ਨਿੱਤ ਨਵੀਆਂ ਸਕੀਮਾਂ ਬਣਾਉਂਦੇ ਨੇ ਬੇਵਫਾ ਲੋਕ,
ਦਿਲ ਵਾਲਿਆਂ ਨੂੰ ਜਾਲ ਚ ਫਸਾਉਂਦੇ ਨੇ ਬੇਵਫਾ ਲੋਕ।
ਇੱਕ ਫੁੱਲ ਤੋਂ ਦੂਜੇ ਫੁੱਲ, ਦੂਜਿਓਂ ਤੀਜੇ ਤੇ ਬੈਠ ਜਾਂਦੇ,
ਭੌਰਿਆਂ ਵਰਗਾ ਰੋਲ ਨਿਭਾਉਂਦੇ ਨੇ ਬੇਵਫਾ ਲੋਕ।
ਰੂਹ ਦੇ ਗਾਹਕਾਂ ਦੀ ਭੋਰਾ-ਭਰ ਵੀ ਕਦਰ ਨਹੀਂ,
ਜ਼ਮਾਨੇ ਚ ਖੂਬ ਨਾਮ ਕਮਾਉਂਦੇ ਨੇ ਬੇਵਫਾ ਲੋਕ।
ਪੂਛ-ਪੂਛ-ਪੂਛ ਕਹਿ ਕੇ, ਸਿਕਾਰ ਨੂੰ ਪੁਚਕਾਰ ਲੈਂਦੇ,
ਮਤਲਬ ਵੇਲੇ ਨਰਮੀ ਦਿਖਾਉਂਦੇ ਨੇ ਬੇਵਫਾ ਲੋਕ।
ਹਵਸ 'ਚ ਅੰਨੇ ਹੋ ਕੇ, ਬੇ-ਹਿਸਾਬ ਗੁਨਾਹ ਕਰਦੇ ਨੇ,
ਪਰ ਜਾਦੀਂ ਹੱਦ ਨੂੰ ਬਹੁਤ ਪਛਤਾਉਂਦੇ ਨੇ ਬੇਵਫਾ ਲੋਕ।
ਸੱਚੇ ਲੋਕਾਂ ਦੇ ਸੱਚੇ ਜਜ਼ਬਾਤਾਂ ਨਾਲ ਖੂਬ ਖੇਡਦੇ ਨੇ,
ਸਿੱਧੂ' ਸੱਚਿਆਂ ਦਾ ਦਿਲ ਤੜਫਾਉਂਦੇ ਨੇ ਬੇਵਫਾ ਲੋਕ।
