ਆਇ ਜਮਾਂ ਨੇ ਘੇਰ ਲਿਆ ਜਦ ਭੇਦ ਨ ਮਿਲਿਆ ਘਰ ਦੇ ਨੂੰ
ਲੱਖ ਸਿਆਣਿਆਂ ਬੈਦਾਂ ਹੁੰਦਿਆਂ ਬੰਨ੍ਹ ਚਲਾਇਆ ਬਰਦੇ ਨੂੰ
ਕਾਲ ਅਚਾਨਕ ਮਾਰ ਲਿਆ ਹੁਣ ਸਰ ਵਿਚ ਬਗਲੇ ਤਰਦੇ ਨੂੰ
ਮਾਉਂ ਕਹੇ ਹੁਣ ਕੌਨ ਛੁਡਾਵੇ ਬਾਲਕ ਤਰਲੇ ਭਰਦੇ ਨੂੰ
ਹੀਰਿਆ ਹਰਨਾ ਮੌਤ ਮਾਰ ਗਈ ਹਰੀ ਅੰਗੂਰੀ ਚਰਦੇ ਨੂੰ
ਖਾਲੀ ਹੱਥੀਂ ਤੋਰ ਦਿੱਤਾ ਨੇ ਬਹੁਤਾ ਪਿਟ ਪਿਟ ਮਰਦੇ ਨੂੰ ।
ਨਾਰਿ ਨਿਮਾਣੀ ਰੋ ਰੋ ਆਖੇ ਛੋਡ ਚਲਿਆ ਅਨਸਰਦੇ ਨੂੰ
ਕਾਲ ਗੁਲੇਲਾ ਮਾਰ ਲਿਆ ਵੇ ਘਰ ਵਿਚ ਐਸ਼ਾਂ ਕਰਦੇ ਨੂੰ
ਕੋਈ ਜਾਕੇ ਮੋੜ ਲਿਆਵੇ ਮਾਲਕ ਸਾਰੀ ਜ਼ਰ ਦੇ ਨੂੰ
ਈਸ਼ਰ ਦਾਸਾ ਵਰਜ ਰਹੀ ਮੈਂ ਚੀਜ਼ ਪਰਾਈ ਹਰਦੇ ਨੂੰ
