ਮੇਰੇ ਸੋਹਣੇ ਪੰਜਾਬ ਨੂੰ, ਪਤਾ ਨਹੀਂ ਕਿਸ ਦੀ ਨਜ਼ਰ ਲੱਗ ਗਈ।
ਇੱਥੇ ਬਾਬੇ, ਲੀਡਰ, ਚੋਰ, ਰੋਜ਼ ਹੀ ਜਨਤਾ ਨੂੰ ਹੈ ਠੱਗ ਦੀ।
ਇਹ ਸਿਰਫ਼ ਗਰਜ਼ਦੇ ਬੱਦਲ ਨੇ, ਇਹਨਾਂ ਕੋਲੋਂ ਵਰ੍ਹਿਆ ਜਾਣਾ ਨਹੀਂ।
* ਵੇ ਮੁੜਿਆ ਭਗਤ ਸਿੰਘ ਸਰਦਾਰਾ, ਵੇ ਤੇਰੇ ਬਿਨ੍ਹਾਂ ਲੜਿਆ ਜਾਣਾ ਨਹੀਂ।
ਥਾਂ ਥਾਂ ਠੇਕੇ ਖੁੱਲ੍ਹ ਗਏ ਨੇ, ਨਸ਼ੇ ਵਿੱਚ ਰੁੱਲ ਦੀ ਫਿਰੇ ਜਵਾਨੀ।
ਤੈਨੂੰ ਕਿਵੇਂ ਸੁਣਾਵਾਂ ਮੈਂ, ਭਗਤ ਸਿੰਘਾ ਤੇਰੇ ਪੰਜਾਬ ਦੀ ਕਹਾਣੀ।
ਪੰਜਾਬ ਚਿੱਟੇ ਨੇ ਮਾਰ 'ਤਾ ਵਾ, ਇਹਦੇ ਕੋਲੋਂ ਮਰਿਆ ਜਾਣਾ ਨਹੀਂ।
* ਵੇ ਮੁੜਿਆ ਭਗਤ ਸਿੰਘ ਸਰਦਾਰਾ, ਵੇ ਤੇਰੇ ਬਿਨ੍ਹਾਂ ਲੜਿਆ ਜਾਣਾ ਨਹੀਂ।
ਇੱਥੇ ਅਨਪੜ੍ਹ ਬੀਬੀਆਂ ਨੇ, ਪਖੰਡੀ ਨੂੰ ਰੱਬ ਦੀ ਪਦਵੀ ਛਕਾ 'ਤੀ।
ਇਹਨਾਂ ਪਖੰਡੀ ਬਾਬਿਆਂ ਨੇ, ਸਾਰੀ ਸ਼ਰਮ ਹੀ ਆ ਲਾ 'ਤੀ।
ਸਾਡੇ ਸਰੀਰ ਜਲਦੇ ਰੋਜ਼ ਨੇ, ਪਰ ਰੂਹ ਤੋਂ ਸੜਿਆ ਜਾਣਾ ਨਹੀਂ।
* ਵੇ ਮੁੜਿਆ ਭਗਤ ਸਿੰਘ ਸਰਦਾਰਾ, ਵੇ ਤੇਰੇ ਬਿਨ੍ਹਾਂ ਲੜਿਆ ਜਾਣਾ ਨਹੀਂ।
ਇੱਥੇ ਸਰਕਾਰ ਹੀ ਝੂਠੀ ਆ, ਸਾਡੀ ਕਰਦੀ ਰਹੀ ਛਲਣੀ ਛਾਤੀ।
ਚੁਰਾਸੀ ਦਾ ਇਨਸਾਫ਼ ਨਾ ਮਿਲਿਆ, ਜੇ ਮੰਗਿਆ ਤਾਂ ਅਸੀਂ ਹੀ ਅੱਤਵਾਦੀ।
ਸੱਚ ਲਿਖਦਾ ਸ਼ੈਰੀ ਆ, ਮੇਰੀ ਕਲਮ ਤੋਂ ਡਰਿਆ ਜਾਣਾ ਨਹੀਂ।
* ਵੇ ਮੁੜਿਆ ਭਗਤ ਸਿੰਘ ਸਰਦਾਰਾ, ਵੇ ਤੇਰੇ ਬਿਨ੍ਹਾਂ ਲੜਿਆ ਜਾਣਾ ਨਹੀਂ।
