ਬੇ-ਭੈਣਾਂ ਹੀਰੇ ਹੀਰੇ ਕਰ ਆਹੋ ਨਹੀਂ
ਔਰ ਔਰ ਨ ਰਾਂਝਣ ਭਾਵੰਦੀ ਏ ।
ਦੂਰ ਦੂਰ ਭੰਨੀਆਂ ਮੈਂਡੇ ਕੋਲ ਨ ਆਉ
ਯਾਰ ਨੂੰ ਗੈਰਤ ਆਵੰਦੀ ਏ ।
ਭੈਣਾਂ ਵੀਰਾ ਵੀਰਾ ਕਰ ਗਾਵੋ ਤੁਸੀਂ
ਹੀਰ ਬੇਲੀ ਦੇ ਗਾਵੰਦੀ ਏ ।
ਭੈਣਾਂ ਵਾਹਣਾ ਦੇ ਵਿੱਚ ਨਾਹੋ ਤੁਸੀਂ
ਹੀਰ ਕਪੜ ਦੇ ਵਿੱਚ ਨਹਾਵੰਦੀ ਏ ।
ਭੈਣਾਂ ਕੰਢਿਆਂ ਤੇ ਤੁਸੀਂ ਝੁੱਮਰ ਪਾਓ
ਹੀਰ ਲਹਰੇ ਝਨਾਵੰਦੀ ਏ ।
ਛੰਨੇ ਚੂਰੀ ਦੇ ਕੁੱਟ ਖਾਓ ਤੁਸੀਂ
ਹੀਰੇ ਘੁੰਮਰ-ਘੇਰੀ ਖਾਵੰਦੀ ਏ ।
ਬੂਰ ਬੂਰ ਤੇ ਸੋਹਣੀ ਕਰ ਕਰ
ਮਾਹੀ ਨੂੰ ਮਹੀਂ ਮਿਲਾਵੰਦੀ ਏ ।
ਹੀਰ ਆਪਣਾ ਨਾਂ ਵਿਚ ਚਾਹੇ ਹੈਦਰ,
ਆਸ਼ਿਕ ਯਾਰ ਦੇ ਨਾਵੰਦੀ ਏ ।੩।
