂੰ ਕੀ ਸ਼ੈਅ ਹੈਂ
ਸਾਡੇ ਭਾਣੇ ਦਿਲ ਦੀ ਲੈਅ ਹੈਂ
ਅਸੀਂ ਵਾਜ ਦਿਲ ਵਿੱਚ ਮਾਰੀ
ਭਗਵਾਨ ਬੋਲਿਆ
ਕਈ ਜਨਮ ਦੀ ਪੁਰਾਣੀ
ਇਹ ਕੈਦ ਦੀ ਕਹਾਣੀ
ਬੈਹਕੇ ਨਹਿਰ ਦੇ ਕਿਨਾਰੇ
ਬਲਰਾਮ ਬੋਲਿਆ
ਅਜੇ ਰਸਤਿਆਂ ਵਿੱਚ ਗੁੰਮ ਹਾਂ
ਹਾਲੇ ਕੱਚੇ ਹਾਂ ਗੁੰਮ ਸੁੰਮ ਹਾਂ
ਜਿਨ੍ਹਾਂ ਬੁਲ੍ਹਿਆਂ ਨੂੰ ਮਿਲਿਆ
ਸਰੇਆਮ ਬੋਲਿਆ
